Lilegere 21:8 - ZE'ELEGO PAALEGA

⁸ Gee han dɛna dabɛɛbehi la, la sɛba en ka sakɛ la, sɛba ti ba galum ba la, la nɛrekuureba la, yaluntuuma duma la, sɔ̃niniduma, bage kaabereba, la pumparenduma la za'a, ba bɔŋa zi'an ta bɔna la bugum mɔgerɛ la ti tahi taaɛ bugum dita la puan. Yi'i kum la en bala.”

Farefare Ninkaré

⁸ La sãn dɛna dabeto, la sɛba n ka bɔ sɩra, la sɛba n tõnnɩ tõon-dẽgrɔ, la nẽr-kʋʋrba, la yalsɩ dõma, la sɛba n tõnnɩ tɩɩm tõoma, la sɛba n nã'asrɩ bõndõma tɩ ba mãalɛ, la põmpɔrndõma la wuu, bãma zẽ'a de la bugum mõgrɛ n diti kidibre pʋam. Bɛla de la kũm bʋyi dãana.»

Lilegere 21:8 Iomraidhean Croise

Amatie 10:28

Da zoti ya sɛba n wan ta'am ku inganɛ la ma'a gee kan ta'am ku sia la. Gee tugum zoti ya se'em en wan ta'am sagum inganɛ la sia la bugum tiŋa la puan.

Amatie 25:25

Bala ti dabeem tara mam, ti mam dikɛ fum talenta la ta pi' tiŋa bumɔ n ŋwana.’

Amatie 8:26

Ti a yele ba yeti, “Ŋwani ti ya tara dabeem bala?” Ya sakerɛ pɔ'ɛ ya. Gee nyaa ihege tahɛ kusebego la, la ateko la ti komi'ihi ma'ɛ suram.

Amarkɩ 9:44

[Zi'an ti zunzuya sɛ'a n diti ba la ka kiira, ti bugum sebo n diti ba la ka malum kiŋera].

Azã 8:44

Ya kɔ'ɔm ze'ele la ya sɔ Sagena la zi'an na, gee me looe ti ya tum ya sɔ tuunfi'iha sumboolum la. A dela nɛre kuura pi'ileŋo puan na, ka bɔta yelemɛŋerɛ, se'ere n sɔi la, yelemɛŋerɛ ka boi a puan. A han parum, a tɔgeri dɔla la a naanɛ n bala, se'ere n sɔi la, a dela pumparema, gee dɛna pumpɔreŋɔ woo sɔ.

2 Tesaloniki 2:9

Se'em daana en ka kihi yele la kini na niiɛ mɛ Sagena la tuuma puan, se'em en tari pahi woo, kirehi, la pumpɔreŋɔ nyalema tuuma,

1 Timoti 4:2

doohe la birekɔgen-pumparenduma sɛba zuto en ka ŋmɛ'ɛri kibegera la.

Taitusi 1:16

Ba iŋɛ ba mɛhi ti bamam mi' Yinɛ, gee ba zagehɛ en mɛ la ba itegɔ la. Ba dela nɛre fi'iha, tube-kpirega duma, ka nara tuunsunɛ se'ere woo puan.

Hiburuduma 12:24

Ya wa'am la Yezu en de nupu'ŋmɛ'ɛra nɔpu'ule paalega la puan la zi'an na, la ziim sebo en dikɛ miihi, gee tɔgera yelesuma gana Abɛl ziim la zi'an na.

Hiburuduma 13:4

Bahɛ ya ti pɔgedire la sire-ele tara na'ahegɔ ya za'a zi'an, ti pɔgedire la sire-ele suŋɔ la da galum, se'ere en sɔi la, Yinɛ wan gakɛ yaluntuuma duma, la kabohi duma mɛ.

1 Zã 2:22

Ani en de pumparema la? Han dagena se'em en zagehɛ ti Yezu dagi Kiresta la. Ena daana en de Kiresta dima la, se'em en zagehɛ Yinɛ en de Sɔ, la Dayua la.

1 Zã 3:15

Bala se'em woo en yaaɛ ba suuɔ dela kuureba, ya mi ti kuureba ka tari Yinɛ vom sumɔ en kan ba'ahɛ la.

1 Zã 5:10

Se'em woo en nam Yinɛ Dayua la dela aze' nyɛ daana a mɛŋa suure puan. Se'em woo en ka nam bo' Yinɛ, iŋɛ Yinɛ ti a dɛna la pumparema, la ban ka nam yelesɛ'a ti Yinɛ tɔgɛ doohe a Dayua la.

Lilegere 14:10

ba me wan nyu Yinɛ sunsunyiim daam la en ka'ɛ iŋɛ Yinɛ sunsunyiim wula puan, ti sɛla ka gɛregɛ bɔ la. Ba wan nyɛ namehegɔ bugum puan, la tahi bugum puan, Fa'a suŋereba la nɛŋan, la Pebila la nɛŋan.

Lilegere 19:20

Ti ba nyɔkɛ bunsilemasio la, la a nɔtɔgehe pumparenduma la en daa ze'ele a nɛŋan tum nyalema sɛ'a, pã'ahɛ sɛba en to'e bunsilemasio la daalehum la, la sɛba en na'ahɛ bunsilemasio la naanɛ la. Bana bayi' wa, ba dikɛ ba lobe la voto bahɛ bugum mɔgerɛ la ti tahi bugum dita ka kiŋera la puan.

Lilegere 2:11

Bahɛ ti se'em woo n tari tuba, a kɛleha Fa'a Sia la en yeti se'em bɔ'ɔra lageŋɔ la za'a la. Se'em woo en nyaŋɛ, kum buyi' la kan paaɛ en.

Lilegere 2:2

“Mam mi yan tuni se'em, ya namehegɔ la yan tari sugeri se'em ŋmibega puan. Mam mi' ti ya ka ta' ŋmibera la be'em duma, ya magehɛ sɛba en yeti bamam dela Yezu tuntuneba gee dagena la, baŋɛ ti ba pareni mɛ.

Lilegere 21:27

Gee sɛla en de galeŋɔ lɔkɔ kan kɛ̃ ka puan, bii se'em en iti be'em bii pumpɔreŋɔ tuuma. Gee sɛba ma'a yu'ura en gulehɛ bɔna Pebila la Vom gɔŋɔ la puan.

Lilegere 22:15

Yiŋa la ha, baahi, sɔ̃niniduma, yaluntuuma duma, nɛrekuureba, la bage kaabereba, la sɛba woo en nɔŋɛ gee tuna pumpɔreŋɔ tuuma en boi bilam.

Lilegere 9:17

Mam nyɛ yire la se'em lilegere la puan en ŋwana. Yire la ba'areba la yɛ la tɛ'ɛlega kuto futo n mu'ɛ wuu bugum, la tuulum kuge sɔbele puuhego, kuge dɔboolum, ti yire wa zuto ana wuu gbigema zuto la, ti bugum la zu'uhi la bugum peelum yɛhera ba nɔyan na.

Lilegere 9:21

Ba me ka tee ba mɛhi ba nɛre kua la, bii ba sɔ̃niniduma la, bii ba yaluntuuma, bii ba nageyigum la puan.