Lilegere 20:4 - ZE'ELEGO PAALEGA

⁴ Ti mam nyɛ na'am kugehi, ti sɛba en zi' si zuto la, ba bo' ba la paŋa ti ba gakera. Mam me nyɛ sɛɛhi en de sɛba ti ba fige ba zuto, ban nam Yezu, gee muula Yinɛ yelehum la zuo. Bama ka lagum pu'uhɛ bunsilemasio la bii a naanɛ la, bii ba to'e a daalehum la ba gbɛ'ɛran bii ba nu'uhen. Ba vo'e me na, dɛna kiinduma, la Kiresta yuuma tuhere la puan.

Farefare Ninkaré

⁴ Tɩ mam yẽ na'am bĩmbĩna, tɩ ba bɔ nẽr-sɛba n zĩ ba zuto la ke'eŋo tɩ ba di sarɩya. Tɩ mam yẽ nẽr-sɛba tɩ ba daan wige ba zuto, ban bɔ Azezi sɩra, dee mõolɛ Nawẽnnɛ yetɔga la sɩɩsɩ. Nẽr-bãma daan ka nã'asɛ dũŋa la, la a bõnɔ na tɩ ba mãalɛ la, la ba ka to'oge a dãalgɔ ba dĩa zuto bɩɩ ba nu'usi zuto. Ba vo'oge mɛ lagɩm na Krisi di na'am yʋʋma tʋsrɛ la pʋam.

Lilegere 20:4 Iomraidhean Croise

Amatie 19:28

Ti Yezu yele ba yeti, “N yeti ya la Yelemɛŋerɛ wa ti, sɛla woo paalega saŋa la han ta paaɛ, ti Asaala Dayua la zi'ire a suŋa na'am kuka la zuo ba'ahɛ, yamam sɛba en doohe mam la me wan zi'a na'am kugehi pia la tuyi' me bihera Izirale buuri pia la ba yi' la.

Amatie 24:10

Nɛreba zo'e wan pita luta, ŋma'ara taaba gee yaaɛ taaba.

Amarkɩ 6:16

Gee Naba Hɛrɔd en ta wum Yezu yele la, a yeti, “Bihɛ ya, Yɔn se'em ti mam yuum fike a zuo la, en vo'e lebe na.”

Amarkɩ 6:27

Bilam bilam ti Naba la tum a pɛntiira yeti, kiŋɛ ta tari Yɔn zuo na. Ti a kiŋɛ paka deen la puan ta fike Yɔn zuo,

Amarkɩ 9:11

Ti ba soke en yeti, “Ŋwani ti gɔnmi'ineba la yeti, Elia wan wa'am yia na?”

Aluki 1:17

A wan bɔna a nɛŋa la Sɛsɛka, la pansɛka en yuum boi Elia puan la, ti a ŋmɛregɛ dɔgereba suya lebe ba kɔma puan na, gee ŋmɛregɛ sɛba en ka nane suya lebe tuntɔɔnɛ duma yɛm puan na, gee maahum nɛreba bo' Daana la.”

Aluki 14:14

Ŋwana ti fum wan nyɛ sum, se'ere en sɔi la, bamam kan ta'am lebehe yɔ hɔ. Fum wan ta to'e fum yɔɔrɛ la tuntɔɔduma vo'ore la.”

Aluki 22:30

ti ya ta ta'am di gee nyu la mam n dia zi'an n sɔ'ɔlum la puan, gee zi'a na'am kugehi zuo bihera Izirale buuri pia la bayi' la.

Azã 14:19

La han iŋɛ fiiwa, timpaberɛ wa zuo nɛreba kan le nyɛ mam, gee yamam wan nyɛ mam. Mam vɔi la, yamam me wan vɔna.

Aromduma 11:15

Bama en zagehɛ Yinɛ la han bahɛ ti naarɛ wa'am tiŋa wa zuo, la Yinɛ tiŋa suka na, gee ba Yinɛ to'ore nyaa wan ana la ŋwani, gana kum vo'ore.

Aromduma 8:17

ti tu han dɛna Yinɛ kɔma, tu dela sɛba en wan sooe sɔna, tu dela Yinɛ kɔma wan sooe Yinɛ lɔgerɔ sɔna. Tu naaɛ mɛ la Kiresta sooe sɔna Yinɛ lɔgerɔ, tu han sirum namehɛ la en, tu me wan ta lagum nyɛ suŋa la en.

2 Timoti 2:12

Tu han ŋmibe, tu me wan di na'am la en, Tu han zagehɛ en, a mɛ wan zagehɛ tɔ,

Lilegere 1:2

Yɔn wa dela se'em en muuli Yinɛ yelehum, gee pa'ala Yezu Kiresta yele, ta ta' la eŋa en nyɛ sɛla woo se'em la.

Lilegere 1:9

Mam Yɔn, ya suuɔ, se'em la yamam en lagum bɔna Yezu puan, lagum nyɛ namehegɔ, a sɔ'ɔlum la, la a sugeri ŋmibega la, n wa bɔna la tiŋa en boi ko'om tiŋasuka ti ba yi'ira ka Patimose, mam muuli Yinɛ yelehum la, la mam en de Yezu aze'nyɛ daana la zuo.

Lilegere 11:11

Gee dabeha atã la girego la en tole la, vo'ohum n tari vom en ze'ele Yinɛ zi'an na kɛ̃ ba, ti ba ihege, ti sɛba woo en nyɛ ba la, dabeem kãtɛ en kɛ̃ ba.

Lilegere 11:15

Ti suŋera buyopɔi daana la peebe a tintanɛ la, ti kuuhi kekeko ze'ele saazuo ha vɔɔla baha na yeti, “Tiŋa zuo sɔ'ɔlum la nyaa dela tumam Daana la dinɛ la a Kiresta la dinɛ, eŋa en wan dɛna ka naba, wuuha wuuha.”

Lilegere 11:3

Gee n wan bo' n aze'nyɛduma bayi' la paŋa, ti ba dɔla puta dabeha tuhere, la dabeha kɔbehi siyi, la dabeha pihiyoobe, yɛ susageŋɔ futo.”

Lilegere 11:7

Ba han purɛ ba yelehum la ba'ahɛ, bunsilemasio la en ze'ele tiŋa tiŋa yoko la puan dooe na la, wan kɔ' zaberɛ la ba, nyaŋɛ ba, ku ba,

Lilegere 12:11

Gee ba nyaŋɛ en mɛ la Pebila la ziim la, la ba nuurɛ yetɔgum, se'ere en sɔi la, ba daa ka fabele ba vom yele, la kum nɛŋan me.

Lilegere 14:11

Ti ba namehegɔ zu'uhi kɔ'ɔm gulegera zɔna saazuo ka tara ba'ahegɔ. Vo'ohego ka boi, beyiine, bii yu'uŋɔ bɔ'ɔra sɛba en na'ahɛ bunsilemasio la, la a naanɛ la, la se'em woo en to'e bunsilemasio la daalehum la en de a yu'urɛ la.”

Lilegere 15:2

Ti mam nyɛ ti sɛla niiɛ na, ana wuu ateko la, gee dɛna salema nyagera, ti bugum gɛregɛ ko'om la puan. Ti sɛba en nyaŋɛ bunsilemasio la, ka pu'uhɛ a naanɛ la, ka to'e a yu'urɛ la, la a kãlɛ la, nyaa zɛ'a salema ateko wa nuuren, pɛga kɔlɔ ti Yinɛ dikɛ bo' ba.

Lilegere 17:8

Bunsilemasio la ti fum nyɛ ni la, daa vɔi mɛ, gee ki, gee nyaa bɔna bini ti ku ze'ele boko kãtɛ la en boi tiŋa tiŋa ha la dooe na, ti ba sagum en. Ti sɛba woo en boi timpaberɛ wa zuo ti ba yu'ura ka gulehɛ bɔna vom gɔŋɔ la puan tiŋa wa pi'ileŋo puan na la, la wan ta iŋɛ ba pakerɛ ba han le ta nyɛ bunsilemasio la, beni zuo, ku daa boi mɛ, gee ki, gee le yeti ku vo'e na.

Lilegere 2:26

Se'em woo en nyaŋɛ, gee kelum tuna mam tuuma la ta paaɛ ba'ahegɔ, N wan bo' en paŋa ti a biha tihi.

Lilegere 20:6

Sum, la tuntɔɔnɛ dela sɛba en ta lagum vo'e yia vo'ore la dinɛ. Bana ti kum buyi' la ka le tana la. Gee ba wan dɛna malema duma bo' Yinɛ, la a Kiresta la, gee dɛna kiinduma la en, yuuma tuhere la puan.

Lilegere 22:5

Ti yu'uŋɔ kan le bɔna. Nɛreba kan le bɔta bugum bii butolela, bii wuntɛɛŋa. Daana Yinɛ la en wan dɛna ba niihum, ti ba dɛna naduma wuuha ka tara ba'ahegɔ.

Lilegere 3:21

Se'em daana woo en nyaŋɛ, n wan bo' a daana zi'an ti a bɔna la mam, n na'am kuka la zuo, wuu mam mɛŋa en nyaŋɛ, gee ta zi'a la n Sɔ a na'am kuka la zuo se'em la.

Lilegere 4:4

Ti sɛla en ze' kaaɛ na'am kuka kãtɛ wa mum, dela na'am kugehi pihiyi' la sinaahi, ti sɛba en zi' na'am kugehi sina wa zuto dɛna kiinduma pihiyi' la banaahi en bagɛ la na'am fupɛɛla, ti salema muhi vuga ba zuto.

Lilegere 6:9

En lorege daalehum bunuu la, mam nyɛ la kaabegɔ bimbine la tiŋa, ti sɛɛhi en de sɛba ti ba kɔrum ba Yinɛ yelehum la zuo la, la ban muulɛ ban nyɛ sɛla la zuo la.

Lilegere 7:3

A yele ba yeti, “Da sagum ya timpaberɛ la, bii ateko la, bii tiihi la, gura ti tu daalɛ tu Yinɛ yamehi la daalehum busebo ba gbɛ'ɛra ba'ahɛ.”