Lilegere 2:23 - ZE'ELEGO PAALEGA

²³ N wan damɛ a kɔma, ku ba, ti mam lageŋɔ la woo baŋɛ, ti mam en de se'em en mi' puti'ira la suya puan, gee wan bo' nɛra woo a tuuma yɔɔrɛ en nari se'em.

Farefare Ninkaré

²³ Mam wʋn ken basɛ tɩ a kɔma ki, tɩ Wẽndeto nẽrba la wuu wʋn bãŋɛ tɩ mam de la sɛka n mi nẽrba tẽ'esgɔ, la ban boorɩ se'em. La mam wʋn yɔ ya nẽra woo masɛ wʋ ẽn tõnnɩ se'em.

Lilegere 2:23 Iomraidhean Croise

Amatie 16:27

“Se'ere en sɔi la, Asaala dayua la yeti a wa'am me na la a suŋereba, a Sɔ suŋa la puan, bilam ti a wan yɔ nɛrawoo doohe en tum se'em.

Aluki 16:15

Ti Yezu yele ba yeti, “Ya dela nɛreba en bo'ori ya mɛhi buurɔ nɛreba nɛŋan, gee Yinɛ mi' ya suya puan en ani se'em mɛ. Sɛla en de tuulum lɔkɔ nɛreba nɛŋan, fi'ɛ mɛ Yinɛ nɛŋan.

Azã 21:17

Ti Yezu le yele en butã puan yeti, “Simɔn,Yɔn dayua wa, fum nɔŋɛ mam?” Ti Pita suure sagum, se'ere zuo, Yezu n yele en butã puan yeti, “Fum nɔŋɛ mam?” Ti a yele Yezu yeti, “N Daana, fum mi' sɛla woo, fum mi' ti n nɔŋɛ hɔ.” Ti Yezu yele en yeti, “Bihera n piihi wa.

Azã 4:16

Ti Yezu lerege en yeti, “Kiŋɛ ta yi' fum sira na.”

Tõoma 1:24

Gee nyaa pu'uhɛ yeti, “Daana, fum mi' nɛrawoo suure puan. Pa'alɛ tɔ buraahi siyi wa, ba se'em ti fum looe,

Aromduma 14:12

Bala zuo, tu za'a wan ta yele tu yele tu yele bo' Yinɛ .

Aromduma 8:27

Ti Yinɛ en biheri suure puan la, mi' sɛla en boi Fa'a Sia la puti'iren mɛ, se'ere en sɔi la, Fa'a Sia la sooe ŋmɛ'ɛra la nupu'ɔ bɔ'ɔra nɛresunduma la, dɔla Yinɛ sumboolum.

2 Korẽntɩ 5:10

Se'ere en sɔi la, tu za'a wan ze'ele Kiresta gakerɛ kuka la nɛŋan, ti nɛra woo to'e a yɔɔrɛ en tum sɛla a inganɛ wa puan. La dɛna sum bii be'em.

Galatɩ 6:5

Se'ere en sɔi la, nɛra woo ziira la a mɛŋa zeero.

Hiburuduma 4:13

A nɛŋan, sɛla ka boi sugɛ, gee sɛla woo ze' la beele, gã'a kpaii, se'em daana ti tu wan ta yele en tu yɛla za'a la ninin.

1 Pita 1:17

Yamam han yi'ira en Sɔ, se'em en gakeri nɛra woo ka tara ninkɔɔra, gee nɛra woo la a tuuma en de se'em la, voni ya la dabeem ya nɔka saŋa wa puan.

Lilegere 2:11

Bahɛ ti se'em woo n tari tuba, a kɛleha Fa'a Sia la en yeti se'em bɔ'ɔra lageŋɔ la za'a la. Se'em woo en nyaŋɛ, kum buyi' la kan paaɛ en.

Lilegere 2:7

Bahɛ ti se'em woo en tari tuba, a kɛleha Fa'a Sia la en yeti se'em bɔ'ɔra lageŋɔ duma la. Se'em woo en nyaŋɛ, N wan bo' en sore ti a di vom tia la wala la en boi Yinɛ vo'ohego zi'an la.

Lilegere 20:12

Ti mam nyɛ ti sɛba en ki la, nɛre kãreba la tarenduma, zɛ'a na'am kuka kãtɛ la nɛŋan, ti gɔnɔ lagehɛ, gee ti gɔŋɔ kuyima me lakɛ, gɔŋɔ seko en de vom gɔŋɔ la, ti ba gakɛ sɛba en ki la, doohe la ban tum sɛla wuu lan gulehɛ se'em gɔnɔ la puan la.

Lilegere 20:13

Ti ateko dikɛ sɛba en ki bu puan la tihɛ, ti kum la ki'intiŋa dikɛ sɛba en ki ba puan tihɛ, ti ba gakɛ ba za'a doohe ban tum sɛla la.

Lilegere 22:12

“ Bihɛ, n kini mɛ kalam kalam na, n tari n yɔɔrɛ mɛ, ti n yɔ nɛra woo en tum se'em.

Lilegere 6:8

Ti mam bihɛ ti yeeho wugelegɔ en ani biin zɛ'a. Ti bu ba'ara la yu'urɛ yi'ira Kum, ti sageŋɔ dɔla la en. Ti ba bo' ba paŋa, ti ba sɔna timpaberɛ wa puregerɛ bunaahi, la ba kɔrum la su'a, kom, la bã'ahi, la muuen duhi en boi timpaberɛ wa zuo.