Lilegere 2:14 - ZE'ELEGO PAALEGA

¹⁴ Gee mam tari la yele dina la ya. Ya tari basɛba ya puan ti ba dɔla Balaam pa'alegɔ la mɛ, se'em en daa pa'alɛ Balake ti a dikɛ sɛla en piti beŋe Izirale buuri la ti ba dita baga dia gee tuna yaluntuuma la.

Farefare Ninkaré

¹⁴ La baa bɛla, mam tarɩ la yelle fẽe la ya. Yãma tarɩ la nẽrba n boe ya pʋam dɔla Abalaam zãsŋɔ. Abalaam yʋʋn zãsʋm na Abalakɩ ẽn wʋn ẽŋɛ se'em bẽrɛ Ɩsrayɛlɩ dõma botɩ ba obe baga nẽnnɔ, dee tõm yalsɩ tõoma.

Lilegere 2:14 Iomraidhean Croise

Amatie 18:7

Yele boi tiŋa wa zuo, la sɛla en piti nɛreba lubera n boi ka zuo la. Yele sɛ'a en piti nɛreba lubera wan ba'afum wa'am me na, gee yele boi fum se'em daana zuo ti pirega lɔkɔ wa wan ze'ele na la.

Tõoma 15:29

Ya da dita sɛla woo n dikɛ kaabɛ bo' bagerɛ, ya da dita ziim, bii sɛla ti ba kigɛ ku gee yehe ya mɛhi yaluntuuma puan. Ya han dɔla ŋwana, la ba'ahɛ mɛ, Yinɛ suŋɛ ya.”

Tõoma 21:25

Gee han dɛna sɛba n dagi Yuuduma gee lebege sakereba la, tumam tum gɔŋɔ bo' ba ha yeti, ba da dita sɛla ti n kaabɛ bo' bagerɛ, ba da dita ziim, la ba da dita sɛla ti ba kɛge ku, gee yehe ba mɛhi yaluntuuma puan.”

Aromduma 11:9

Naba Deviti yeti, “Bahɛ ti ba dia zi'ihi ta lebege bɛregɔ nyɔgɛ ba, gee dɛna pirega pita ba, gee dɛna namehegɔ, nameha ba.

Aromduma 14:13

Bala zuo, da bahɛ ya ti tu gakera taaba, gee tu ku puti'irɛ ti tu kan dikɛ sɛla beŋe, bii gu' se'em sore.

Aromduma 14:21

La ani suŋa ti tu da di dia, bii nyu daam, bii iŋɛ sɛla en wan bahɛ ti fum suuɔ lu.

Aromduma 9:32

Ŋwani ti ba ka nyaŋɛ? Ba daa ka zigeri ɛɛra dɛ sakerɛ puan, gee ba daa eere de mɛ wuu la dela tuuma puan la. Ba ŋmɛ' ba nama mɛ la kuge se'ere en piti la,

1 Korẽntɩ 1:23

Gee han dɛna tumam, tumam muuli la Kiresta ti ba kpa' la, yelese'ere en de pirega lɔkɔ bo' Yuuduma, gee dɛna gɔɔn yelehum bo' sɛba en dagi Yuuduma la.

1 Korẽntɩ 7:2

Gee yaluntuuma la zuo, buraa woo di a suure pɔga, ti pɔka woo me ele ka suure sira.

Hiburuduma 13:4

Bahɛ ya ti pɔgedire la sire-ele tara na'ahegɔ ya za'a zi'an, ti pɔgedire la sire-ele suŋɔ la da galum, se'ere en sɔi la, Yinɛ wan gakɛ yaluntuuma duma, la kabohi duma mɛ.

1 Pita 2:8

gee “Me dɛna kuge se'ere ti ba sɛrena de zuo luta, dɛna tansɛka en piti ba lɔbera.” Ban piti luta la dela, ban ka nam yelehum la, wuu ban pun maahum ba ti ba iŋɛ se'em la.

2 Pita 2:15

Ba bahɛ tuuntɔɔ sore la mɛ gee tuuna, dɔla Balaam, Boso dayua la sore la, se'em en nɔŋɛ be'em yɔɔrɛ,

Azudi 1:11

Yele boi ba zuo. Se'ere en sɔi la, ba dikɛ la Keen sore la, gee dikɛ ba mɛhi luhɛ Balaam tuure la en yuum de ligeri zuo la puan, ba bahɛ la yoo wuu Kuura pobiriga la en yuum iŋɛ en se'em la.

Lilegere 2:20

Gee mam tari la dina la ya. Ya to'e Yezebɛle mɛ, pɔgesɛka en yi'iri ka mɛŋa nɔtɔgeha la, se'em pa'alegɔ en bahɛ ti mam yamehi bɔregɛ, tuna yaluntuuma, gee dita dia ti ba dikɛ kaabɛ baga la.

Lilegere 2:4

Gee mam tari la yele dina la ya. Ya bahɛ yan daa tari nɔŋerɛ se'ere la mam yia la mɛ.

Lilegere 21:8

Gee han dɛna dabɛɛbehi la, la sɛba en ka sakɛ la, sɛba ti ba galum ba la, la nɛrekuureba la, yaluntuuma duma la, sɔ̃niniduma, bage kaabereba, la pumparenduma la za'a, ba bɔŋa zi'an ta bɔna la bugum mɔgerɛ la ti tahi taaɛ bugum dita la puan. Yi'i kum la en bala.”

Lilegere 22:15

Yiŋa la ha, baahi, sɔ̃niniduma, yaluntuuma duma, nɛrekuureba, la bage kaabereba, la sɛba woo en nɔŋɛ gee tuna pumpɔreŋɔ tuuma en boi bilam.