Lilegere 2:10 - ZE'ELEGO PAALEGA

¹⁰ Da zoti ya dabeem la yan boi bini ti ya namehɛ namehegɔ seko wa. Mini ya suŋa ti bumbe'o la maahum mɛ ti a bahɛ ti ba pagɛ ya sɛba paka deto puan, ti la dɛna makerɛ bo' ya, dabeha pia ti ba wan dikɛ pɔgelum ya. Gee tari ya sakerɛ ta paaɛ kum, gee ti n bo' ya vom muŋa la.

Farefare Ninkaré

¹⁰ Da zoe-ya dabeem yãma n wʋn nãmsɛ la. Bɩsɛ-ya, Asũtãana wʋn makɛ ya bɩsɛ mɛ, botɩ ba kẽ'esɛ ya nẽrba basɛba yʋ'a deem, la ya wʋn yẽ nãmsgɔ mɛ dabsa pia. Bɔ-ya mam sɩra halɩ ka paagɛ ya kũm, tɩ mam wʋn bɔ ya bɔ'a n de vɔm.

Lilegere 2:10 Iomraidhean Croise

Amatie 10:22

Nɛra woo wan ta yaaɛ ya mam zuo, gee se'em n ŋmibe ze'ele ta paaɛ ba'ahegɔ n wan nyɛ faarɛ.

Amatie 10:28

Da zoti ya sɛba n wan ta'am ku inganɛ la ma'a gee kan ta'am ku sia la. Gee tugum zoti ya se'em en wan ta'am sagum inganɛ la sia la bugum tiŋa la puan.

Amatie 24:13

Gee se'em en ŋmibe ta paaɛ ba'ahegɔ n wan nyɛ faarɛ.

Amarkɩ 13:13

Nɛra woo wan ta yaaɛ ya yan dole mam la zuo. Gee fum se'em n ŋmibe ta paaɛ ba'ahegɔ, wan nyɛ faarɛ.

Amarkɩ 8:35

Se'ere en sɔi la, sɛba en boti ba faaɛ ba vom wan koŋe bu, sɛba en ka gagɛ ba koŋe ba vom mam la en faarɛ yelehum wa zuo wan nyɛ bɔ.

Aluki 21:12

“Gee ti yele ana wa za'a wan pɔhɛ la, ba wan pɔhɛ nyɔgɛ ya, namehɛ ya, gee dikɛ ya tihɛ ba zamehegɔ yiya puan la paka deto puan. Ba wan tari ya ta ze'ele naduma la timbihereba nɛheduma nɛŋan mam yu'urɛ wa zuo.

Azã 12:25

Se'em en nɔŋɛ a vom wan bɔregɛ bɔ bahɛ, ti se'em n ka gagɛ a vom zuo timpaberɛ wa zuo, a n tugum wan tara vomkanba'ahɛ paaɛ paaɛ.

Azã 13:2

Ba zaanuurɛ dia saŋa, ti Sagena la pun diŋɛ kalum Yudasi en de Simɔn Isikariyɔte dayua la puti'irɛ mɛ, ti a koohe Yezu.

Azã 13:27

Ti en to'e boroboro la ba'ahɛ la, ti Sagena la kɛ̃ en. Ti Yezu yele en yeti, “Tum fum yeti fum tum se'ere la kalam.”

Tõoma 20:24

Gee mam ka biheri n vom la ti bu tara vuurɛ bo' mam, n han wa nyaŋɛ ni ba'ahɛ n tuunɛ wa, la tuunse'ere ti n to'e tu Daana Yezu ze'a ti n muulɛ faarɛ yelehum wa, n de Yinɛ zu'uhegɔ yɛla wa.

Tõoma 21:13

Ti Pɔɔl lerege ba yeti, “Ya iti la bem n bala, ya kele mɛ Sagena mam suure? N yele ya ti, mam ka maahum ti ba bobe mam ma'a, gee n pun ki Yerusalɛm, Daana Yezu yu'urɛ wa zuo.”

1 Korẽntɩ 9:25

Zɔteba kpemehere ba mɛhi la ba tana ba mɛhi tara sɛla woo puan. Ba iti dina wa ti ba to'e la muŋa sɛka en ta' Sagena, gee tumam dela muŋa sɛka en ka ta' sageni.

Efɛɛzɩ 2:2

ti ya yuum bɔna bu puan, dɔla timpaberɛ wa zuo yɛla la, dɔla se'em daana paŋa n boi kusebego wa puan la. Sɛsɛka n boi nananawa tuna la sɛba n ka nane Yinɛ nuurɛ la.

Efɛɛzɩ 6:12

Se'ere en sɔi la, tu ka zaberɛ mɛ la dima en tari ziim la kuba, gee tu zaberɛ mɛ la bumbɛ'ɛhi en sɔi zi'ihi biha, tu zaberɛ mɛ la pahi, la kpe'eŋo en boi sabeeo puan, buuri sankana wa en boi lika puan wa. Tu zaberɛ mɛ la sia puan pambɛ'ɛhi en boi zi'ihi se'ehi saazuo ha.

Yemesi 1:12

Sum boi mɛ la se'em en ŋmiberi makerɛ puan. Ena daana nyaŋɛ magehegɔ la mɛ, wan to'e vom muŋa la, ti Daana la biŋe nuurɛ ti a bo' sɛba en nɔŋɛ en la.

1 Pita 5:4

Ti dunkiin naba la han ta niiɛ na, ya wan di suŋa muŋa sɛka en ka pelegere la.

1 Pita 5:8

Tana ya mɛhi tara, gee me maahum. Gee ya dindaana la en de Sagena la kɔ'ɔm mu'ɛ la nini nyaara wuu gbigenɛ la, ɛɛra nɛra ti a obe.

Lilegere 13:14

Ti doohe la kirehi wa ti ba bo' sore ti a ze'ele yia bunsilemasio la na'arɛ tum bo' en la, ti a nyaŋɛ pã'ahɛ timpaberɛ wa zuo nɛreba za'a, yɛta ba yeti, ba maalɛ yia bunsilemasio la ti su'a pɔgelum en gee ti a sina gee vɔna la naanɛ,

Lilegere 13:2

Bunsilemasio sɛka ti mam nyɛ la ani mɛ wuu yeeobaa la, ti a nama ana wuu saheŋa nama, ti a nuurɛ ana wuu gbigenɛ nuurɛ la. Ti bunsɛla la bo' en a paŋa, la a na'am la, la a kpe'eŋo kãtɛ la.

Lilegere 13:7

Ti ba me le bo' en sore ti a zabɛ la nɛresunduma la nyaŋɛ ba. Ba bo' en la kpe'eŋo ti a sɔna buuri woo, la nɛreba woo, la tugum woo la tihi woo.

Lilegere 17:14

Ba wan kɔ' zaberɛ la Pebila la, gee Pebila la wan nyaŋɛ ba. Se'ere en sɔi la, Pebila la en de Daanduma Daana, la Naduma naba. Ti sɛba en boi la en la, a yi' ba mɛ, gee loohe ba ti ba dɛna sakereba.”

Lilegere 2:13

“N mi' ya bɔŋa zi'an, la dela zi'an ti Sagena la na'am kuka la bɔna. Gee la bala za'a ya kɔ'ɔm gurɛ mam yu'urɛ la mɛ kankaŋi, gee ka zagehɛ ya sakerɛ la mam, pun ta paaɛ zahera Antipas se'em en daa de mam aze'nyɛ daana, tara sakerɛ la mam, ti ba daa ku en ya tiŋasuka, Sagena la bɔŋa zi'an la.

Lilegere 2:9

“N mi' ya pɔgeleŋɔ, la ya nɔŋɔ, la yan pun tara la za'a. N mi' yu'sageŋɔ seko n paari ya, doohe sɛba en yeti ba dela Yuda buuri gee dagena, gee dɛna Sagena la lageŋɔ yire la.