Lilegere 14:7 - ZE'ELEGO PAALEGA

⁷ Ti a yele la kɔkɛ'ɛŋa yeti, “Zoti ya Yinɛ, gee bo' ya en pɛka, se'ere en sɔi la, a gakerɛ saŋa la paaɛ ya. Me na'ahɛ ya en, eŋa se'em en naam saazuo la tiŋa, ko'kãtɛ, la kulaahi, ko'om zi'ihi woo la.”

Farefare Ninkaré

⁷ A daan tɔgrɩ mɛ ke'enke'em yetɩ: «Zoe-ya Nawẽnnɛ, la ya nã'asɛ ẽ, se'ere n soe la, wakatɛ paagɛ mɛ tɩ a wʋn di nẽrba sarɩya. Ka-ya dũma nã'asɛ Nawẽnnɛ n nãam saazuum, la tẽŋa, la ko-kãtɛ, la kʋlsɩ wuu n bulli la.»

Lilegere 14:7 Iomraidhean Croise

Amatie 25:13

Bala la, Da giha ya, se'ere en sɔi la, ya ka mi' dabeherɛ la bii saŋa la.

Aluki 17:18

Bama la ayima me ka lebe na ti a dikɛ pɛka bo' Yinɛ, han dagena fum saana wa ma'a?”

Tõoma 14:15

“Tu zɔduma wa, ŋwani ti ya ita ŋwana? Tumam dela nɛresaaleba wuu yamam la, tara la yelesuma wa'am na muula bɔ'ɔra ya ti ya ŋmɛregɛ ya puti'ira yehe yeleyotuna wa puan, gee wa'am Yinɛ vua wa ze'a na, se'em n naam saazuo la tiŋa wa, la ateko wa la sɛla woo n boi ba puan la.

1 Pita 4:7

Sɛla woo ba'ahegɔ pɔri mɛ. Bala, mu'ɛ ya nini, gee ta'na ya mɛhi tara suŋa, ya pu'uhegɔ zuo.

Lilegere 11:13

Sankaŋa puan, ti tinmiiŋo kãtɛ damɛ, ti tiŋa la yiya puregerɛ pia lu, ti nɛreba tuha ayopɔi ki, tinmiiŋo la puan, ti dabeem kɛ̃ sɛba en yee la, ti ba dikɛ pɛka bo' Yinɛ en sɔi saazuo ha la.

Lilegere 11:18

Tihi se'ehi en ka dole fum ihege la suure, gee fum leregere saŋa en ŋwana. Saŋa la paaɛ ya ti fum gakɛ sɛba woo en ki la, la fum yɔ fum yamehi la en de fum nɔtɔgeheba la, la fum nɛresunduma la, la sɛba woo en daa pu'uheri fum yu'urɛ la, ba tarenduma, la kpɛ'ɛnduma za'a, gee me sagum sɛba woo en daa sagum timpaberɛ wa la.”

Lilegere 15:4

Daana, ani en kan zɔta fum, gee na'aha fum yu'urɛ wa? Se'ere en sɔi la, fum ma'a en de Fa'a. Tihi za'a wan wa'am fum nɛŋan na, na'aha hɔ, se'ere en sɔi la, fum tuuntɔɔ tuuma la za'a niiɛ mɛ na.”

Lilegere 16:9

Ti wuntɛɛntuulega sirum si'ira ba, ti ba tugum ŋmɛregɛ ka'ara be'em baha Yinɛ yu'urɛ la, se'em en tari namehegɔ yele ana wa paŋa la, gee tugum ka tee ba suya, dikɛ pɛka bo' en.

Lilegere 18:10

Ba wan zɛ'a zaaɛ zaarɛ ha ti dabeem kɛ̃ ba, la namehegɔ seko en sigeri a zuo la. Ba wan yɛta yeti, “Wai, wai, tinkãtɛ la, Babilɔn tinkãtɛ la. Nananawa ma'a ti gakerɛ dina sige fum zuo ŋwana na.”

Lilegere 18:17

ti nananawa ma'a ti lɔge tuna woo mɛlum.” Ti uurenɔ kãra kpɛ'ɛnduma, sɛba en tari uurenɔ tuna, la sɛba woo en dole ko'kãtɛ la zuo kɔɔha la za'a ze' la zaaɛ zaarɛ ha,

Lilegere 18:19

Gee nyaa vaara tintɔnɔ yɛɛla ba zuto, gee kɛla gee fabela, kaaha vɔɔla yeti, “Aba, aba, tinkãtɛ wa, Fum zi'an ti sɛba woo en tari uurenɔ fum ko'kãra wa zuo, pãrɛ la lɔgerɔ. Gee nananawa ma'a en bala ti tiŋa wa gã'a voore wa.

Lilegere 19:5

Ti na'am kuka kãtɛ la puan, kua ze'ele bini na yeti, “Pɛgɛ ya tu Yinɛ la, yamam a yamehi wa woo, yamam sɛba en zoti en wa, tarenduma, la kpɛ'ɛnduma za'a.”

Lilegere 4:11

“Fu nari mɛ, tu Daana la tu Yinɛ, ti fum to'e pɛka la na'ahegɔ la paŋa, se'ere en sɔi la, fum naam sɛla woo , ti fum sumboolum zuo ti ba bɔna, ti fum en naam ba.”

Lilegere 4:9

Ti saŋa woo, bunduma wa han ni na'ahera, gee pɛgera, gee pu'uha se'em daana en zi' na'am kuka kãtɛ la zuo la, se'em en boi wuuha wuuha la,

Lilegere 8:10

Ti suŋera butã daana la peebe a tintanɛ la, ti ŋmarebili kãtɛ ze'ele saazuo lu timpaberɛ wa zuo na, nyagera la bugum. Ka me lu la kulaahi la kulehi woo buyina puregerɛ butã puan.