Lilegere 13:5 - ZE'ELEGO PAALEGA

⁵ Ti ba bo' bunsilemasio wa nuurɛ se'ere en tɔgeri yele kãra, la tuurɛ kãra. Ti ba bo' en sore ti a dikɛ a paŋa la tum ŋmarehi pihinaahi la siyi.

Farefare Ninkaré

⁵ Tɩ ba bɔ dũŋa la nõorɛ tɩ a tɔgɛ tɩta'alʋm yetɔga, dee tʋ Nawẽnnɛ. A to'oge ke'eŋo tɩ a tõm na wõrsɩ pinaasɩ la ayi.

Lilegere 13:5 Iomraidhean Croise

2 Tesaloniki 2:3

Da bahɛ ya ti se'em pã'ahɛ ya sadɔɔ seko puan. Se'ere en sɔi la, daan dinɛ daarɛ la kan wa'am na, han dagena pobiriga la n wa'am yia na. Se'em daana en ka kihi yele la, niiɛ a mɛŋa na, se'em ti la pun maahum biŋe ti a nyɛ sageŋɔ la.

2 Tesaloniki 2:4

A ka sakɛ bo' se'em, gee zɛkɛ a mɛŋa gana sɛla woo ti ba yi'ira yinɛ bii na'ahegɔ daana woo, la a nyaa ta'am tara a kuka Yinɛ pu'uhegɔ yire puan, dikɛ a mɛŋa lebege Yinɛ.

2 Tesaloniki 2:8

Bala ma'a ti se'em daana en ka kihi yele wa nyaa wan niiɛ a mɛŋa na, se'em ti Daana Yezu wan sagum en la a nuurɛ sabeeo, diihe en vi doohe a lɛbega la puan na.

Lilegere 11:7

Ba han purɛ ba yelehum la ba'ahɛ, bunsilemasio la en ze'ele tiŋa tiŋa yoko la puan dooe na la, wan kɔ' zaberɛ la ba, nyaŋɛ ba, ku ba,

Lilegere 12:14

Gee ba bo' pɔka wa la tugeho kãtɛ kelumpagehi siyi, ti ka ɛkɛ piiɛ bunsɛla la, kɛ̃ muuen ha, ta bɔna zi'an ti ka wan bɔna ti ba biha en suŋa suŋa ta paaɛ saŋa, la sahi la saŋa girego.

Lilegere 12:6

Gee ti pɔka la zɔ kɛ̃ muuen ha, ta nyɛ zi'an ti Yinɛ pun maahum biŋe ka, ti ka bɔna bilam ti ba biha ka suŋa suŋa ta paaɛ dabeha tuhere, la dabeha kɔbehi siyi, la dabeha pihiyoobe.

Lilegere 13:7

Ti ba me le bo' en sore ti a zabɛ la nɛresunduma la nyaŋɛ ba. Ba bo' en la kpe'eŋo ti a sɔna buuri woo, la nɛreba woo, la tugum woo la tihi woo.