Lilegere 13:16 - ZE'ELEGO PAALEGA

¹⁶ Gee ti naanɛ wa doohe nɛra woo, bumbila la bunkutɛ, buntata la naha, se'em en boi fai, la da'aberɛ za'a daalɛ ba zuɔ nu'uhi, bii ba gbɛ'ɛra,

Farefare Ninkaré

¹⁶ La dũŋa la pẽrgɛ nẽrba wuu mɛ, tarɩmdõma la kɛ'ɛndõma, bõntatba la nasdõma, yamsɩ la burkĩndõma tɩ ba dãalɛ ba zʋʋgɔ nu'ugo bɩɩ ba dĩire.

Lilegere 13:16 Iomraidhean Croise

Tõoma 26:22

Wa'am na paaɛ zina, Yinɛ n suŋɛ mam, ti mam ta'am zɛ'a ka'lam wa, tɔgera bɔ'ɔra nɛrekãreba la tarenduma, dagi la yele se'ere ha, gee sɛla ti nɔtɔgeheba la Moose yeti la wan wa'am na tum la zuo.

1 Korẽntɩ 12:13

Se'ere en sɔi la, Sɛyiŋa mɛa puan ti ba sɔ tu za'a ko'om, ki'ihɛ inyiŋa puan. Yuuduma, la Girikiduma, da'aba, la sɛba en bo' fai, gee bahɛ ti tu za'a nyu Sɛyiŋa la.

Galatɩ 3:28

Dinɛ zuo, Yuuduma buuri bii Giriki buuri ka le bɔna, da'aberɛ bii fai daana ka le bɔna, buraa bii pɔka ka le bɔna. Se'ere en sɔi la, ya za'a dela buyina Kiresta Yezu puan.

Galatɩ 6:17

Yehe zina yɛ'ɛha, se'em da ɛ daaŋɔ bo' mam. Se'ere en sɔi la,Yezu yiha en bala to'e mam iŋa wa za'a wa.

Efɛɛzɩ 6:8

Tu mina ti, sum sebo woo ti tu iŋɛ tu wan lebehe to'e la bala mɛa tu Daana zi'an, tu dɛna yamehi bii tu bɔna fai.

Kolɔsɩ 3:11

Teere dina puan la, Giriki ka boi ti Yuda bɔna; sɛba en ŋma ka boi, ti sɛba en ka ŋma bɔna; nɛreyooro ka boi ti nɛreyaalehi bɔna; da'aba ka boi ti sɛba en boi fai bɔna. Gee Kiresta en de za'a gee bɔna ba za'a puan.

2 Timoti 3:8

Wuu Yenesi la Yamberese en yuum ka sakɛ bo' Moose se'em la, bala ti nɛrebana wa en tari putɛ'be'o la sakerɛ se'ere en dagi yelemɛŋerɛ wa, me ka sakɛ bo' yelemɛŋerɛ la.

Lilegere 11:18

Tihi se'ehi en ka dole fum ihege la suure, gee fum leregere saŋa en ŋwana. Saŋa la paaɛ ya ti fum gakɛ sɛba woo en ki la, la fum yɔ fum yamehi la en de fum nɔtɔgeheba la, la fum nɛresunduma la, la sɛba woo en daa pu'uheri fum yu'urɛ la, ba tarenduma, la kpɛ'ɛnduma za'a, gee me sagum sɛba woo en daa sagum timpaberɛ wa la.”

Lilegere 15:2

Ti mam nyɛ ti sɛla niiɛ na, ana wuu ateko la, gee dɛna salema nyagera, ti bugum gɛregɛ ko'om la puan. Ti sɛba en nyaŋɛ bunsilemasio la, ka pu'uhɛ a naanɛ la, ka to'e a yu'urɛ la, la a kãlɛ la, nyaa zɛ'a salema ateko wa nuuren, pɛga kɔlɔ ti Yinɛ dikɛ bo' ba.

Lilegere 19:18

Wa'am ya na gɔ' naduma ihe nɛnɔ, pɛntiireba nɛhi duma ihe nɛnɔ, pahi duma ihe nɛnɔ, yiiri la i ba'areba ihe nɛnɔ, nɛrawoo nɛnɔ, sɛba en boi fai, la sɛba n de da'aba ihe nɛnɔ, la tarenduma la kpɛ'ɛnduma ihe nɛnɔ.”

Lilegere 19:20

Ti ba nyɔkɛ bunsilemasio la, la a nɔtɔgehe pumparenduma la en daa ze'ele a nɛŋan tum nyalema sɛ'a, pã'ahɛ sɛba en to'e bunsilemasio la daalehum la, la sɛba en na'ahɛ bunsilemasio la naanɛ la. Bana bayi' wa, ba dikɛ ba lobe la voto bahɛ bugum mɔgerɛ la ti tahi bugum dita ka kiŋera la puan.

Lilegere 19:5

Ti na'am kuka kãtɛ la puan, kua ze'ele bini na yeti, “Pɛgɛ ya tu Yinɛ la, yamam a yamehi wa woo, yamam sɛba en zoti en wa, tarenduma, la kpɛ'ɛnduma za'a.”

Lilegere 20:12

Ti mam nyɛ ti sɛba en ki la, nɛre kãreba la tarenduma, zɛ'a na'am kuka kãtɛ la nɛŋan, ti gɔnɔ lagehɛ, gee ti gɔŋɔ kuyima me lakɛ, gɔŋɔ seko en de vom gɔŋɔ la, ti ba gakɛ sɛba en ki la, doohe la ban tum sɛla wuu lan gulehɛ se'em gɔnɔ la puan la.

Lilegere 20:4

Ti mam nyɛ na'am kugehi, ti sɛba en zi' si zuto la, ba bo' ba la paŋa ti ba gakera. Mam me nyɛ sɛɛhi en de sɛba ti ba fige ba zuto, ban nam Yezu, gee muula Yinɛ yelehum la zuo. Bama ka lagum pu'uhɛ bunsilemasio la bii a naanɛ la, bii ba to'e a daalehum la ba gbɛ'ɛran bii ba nu'uhen. Ba vo'e me na, dɛna kiinduma, la Kiresta yuuma tuhere la puan.

Lilegere 6:15

Ti timpaberɛ wa zuo na'duma, nɛrekãreba, pɛntiireba kpɛ'ɛnduma, nɛrezura, la nɛra woo, da'aberɛ bii se'em en boi fai, za'a zɔta sugera yogero puan, tahi leŋen la zɔya tilan,

Lilegere 7:3

A yele ba yeti, “Da sagum ya timpaberɛ la, bii ateko la, bii tiihi la, gura ti tu daalɛ tu Yinɛ yamehi la daalehum busebo ba gbɛ'ɛra ba'ahɛ.”