Lilegere 13:14 - ZE'ELEGO PAALEGA

¹⁴ Ti doohe la kirehi wa ti ba bo' sore ti a ze'ele yia bunsilemasio la na'arɛ tum bo' en la, ti a nyaŋɛ pã'ahɛ timpaberɛ wa zuo nɛreba za'a, yɛta ba yeti, ba maalɛ yia bunsilemasio la ti su'a pɔgelum en gee ti a sina gee vɔna la naanɛ,

Farefare Ninkaré

¹⁴ Bõn-yãlma la tɩ a ẽŋɛ pɔspɔsɩ dũŋa la nifum na, botɩ a pã'asɛ dũnia nẽrba mɛ. A yele ba tɩ ba mãalɛ bõnɔ tɩ a ãna wʋ dũŋa la tɩ ba pɔglʋm na sʋ'a tɩ a vɔa la.

Lilegere 13:14 Iomraidhean Croise

2 Tesaloniki 2:4

A ka sakɛ bo' se'em, gee zɛkɛ a mɛŋa gana sɛla woo ti ba yi'ira yinɛ bii na'ahegɔ daana woo, la a nyaa ta'am tara a kuka Yinɛ pu'uhegɔ yire puan, dikɛ a mɛŋa lebege Yinɛ.

Lilegere 12:9

Ti ba lobe bunsɛla kãtɛ wa bahɛ timpaberɛ wa zuo na. Se'em en de diimen diimen zugɔ la ti ba yi'ira Sagena la Sitaani, se'em en pa'aheri tiŋa wa zuo za'a nɛreba la. Ba lobe en bahɛ la timpaberɛ wa zuo na, lagum lobe a suŋereba la, la en bahɛ na.

Lilegere 13:1

Ti mam nyɛ ti bunsilemasio ihege ko'kãtɛ wa puan, tara iila pia, la zuto tuyopɔi, ti muŋa vuge iilɛ woo, gee ti ba gulehɛ tuurɛ yu'ura labelɛ a zuo woo.

Lilegere 13:15

ti bunsilemasio wa bo' naanɛ la vo'ohum, ti naanɛ wa pun tana tɔgera, gee kuura sɛba en ka sakɛ ba na'aha bunsilemasio wa naanɛ la.

Lilegere 13:8

Ti nɛreba woo en boi timpaberɛ wa zuo wan na'aha en. Se'em woo yu'urɛ en ka gulehɛ iŋɛ vom gɔŋɔ la gee ti ba baŋɛ naam timpaberɛ wa la, gɔŋɔ wa dela pebila wa gɔŋɔ, pebila sɛka ti ba kɔregɛ la.

Lilegere 14:11

Ti ba namehegɔ zu'uhi kɔ'ɔm gulegera zɔna saazuo ka tara ba'ahegɔ. Vo'ohego ka boi, beyiine, bii yu'uŋɔ bɔ'ɔra sɛba en na'ahɛ bunsilemasio la, la a naanɛ la, la se'em woo en to'e bunsilemasio la daalehum la en de a yu'urɛ la.”

Lilegere 14:9

Ti suŋera ayima, butã daana me dɔla na, kaaha la kɔkɛ'ɛŋa yeti, “Sɛba woo en na'ahɛ bunsilemasio la, la ka naanɛ la, gee to'e ka daalehum ba gbɛ'ɛran bii ba nu'uhen la,

Lilegere 15:2

Ti mam nyɛ ti sɛla niiɛ na, ana wuu ateko la, gee dɛna salema nyagera, ti bugum gɛregɛ ko'om la puan. Ti sɛba en nyaŋɛ bunsilemasio la, ka pu'uhɛ a naanɛ la, ka to'e a yu'urɛ la, la a kãlɛ la, nyaa zɛ'a salema ateko wa nuuren, pɛga kɔlɔ ti Yinɛ dikɛ bo' ba.

Lilegere 16:13

Ti mam nyɛ ti sɛfi'iha sitã, en ani wuu lono la, ti kayima ze'ele bunsɛla la nuuren yehe na, ti kayima ze'ele bunsilemasio la nuuren yehe na, ti kayima ze'ele nɔtɔgeha pumparema la nuuren yehe na.

Lilegere 16:2

Ti yia suŋera la kiŋɛ ta ka'ɛ a laa la bahɛ timpaberɛ la zuo, ti nɔtankɛ'ɛhi la nɔre-kãra en dune paaɛ paaɛ sige sɛba woo en tari bunsɛla la daalehum la, la sɛba woo en pu'uheri bunsilemasio la naanɛ la zuo.

Lilegere 18:23

Butolela bugum niihum, kan le niiɛ fum puan, ti pɔge dita kua, la sire-ɛla kua kan le bɔna fum puan. Se'ere en sɔi la, fum leebeduma la en daa de tiŋa wa zuo nɛrekãreba, ti fum dikɛ fum nini la pã'ahɛ tihi wa za'a.

Lilegere 19:20

Ti ba nyɔkɛ bunsilemasio la, la a nɔtɔgehe pumparenduma la en daa ze'ele a nɛŋan tum nyalema sɛ'a, pã'ahɛ sɛba en to'e bunsilemasio la daalehum la, la sɛba en na'ahɛ bunsilemasio la naanɛ la. Bana bayi' wa, ba dikɛ ba lobe la voto bahɛ bugum mɔgerɛ la ti tahi bugum dita ka kiŋera la puan.

Lilegere 2:10

Da zoti ya dabeem la yan boi bini ti ya namehɛ namehegɔ seko wa. Mini ya suŋa ti bumbe'o la maahum mɛ ti a bahɛ ti ba pagɛ ya sɛba paka deto puan, ti la dɛna makerɛ bo' ya, dabeha pia ti ba wan dikɛ pɔgelum ya. Gee tari ya sakerɛ ta paaɛ kum, gee ti n bo' ya vom muŋa la.

Lilegere 20:10

Ti Sagena se'em en pã'ahɛ ba la, ba lobe eŋa bahɛ la bugum mɔgerɛ la en diti la tahi bugum la puan, zi'an ti bunsilemasio la, la a pumpã'ahum nɔtɔgeha la bɔna la, ti ba bɔna mɛlehegɔ puan bulika la yu'uŋɔ za'a, ka malum tara ba'ahegɔ.

Lilegere 3:10

Yamam en tari mam yelehum la en de sugeri, la ŋmibega la zuo, n wan gu' ya makerɛ se'ere en ye'ehe timpaberɛ wa zuo na ti de makɛ tiŋa wa zuo nɛreba za'a la puan.