Lilegere 13:12 - ZE'ELEGO PAALEGA

¹² Ti a tum yia bunsilemasio la pahi la za'a bo' yia bunsilemasio la, bahɛ ti timpaberɛ wa zuo nɛreba za'a, na'aha yia bunsilemasio la, se'em nɔre-kɛka en be'ɛ la.

Farefare Ninkaré

¹² A tarɩ la pɔspɔsɩ dũŋa la ke'eŋo tõnna a nifum. A pẽrgɛ dũnia nẽrba wuu mɛ tɩ ba nã'asra pɔspɔsɩ dũŋa la n daan pɔglʋm ãna wʋ a ki mɛ, dee yeege la.

Lilegere 13:12 Iomraidhean Croise

2 Tesaloniki 2:4

A ka sakɛ bo' se'em, gee zɛkɛ a mɛŋa gana sɛla woo ti ba yi'ira yinɛ bii na'ahegɔ daana woo, la a nyaa ta'am tara a kuka Yinɛ pu'uhegɔ yire puan, dikɛ a mɛŋa lebege Yinɛ.

Lilegere 13:2

Bunsilemasio sɛka ti mam nyɛ la ani mɛ wuu yeeobaa la, ti a nama ana wuu saheŋa nama, ti a nuurɛ ana wuu gbigenɛ nuurɛ la. Ti bunsɛla la bo' en a paŋa, la a na'am la, la a kpe'eŋo kãtɛ la.

Lilegere 13:8

Ti nɛreba woo en boi timpaberɛ wa zuo wan na'aha en. Se'em woo yu'urɛ en ka gulehɛ iŋɛ vom gɔŋɔ la gee ti ba baŋɛ naam timpaberɛ wa la, gɔŋɔ wa dela pebila wa gɔŋɔ, pebila sɛka ti ba kɔregɛ la.

Lilegere 14:11

Ti ba namehegɔ zu'uhi kɔ'ɔm gulegera zɔna saazuo ka tara ba'ahegɔ. Vo'ohego ka boi, beyiine, bii yu'uŋɔ bɔ'ɔra sɛba en na'ahɛ bunsilemasio la, la a naanɛ la, la se'em woo en to'e bunsilemasio la daalehum la en de a yu'urɛ la.”

Lilegere 14:9

Ti suŋera ayima, butã daana me dɔla na, kaaha la kɔkɛ'ɛŋa yeti, “Sɛba woo en na'ahɛ bunsilemasio la, la ka naanɛ la, gee to'e ka daalehum ba gbɛ'ɛran bii ba nu'uhen la,

Lilegere 16:2

Ti yia suŋera la kiŋɛ ta ka'ɛ a laa la bahɛ timpaberɛ la zuo, ti nɔtankɛ'ɛhi la nɔre-kãra en dune paaɛ paaɛ sige sɛba woo en tari bunsɛla la daalehum la, la sɛba woo en pu'uheri bunsilemasio la naanɛ la zuo.

Lilegere 17:8

Bunsilemasio la ti fum nyɛ ni la, daa vɔi mɛ, gee ki, gee nyaa bɔna bini ti ku ze'ele boko kãtɛ la en boi tiŋa tiŋa ha la dooe na, ti ba sagum en. Ti sɛba woo en boi timpaberɛ wa zuo ti ba yu'ura ka gulehɛ bɔna vom gɔŋɔ la puan tiŋa wa pi'ileŋo puan na la, la wan ta iŋɛ ba pakerɛ ba han le ta nyɛ bunsilemasio la, beni zuo, ku daa boi mɛ, gee ki, gee le yeti ku vo'e na.

Lilegere 19:20

Ti ba nyɔkɛ bunsilemasio la, la a nɔtɔgehe pumparenduma la en daa ze'ele a nɛŋan tum nyalema sɛ'a, pã'ahɛ sɛba en to'e bunsilemasio la daalehum la, la sɛba en na'ahɛ bunsilemasio la naanɛ la. Bana bayi' wa, ba dikɛ ba lobe la voto bahɛ bugum mɔgerɛ la ti tahi bugum dita ka kiŋera la puan.

Lilegere 20:4

Ti mam nyɛ na'am kugehi, ti sɛba en zi' si zuto la, ba bo' ba la paŋa ti ba gakera. Mam me nyɛ sɛɛhi en de sɛba ti ba fige ba zuto, ban nam Yezu, gee muula Yinɛ yelehum la zuo. Bama ka lagum pu'uhɛ bunsilemasio la bii a naanɛ la, bii ba to'e a daalehum la ba gbɛ'ɛran bii ba nu'uhen. Ba vo'e me na, dɛna kiinduma, la Kiresta yuuma tuhere la puan.