Lilegere 12:9 - ZE'ELEGO PAALEGA

⁹ Ti ba lobe bunsɛla kãtɛ wa bahɛ timpaberɛ wa zuo na. Se'em en de diimen diimen zugɔ la ti ba yi'ira Sagena la Sitaani, se'em en pa'aheri tiŋa wa zuo za'a nɛreba la. Ba lobe en bahɛ la timpaberɛ wa zuo na, lagum lobe a suŋereba la, la en bahɛ na.

Farefare Ninkaré

⁹ Tɩ ba daan lobe pʋryõŋ-yãlma kãtɛ la basɛ. Ẽŋa n de bõnsɛla n yʋʋn boe, tɩ ba wi'ira ẽ tɩ «Dõta» bɩɩ «Asũtãana» n pã'asrɩ dũnia nẽrba wuu la. Ba lobe ẽ, la a malɛgsɩ basɛ la tẽŋa zuo.

Lilegere 12:9 Iomraidhean Croise

Amatie 13:39

dima la en burɛ mɔyileŋo la dela Sagena la, ti buŋa la me dɛna timpaberɛ wa ba'ahegɔ saŋa, ti buneba la dɛna Yinɛ suŋereba.

Amatie 24:24

Se'ere en sɔi la, Kiresta pumparenduma la nɔtɔgehe pumparenduma wan wa'am na tuna daalehum kãra, nyalema ti ba pã'ahɛ nɛreba zo'e zo'e ti ba bɔregɛ. La han wan ta'am iŋɛ ni, ba wan lagum pã'ahɛ sɛba ti Yinɛ mɛŋa looe la.

Amatie 25:41

Gee nyaa wan yele sɛba n boi a gɔbega nu'o bɔba la yeti, ‘Yamam sɛba ti n nɔpɔrɛ bɔna ya zuo wa, fɔregɛ ya mam zi'an ta kɛ̃ bugum sebo n dita ka kiŋera, ti ba maahum biŋe Sagena la, la a suŋereba la.

Amatie 4:1

Ti Fa'a Sia la nyaa tari Yezu kiŋɛ muuen ha, ti Sagena la makɛ en.

Amatie 4:10

Ti Yezu lebehe en yeti, “Fɔregɛ mam zi'an ha, Sagena wa! Se'ere en sɔi la, la gulehɛ yeti, ‘Na'aha Daana la en de fum Yinɛ la, ma'a, gee tuna bɔ'ɔra eŋa ma'a.’ ”

Amatie 4:5

Ti Sagena la tari Yezu kiŋɛ tuulum tiŋa la puan puan, ta tari en zom pu'uhegɔ yire la zuin zuin ha ta yagelɛ mɔpile nyu'a zuo,

Amatie 4:8

Le yɛ'ɛha ti Sagena la tari Yezu ta zom zoore en wugɛ paaɛ paaɛ zuo, pa'alɛ en sɔ'ɔlum duma woo en boi timpaberɛ wa zuo, la ba suhɛ;

Aluki 10:18

Ti a yele ba yeti, “Mam nyɛ Sagena la en ze'ele saazuo ha luta na wuu bugum pãrehi la.

Aluki 13:16

Ti Pɔka wa en de Aberaham yaaŋa ti Sagena bobe ka tara tara yuuma pia la anii wa la, ka nari ti ka nyɛ ka fai, vo'ohego dabeherɛ puan?”

Aluki 22:3

Ti Sagena la kɛ̃ Yudasi ti ba yi'ira Isikariyɔte, dɛna Yezu zahereba pia la bayi' la ayima la.

Aluki 22:31

“Ti Yezu yeti, Simɔn, Simɔn, kɛleha suŋa, Sagena la to'e la yɔ'ɔ ti a yeele ya za'a wuu ki uto la bahɛ.

Aluki 8:12

Se'ehi n lu sore zuo la dela nɛre sɛba n wum yelehum la, gee ti Sagena la wa'am na dikɛ yelehum la ba suya la puan kiŋɛ, ti ba da ta'am nam yelehum la la ba nyɛ faarɛ.

Azã 12:31

Tiŋa la gakerɛ paaɛ ya, se'em n sɔi timpaberɛ wa bihera la dika saŋa paaɛ ya.

Azã 14:30

N kan le ta'am tɔgɛ la ya yuue, se'ere en sɔi la, Be'em daana se'em n pɛregeri timpaberɛ wa zuo kini me na. A me ka tari n paŋa,

Azã 16:11

Ba me ka mi' gakerɛ n de sɛla, beni zuo, ba pun gakɛ be'em daana la en boi timpaberɛ wa zuo la mɛ.

Azã 8:44

Ya kɔ'ɔm ze'ele la ya sɔ Sagena la zi'an na, gee me looe ti ya tum ya sɔ tuunfi'iha sumboolum la. A dela nɛre kuura pi'ileŋo puan na, ka bɔta yelemɛŋerɛ, se'ere n sɔi la, yelemɛŋerɛ ka boi a puan. A han parum, a tɔgeri dɔla la a naanɛ n bala, se'ere n sɔi la, a dela pumparema, gee dɛna pumpɔreŋɔ woo sɔ.

Tõoma 26:18

ti fum pikɛ ba nini ti ba ta'am ŋmɛregɛ lika la puan lebe niihum la puan na, ba yehe Sagena la bobere la puan wa'am Yinɛ ze'a na, la ba to'e ba be'em sugeri, gee me lagum pa'ahɛ sɛba n pee ba mɛhi doohe ban tari sakerɛ bo' mam se'em la.’

Tõoma 5:3

Ti Pita soke “Ananiya” yeti, “Ŋwani ti Sagena la pirɛ fum suure paaɛ bala ti fum parum bo' Fa'a Sia, doohe fum aaɛ samanɛ la ti fum koohe la ligeri i se'ehi biŋe la?

Aromduma 16:18

Se'ere en sɔi la, nɛre bamam taaba ka tuni bɔ'ɔra tu Daana Kiresta, gee ba tuni bɔ'ɔra la ba mɛhi puya. Ba tari la tɔgɛ malemale la belegere, pã'aha susɛ'a en ka mi' la.

Aromduma 16:20

La kan yuue la Suma'ahum Yinɛ la en wɔ̃regɛ Sagena la biŋe ya nama tiŋa. Tu Daana Yezu Kiresta zu'uhegɔ bɔna la ya.

2 Korẽntɩ 11:14

La dagi pakerɛ, Sagena la mɛŋa iŋɛ a mɛŋa la bala ti eŋa dela yelemɛŋerɛ suŋera.

2 Korẽntɩ 11:3

Gee dabeem n tari mam. Wuu kampia la n yuum pa'ahɛ Eva la a wikerɛ la, bala mɛa ti yamam me puti'ira wan yehe, ti ya kan le tara ninmu'urɛ la susunɛ pu'uha Kiresta.

2 Korẽntɩ 12:7

A daana han pun biha mam nyɛ lilegere se'ere en boi deyima la. Bala, sɛla n wan gu' mam ti mam kan ba' zɛkera n mɛŋa la dela, gũ'a n dikɛ lu' mam inganɛ puan, dɛna Sagena la bituneŋa, ti a nameha mam, la a gu' mam ti n da ba' zɛkera n mɛŋa.

2 Korẽntɩ 2:11

Tu iti dina wa ti Sagena la n da nyaŋɛ tɔ. Se'ere en sɔi la, tu ka bu'uri a nyaleŋɔ la.

2 Korẽntɩ 4:4

Ba yele la dela, tiŋa wa zuo yinɛ la n pi' sɛba n ka nam Yezu la puti'ira, ti a gu ba ti ba da nyɛta faarɛ yelehum niihum la n de Kiresta suŋa la. Kiresta se'em n de Yinɛ mɛŋa naanɛ la.

Efɛɛzɩ 4:14

Tu da le dɛna kɔma le yɛ'ɛha, kaara kina nɛŋa la pooren, ti pa'alegɔ en ani wuu sabeeo ziira ya ɛɛra zi'an woo, pa'ali seko n de nɛreba mɛhi nigeŋɔ la nyaleŋɔ la pã'ahegɔ pã'ahegɔ la.

2 Tesaloniki 2:3

Da bahɛ ya ti se'em pã'ahɛ ya sadɔɔ seko puan. Se'ere en sɔi la, daan dinɛ daarɛ la kan wa'am na, han dagena pobiriga la n wa'am yia na. Se'em daana en ka kihi yele la, niiɛ a mɛŋa na, se'em ti la pun maahum biŋe ti a nyɛ sageŋɔ la.

1 Timoti 2:14

la me dagi Adam ti ba yuum pã'ahɛ la, gee pɔka la ti ba yuum pa'ahɛ ti a lebege be'em daana.

2 Timoti 3:13

Gee tuunfi'iha duma, la pumpã'ahum duma wan ze'ele sageŋɔ paaɛ nɔyalegerɛ. Ba wan pã'aha basɛba, ti basɛba me pã'aha ba.

Hiburuduma 2:14

Lan yi de ti, kɔma la za'a dela inganɛ la ziim la, eŋa Yezu mɛŋa me wa'am na ana mɛ wuu bamam la, ti a ta'am doohe kum puan sagum se'em en tari kum paŋa la. Sagena la en bala,

1 Pita 5:8

Tana ya mɛhi tara, gee me maahum. Gee ya dindaana la en de Sagena la kɔ'ɔm mu'ɛ la nini nyaara wuu gbigenɛ la, ɛɛra nɛra ti a obe.

1 Zã 5:19

Tumam mi' ti tu dela Yinɛ kɔma, gee be'em en ba' zo'e tiŋa wa zuo za'a.

Azudi 1:9

Gee Yinɛ suŋereba nɛŋadaana Maikɛl en yuum ta zigera la Sagena la, ŋmɛ'ɛra nɔkpe'ene la en Moose iŋa zuo la, a yuum ka tu' en, bii sagum a yu'urɛ, gee a yuum yele en yeti, “Daana en tahɛ hɔ la.”

Lilegere 12:12

Bala zuo, nyɛɛna, tinsuŋan wa, la yamam sɛba en boi bini la. Gee yele kãtɛ boi timpaberɛ wa, la ko'kãtɛ wa zuo, la Sagena la en sige ya puan na, la sunsunyiim kãtɛ la, Se'ere en sɔi la, a mi' ti a saŋa ka wugɛ.”

Lilegere 12:3

Ti daalehum kãtɛ bu yima me niiɛ saazuo ha, ti bunsɛla kãtɛ mɔlegɔ kuyima niiɛ na, tara zuto tu yopɔi, la iila pia, vuge muhi siyopɔi zuo kuyina kuyina woo.

Lilegere 12:7

Ti zaberɛ kɔ' Yinɛ yire ha, ti Maikɛl, la Yinɛ suŋereba la zabera la bunsɛla la. Ti bunsɛla la, la a suŋereba la me zabera lɛbeha na,

Lilegere 12:8

gee ba daa nyaŋɛ ba mɛ, ti zi'an ka le bɔna tinsuŋan la ha bo' ba.

Lilegere 13:14

Ti doohe la kirehi wa ti ba bo' sore ti a ze'ele yia bunsilemasio la na'arɛ tum bo' en la, ti a nyaŋɛ pã'ahɛ timpaberɛ wa zuo nɛreba za'a, yɛta ba yeti, ba maalɛ yia bunsilemasio la ti su'a pɔgelum en gee ti a sina gee vɔna la naanɛ,

Lilegere 16:14

Bana wa dela kulekpa'bɛ'ɛhi se'ehi en tuna kirehi, kina timpaberɛ wa zuo na'kãreba nɛŋan, ti ba lagehɛ ba gura zaberɛ, dabeherɛ kãtɛ la en de Gani Za'a Yinɛ dabeherɛ la puan.

Lilegere 18:2

Ti suŋera wa yi' la kɔkɛ'ɛŋa yeti, “Wai wai, a lu ya, a lu ya, Babilɔn en de tinkãtɛ la lu ya! Ka nyaa lebege la kulekpa'bɛ'ɛhi bɔŋa zi'an, Ka dela kulekpa'bɛ'ɛhi se'ehi en fi'ɛ bɔŋa zi'an. Ka dela niihe se'ehi en fi'ɛ bɔŋa zi'an, la bunsɛlebɛ'ɛhi bɔŋa zi'an.

Lilegere 18:23

Butolela bugum niihum, kan le niiɛ fum puan, ti pɔge dita kua, la sire-ɛla kua kan le bɔna fum puan. Se'ere en sɔi la, fum leebeduma la en daa de tiŋa wa zuo nɛrekãreba, ti fum dikɛ fum nini la pã'ahɛ tihi wa za'a.

Lilegere 19:20

Ti ba nyɔkɛ bunsilemasio la, la a nɔtɔgehe pumparenduma la en daa ze'ele a nɛŋan tum nyalema sɛ'a, pã'ahɛ sɛba en to'e bunsilemasio la daalehum la, la sɛba en na'ahɛ bunsilemasio la naanɛ la. Bana bayi' wa, ba dikɛ ba lobe la voto bahɛ bugum mɔgerɛ la ti tahi bugum dita ka kiŋera la puan.

Lilegere 2:13

“N mi' ya bɔŋa zi'an, la dela zi'an ti Sagena la na'am kuka la bɔna. Gee la bala za'a ya kɔ'ɔm gurɛ mam yu'urɛ la mɛ kankaŋi, gee ka zagehɛ ya sakerɛ la mam, pun ta paaɛ zahera Antipas se'em en daa de mam aze'nyɛ daana, tara sakerɛ la mam, ti ba daa ku en ya tiŋasuka, Sagena la bɔŋa zi'an la.

Lilegere 2:24

Gee ya sɛba woo en gee bɔna Taitira la, ka dɔla Yezebɛle pa'alegɔ la, ka zamehɛ sɛla ti ba yi'ira ti Sagena la tuunkãra la, n yeti yamam yeti, n kan dikɛ zeero seto pa'ahɛ ya,

Lilegere 2:9

“N mi' ya pɔgeleŋɔ, la ya nɔŋɔ, la yan pun tara la za'a. N mi' yu'sageŋɔ seko n paari ya, doohe sɛba en yeti ba dela Yuda buuri gee dagena, gee dɛna Sagena la lageŋɔ yire la.

Lilegere 20:10

Ti Sagena se'em en pã'ahɛ ba la, ba lobe eŋa bahɛ la bugum mɔgerɛ la en diti la tahi bugum la puan, zi'an ti bunsilemasio la, la a pumpã'ahum nɔtɔgeha la bɔna la, ti ba bɔna mɛlehegɔ puan bulika la yu'uŋɔ za'a, ka malum tara ba'ahegɔ.

Lilegere 20:8

A wan yehe na ti a pã'ahɛ nɛreba en boi timpaberɛ wa luga anaahi wa puan za'a. Gɔg la Magog, la a lagehɛ ba ti ba tɛ' pɛɛma. Ba kãlɛ zo'e mɛ wuu kulaa tintombi'ihego la.

Lilegere 3:9

Bihɛ ya, n wan iŋɛ Sagena lageŋɔ en yeti bamam dela Yuuduma gee dagena, gee parena la, n wan iŋɛ ba ti ba wa'am na kpa' duma ya nɛŋan, la ba zamehɛ bɔkɛ yeti, mam sirum nɔŋɛ ya.

Lilegere 9:1

Ti suŋera bunuu daana la peebe a tintanɛ la, ti mam nyɛ ti ŋmarebila la en ze'ele saazuo ha lu timpaberɛ wa zuo na la, ti ba bo' ka kparehega, ti ka yu'ɛ boko kãtɛ en boi tiŋa tiŋa ha.

Lilegere 9:20

Gee nɛre sɛba woo en gee, ti too kuna wa ka ku ba la, ka makɛ tee ba mɛhi ba nu'uhi en iti sɛla puan, bii ba bahɛ ba na'aha kulekpa'bɛ'ɛhi, la baga ti ba dikɛ salema, salempɛɛlega, la nyɔgum, la kuga, la dɔɔrɔ maalɛ ba ti ba ka nyɛta, bii wuna, bii kina la.