Filipi 4:11 - ZE'ELEGO PAALEGA

¹¹ Dagi mam n yeti ŋwana wa dela, n boti la sɛla ya zi'an. Se'ere en sɔi la, mam zamehɛ mɛ ti sadɔɔ seko woo puan, n nini tigɛ la sɛla ti n tara mɛ.

Farefare Ninkaré

¹¹ La dagɩ tɩ mam boorɩ la sɛla ĩyã tɩ mam yele bɛla. Mam zãsʋm mɛ ɩta sũ-yẽlga sɛla woo pʋam la bõn-sɛka tɩ mam tarɩ la.

Filipi 4:11 Iomraidhean Croise

Aluki 3:14

Ti pɛntiireba me soke en yeti, “Gee tumam, beni ti tu wan iŋɛ?” Ti a yele ba yeti, “Da pɛregɛ ya se'em to'e ligeri, bii ya zuuhe se'em gee ka nyɛ, gee me bahɛ ti ya nini tigɛ la ya yɔɔrɛ ma'a.”

2 Korẽntɩ 11:27

Namehegɔ la tuunkãra yu'uŋɔ, gɔgara dabeha zo'e zo'e, kom la ko'nyuuro, saŋa zo'e zo'e ka tara wan di, ɔɔrɔ la beele puan.

2 Korẽntɩ 6:10

Tu ani wuu tu suya n sagum la, gee tu nyɛɛni mɛ saŋa woo. Tu ani mɛ wuu naheduma la, gee me iŋɛ nɛreba zo'e zo'e ti ba dɛna buntateba, tu ani wuu tu ka tari la sɛla la, gee me tara sɛla woo.

2 Korẽntɩ 8:9

Se'ere en sɔi la, yamam mi' pupeelum bo'olum sebo ti tu Daana Yezu Kiresta bo' doohe la en pun dɛna buntata la, gee yamam zuo ti a lebege naha, ti a nɔŋɔ la puan yamam wan dɛna buntateba.

2 Korẽntɩ 9:8

Ti Yinɛ wan ta'am bo' ya maalegɔ sɛlawoo puan ti la zo'e gaŋɛ, bala ti saŋa woo ya wan tara sɛla woo ti la seke, ti ya ta'am tɔrɛ ti la zo'e ya itesuŋɔ wuu puan.

Filipi 3:8

Sɛla en gani bala dela, mam bihɛ sɛla woo ti ba dela zaŋa beni zuo, tibehum sebo en gani za'a en boi mam n baŋɛ Yezu Kiresta en de mam Daana la. Eŋa zuo, ti mam bɔregɛ sɛla woo bahɛ, gee biha ba ti ba dɛna sɔgerɔ, ti n ta'am tara Kiresta,

Hiburuduma 10:34

Se'ere en sɔi la, ya tari nimbu'ɔ mɛ bɔ'ɔra sɛba en boi paka deto puan, gee sakɛ la nyɛɛma ba han fãara ya lɔgerɔ, gee mina ti yamam mɛhi tari la sɛla en ani suŋa gee bɔna wuuha gana bala.