Filipi 4:1 - ZE'ELEGO PAALEGA

¹ Dinɛ zuo, n suŋɛ duma ti n nɔŋɛ, gee bɔta ti n nyɛ ya paaɛ paaɛ wa, mam nyɛɛma la mam na'am muŋa wa. Ze' ya kankaŋi Daana la puan, sadɔɔ kuna puan, n sunɔŋerɛ wa.

Farefare Ninkaré

¹ Bɛla, m sɔbiisi, mam nõŋɛ ya mɛ bɔɔra tɩ m le yẽ ya, yãma n botɩ mam tara sũ-yẽlga, dee wʋn botɩ mam yẽ nã'asgɔ la. M sɔbi-nõŋrɩsɩ, zɛ-ya kãŋkãŋɛ bɛla Zuudãana doosgo pʋam.

Filipi 4:1 Iomraidhean Croise

Amatie 10:22

Nɛra woo wan ta yaaɛ ya mam zuo, gee se'em n ŋmibe ze'ele ta paaɛ ba'ahegɔ n wan nyɛ faarɛ.

Azã 8:31

Ti Yezu yele Yuuduma sɛba n nam bo' en la yeti, “Ya han gurɛ la mam yelehum wa, ya sirum dela mam zahereba.

Tõoma 11:23

Banabase n wa'am na paaɛ nyɛ Yinɛ zu'uhegɔ la n sige nɛreba la zuo se'em la, a puurɛ n pee, ti a kpemehe ba za'a yeti, ba bɔna ba sakerɛ la puan la Daana la, la ba kaabɛ ba mɛhi bo' en saŋa woo;

Tõoma 14:22

Ba doohe malum kpe'em zahereba la gee kpemehe ba ti ba bɔna ba sakerɛ la puan, yɛta ba yeti, “Tu wan doohe la namehegɔ zo'e zo'e puan gee kɛ̃ Yinɛ sɔ'ɔlum la puan.”

Tõoma 2:42

Ti nɛrebana wa kaabɛ ba mɛhi bo' tuntuneba pa'alegɔ la, la lageŋɔ la taaba, lagum ɔbera boroboro, la pu'uhegɔ.

Aromduma 2:7

Sɛba en ŋmibe tuna sum la, se'ere en sɔi la, ba nini mu'ɛ mɛ ɛɛra suŋa, na'ahegɔ, la sɛla en ka pu'uri. Yinɛ wan bo' ba vom kamba'ahɛ.

1 Korẽntɩ 15:58

Bala, n sunɔŋerɛ duma wa, ze' ya kankaŋi, da bikeri ya, kɔ'ɔm boni ya Daana la tuuma puan saŋa woo malum pa'ahera, se'ere en sɔi la, ya mi' ti Daana la puan ya tuunkãra la kan bahɛ yoo.

1 Korẽntɩ 16:13

Biheri ya suŋa, ze' ya kankaŋi ya sakerɛ la puan, kpemehe ya ya mɛhi, gee kpe'em.

2 Korẽntɩ 1:14

Wuu yan pun bɔkɛ tɔ zi'ihi sise'ehi la, ti Daana Yezu daarɛ la, tumam n wan dɛna ya nyu'ɔ ŋmɛ'a wuu yamam n wan dɛna tumam nyu'ɔ ŋmɛ'a se'em la.

Galatɩ 5:1

Han dɛna fai, Kiresta en faaɛ tu bahɛ fai. Ze' ya kankaŋi bala zuo la, gee da le dikɛ ya mɛhi bo' da'aberɛ yɔgehega la.

Filipi 1:27

Yamam yeen vɔna ya vom, sadɔɔ seko en naaɛ la Kiresta faarɛ yelehum la, ti n han nyaŋɛ wa'am na bihɛ ya, bii n han pun ka bɔna la ya gee wum ya yele, n wan mina ti ya ze' la kankaŋɛ, Sia kayima puan, naaɛ taaba la putɛ'yinɛ, zigera la taaba ti ya tara sakerɛ faarɛ yelehum la puan.

Filipi 1:8

Yinɛ en de mam aze'nyɛ daana, mam n mu'ɛ nini ba' bɔta ti n nyɛ ya za'a se'em, la Kiresta Yezu nimbɔ'zɔrɛ la.

Filipi 2:16

La dela yamam en tari vom yelehum wa kankaŋi la zuo, ti n wan ta ta'am ŋmɛ' nyu'ɔ Kiresta lɛbega daarɛ na, ti n daa ka zɔ bahɛ yoo bii n tum bahɛ yoo.

Filipi 2:26

A ba' bɔta ti a nyɛ ya za'a mɛ, gee a suure sagum mɛ la yan wum ti a bɛ̃'ɛri mɛ la.

Kolɔsɩ 4:12

Epafaras, en de ya ayima la, dɛna Kiresta [Yezu] da'aberɛ pu'uhi ya na. A mɛɛrɛ saŋa woo pu'uhegɔ puan ya zuo, ti ya wan ze'ele bi'ɛ suŋa, gee ka bu'ura ya suure puan la Yinɛ sumboolum en de se'em.

1 Tesaloniki 3:13

A wan kpemehe ya suya la Yinɛ tuulum vom puan, ti ya ka tara tuure tu Yinɛ, la tu Sɔ la nɛŋan, tu Daana Yezu, la a nɛresunduma la kinɛ puan na.

2 Tesaloniki 2:15

Bala zuo, n suurɔ, sɛ ya ze'ele kankaŋi, gee gurɛ ya pa'ali seko ti tu pa'alɛ ya la. La dɛna tu nuurɛ pa'alegɔ, bii tu gulehɛ la gɔŋɔ bo' ya na.

2 Timoti 2:1

Nananawa, fum n bia wa, kpe'em mɛ la zu'uhegɔ seko en boi Kiresta Yezu puan la,

Hiburuduma 10:23

Bahɛ ya ti tu gurɛ suŋa suŋa tu beere puti'irɛ sakerɛ yelehum la gee da miina, se'ere en sɔi la se'em daana en biŋe nuurɛ la dela yelemɛŋerɛ daana.

Hiburuduma 3:14

Se'ere en sɔi la, tumam nyaa dela taaba la Kiresta, tu han gurɛ tu yia sakerɛ la kankaŋi ta paaɛ ba'ahegɔ.

Hiburuduma 4:14

Lan de ti tu tari la malema kiima kãtɛ en kɛ̃ tinsuŋan la, dɛna Yezu, Yinɛ dayua la, bahɛ ya ti tu gurɛ tu sakerɛ yelehum la kankaŋi.

2 Pita 3:17

Ŋwana zuo la, yamam n sunɔŋerɛ duma wa, mam en te'ele ka'am ya la zuo, bihɛ ya suŋa ti yalum duma wa tuure la da ve'e ya kiŋɛ ti ya da ta'am ze'ele ya mɛŋa.