Filipi 3:20 - ZE'ELEGO PAALEGA

²⁰ Gee tumam timbiine la boi la saazuo ha. Bilam ti tu gura ti tu faara la wan ze'ele na, tu Daana Yezu Kiresta la.

Farefare Ninkaré

²⁰ La sãn dɛna tõma, tõma de la Nawẽnnɛ yire nẽrba, tõma gu'uri la Zuudãana Azezi-krisi n de tɩ Fãagra tɩ a ze'ele bilam wa'am.

Filipi 3:20 Iomraidhean Croise

Amatie 19:21

Ti Yezu yele en yeti, “Fum nyaa han bɔta ti fum bi'ɛ kahegɛ, nyaa kiŋɛ ta koohe fum lɔgerɔ la, dikɛ ligeri la bo' naheduma, ti fum tarega la nyaa bɔna saazuo ha, gee ti fum nyaa wa'am na dɔla mam.”

Aluki 12:21

Bala n wan iŋɛ sɛba woo n ka'aheri lɔgerɔ biŋera ba mɛhi, gee tugum dagena buntateba Yinɛ nɛŋan la.”

Aluki 14:14

Ŋwana ti fum wan nyɛ sum, se'ere en sɔi la, bamam kan ta'am lebehe yɔ hɔ. Fum wan ta to'e fum yɔɔrɛ la tuntɔɔduma vo'ore la.”

Tõoma 1:11

Yele ba yeti, “Galilii buraahi wa, ŋwani ti ya zɛ'a gɔra biha saazuo bala? Yezu wa ti ba dikɛ ya zi'an en ze'ele ya zi'an zom saazuo ha wa, wan wa'am la bala mɛa na wuu yan nyɛ en ti a zɔna saazuo ha se'em wa la.”

1 Korẽntɩ 1:7

bahɛ ti ya ka koŋe zu'uhegɔ bo'olum sebo ya puan, yan guri tu Daana Yezu Kiresta niirɛ na wa.

1 Korẽntɩ 15:48

Wuu tintɔnɔ nɛra la n ani se'em la, bala mɛa ti sɛba n de tintɔnɔ nɛreba la ana. Wuu saazuo nɛra la n ani se'em la, bala mɛa ti sɛba n de saazuo nɛreba la ana.

2 Korẽntɩ 4:18

Tumam n ka biheri sɛla n nyɛti, gee tu biheri la sɛla n ka nyɛti zuo, sɛla n nyɛ zina ka yuure, gee sɛla n ka nyɛti ka tari ba'ahegɔ.

2 Korẽntɩ 5:8

Yelemɛŋerɛ, tumam nam ya ti tu bahɛ inganɛ wa gee ta bɔna la Daana la.

Galatɩ 4:26

Gee pɔka kayima la me ze'ele bo' la Yerusalɛm sɛka en boi saazuo ha la. A dagi da'aberɛ gee me dɛna tu ma.

Efɛɛzɩ 2:19

Bala zuo, ya ka le dɛna saama bii zanku'uma, gee ya lagum dela tiŋambiihi la nɛresunduma, gee me dɛna Yinɛ mɛŋa yire nɛreba,

Efɛɛzɩ 2:6

Yinɛ vo'e tu mɛ la Kiresta, gee bahɛ ti tu zi'ire la en saazuo ha, Kiresta Yezu zuo.

Filipi 1:10

ti la suŋɛ ya, ti ya zamehɛ mina sɛla en ani suŋa gana za'a, bala ti Kiresta lɛbega dabeherɛ na la, ya wan dɛna Yinɛ tuulum nɛreba, ka tara dɛkɔ.

Filipi 1:27

Yamam yeen vɔna ya vom, sadɔɔ seko en naaɛ la Kiresta faarɛ yelehum la, ti n han nyaŋɛ wa'am na bihɛ ya, bii n han pun ka bɔna la ya gee wum ya yele, n wan mina ti ya ze' la kankaŋɛ, Sia kayima puan, naaɛ taaba la putɛ'yinɛ, zigera la taaba ti ya tara sakerɛ faarɛ yelehum la puan.

Kolɔsɩ 1:5

beere putɛ'se'ere en boi saazuo gura ya la zuo. Ya pun tabelɛ wum beere putɛ' dina wa yele mɛ, gee baŋɛ wum yelemɛŋerɛ yelehum en de faarɛ yelehum la,

1 Tesaloniki 1:10

gee gura a Dayua la en wan ze'ele saazuo na la, se'em ti a ihege en kum puan la. Yezu, se'em en faaɛ tɔ Yinɛ sunsunyiim sebo en kini na la.

1 Tesaloniki 4:16

Se'ere en sɔi la, Daana la mɛŋa wan sige na, doohe la nuurɛ ti ba bo' la kɔkɛ'ɛŋa, ti suŋereba nɛŋa daana la yi' na, ti Yinɛ tintanɛ la pɛɛbera, ti sɛba en ki' Kiresta puan la ihege yia,

2 Timoti 4:8

Nananawa yɛ'a ha, sɛla en dikɛ biŋe gura mam dela, tuuntɔɔ vom muŋa, sɛka ti Daana la en de tuuntɔɔ gakera la, wan dikɛ bo' mam de daarɛ, gee dagi mam ma'a, gee sɛba woo en me guri Yezu lɛbega na la.

Taitusi 2:13

tumam n guri beere putɛ'sunɛ wa, la Yinɛ kãtɛ wa, la tu Faara Yezu Kiresta niirɛ na la na'ahegɔ la.

Hiburuduma 12:22

Gee yamam paaɛ la zoore se'ere yu'urɛ en yi'iri Zaayɔn la puan na, tinsɛka en de Yinɛ vua wa tiŋa la puan, tinsɛka en de Yerusalɛm sɛka en boi saazuo ha la, ya paaɛ la suŋereba en zo'e kan ta'am kãalɛ la lageŋɔ kãtɛ en boi kuyima,

Hiburuduma 9:28

bala mɛa ti Kiresta, en kaabɛ a mɛŋa buyina bo' nɛreba zo'e zo'e be'em la ba'ahɛ, a wan le niiɛ na buyi' puan na, dagi a le zabɛ la be'em, gee a faaɛ sɛba en ani kɛli gura en la.

Lilegere 1:7

Bihɛ ya! Eŋa en bala bɔna sagbama puan kina na la. Niho woo wan nyɛ en pun ta ta' sɛba en daa lu' en la. Eŋa en kinɛ na la zuo, buuri woo en boi timpaberɛ wa zuo wan kele. Lan yeti la ana se'em en bala. Taari.