Filipi 3:12 - ZE'ELEGO PAALEGA

¹² Dagi la mam pun tara ŋwana mɛ, bii n pun di la mi'a. Gee mam kɔ'ɔm zigera mɛ ti la dɛna mam dinɛ, beni zuo, Kiresta Yezu iŋɛ mam ti n dɛna la a dinɛ.

Farefare Ninkaré

¹² Mam ka yetɩ mam darɛ paagɛ bõn-sɛka tɩ mam boorɩ la mɛ, bɩɩ mam darɛ masɛ mɛ sɛla woo pʋam, mam ken mõrgra mɛ tɩ m paagɛ gʋrɛ ẽ, se'ere n soe la, Krisi dẽŋɛ gʋrɛ mam mɛ.

Filipi 3:12 Iomraidhean Croise

Amatie 5:48

Deni ya sɛba en bi'ɛ kahegɛ woo ya Sɔ en boi saazuo ha bi'ɛ kahegɛ se'em la.

Tõoma 9:15

Gee Daana la yele en yeti, “Kiŋɛ, gee a dela lɔkɔ ti mam looe ti a tara mam yu'urɛ wa bo' sɛba n dagi Yuda buuri la, ba naduma, la Izirale buuri la.

Aromduma 8:39

bii sɛla en boi zuin zuin ha, bii sɛla en boi tiŋa tiŋa ha, bii sɛla bɔna timpaberɛ wa zuo za'a wan ta'am bɔkɛ tumam Yinɛ nɔŋerɛ wa n boi Kiresta Yezu tu Daana puan wa.

1 Korẽntɩ 13:10

Gee mɛ'ɛ la han diŋɛ wa'am na, fii wa la kan le bɔna.

1 Korẽntɩ 13:12

Nananawa, tu biheri la biheŋa puan ti la ka niiɛ suŋa, gee la kini na, ti tu wan ta nyɛta kpaii. Nananawa, tu nan mi' la fii, gee la kini na, ti tu wan ta mina za'a, wuu mam ti ba mina mam za'a za'a se'em la.

1 Korẽntɩ 9:24

Yamam ka mi' ti zua puan, zɔteba la woo ni pagera la taaba, gee ba ayima ma'a en ni ta di mi'a? Zɔ ya yan wan zɔ se'em la ya ta'am di.

2 Korẽntɩ 13:9

Tumam nyɛɛni mɛ, tu han tara tɔregɔ gee ti yamam kpe'em. Tumam n pu'uhi se'ere dela, ya ze'ele suŋa, ba'ahɛ suŋa suŋa.

2 Korẽntɩ 7:1

Tumam n diŋɛ tara nɔbiŋe-ana wa la, n suurɔ, bahɛ ya ti tu pee tu mɛhi ingɔŋɔ la sia puan galeŋɔ woo puan. Tu bahɛ ti tuulum vom pirɛ, doohe tu Yinɛ zoolum puan.

Galatɩ 5:17

Se'ere en sɔi la, ingɔŋɔ la n boti sɛla la, dagi sɛla ti Sia la bɔta. Sia la me en boti sɛla la dagi sɛla ti ingɔŋɔ la bɔta. Bana bayi' wa ka sakerɛ bɔ'ɔra taaba, ti la gu' ti fum da ta'am ita fum boti se'em.

Efɛɛzɩ 1:4

wuu en looe tu se'em Kiresta puan gee nyaa baŋɛ naam timpaberɛ wa la, ti tu dɛna tuulum nɛreba, ka tara tuure a nɛŋan, a nɔŋerɛ la puan la.

Efɛɛzɩ 4:12

ti a kpemehe nɛresunduma la ti ba tuna ba tuuma, la ba mɛ lageŋɔ la n de Kiresta iŋa la,

Filipi 1:1

Mam Pɔɔl la Timoti en de Kiresta Yezu yamehi la en gulehɛ gɔŋɔ wa, bɔ'ɔra Yinɛ nɛresunduma la za'a en boi Kiresta Yezu puan Filipi timpaberɛ la, la lageŋɔ nɛheduma, la kiinduma la.

Filipi 3:16

Yeen bahɛ ya ti tu zãla sɛla ti tu tara la kankaŋi.

Filipi 3:3

Bihɛ ya, tumam en de sɛba n sirum ŋma la, tumam en de sɛba n na'aheri Yinɛ Fa'a Sia la puan, gee ŋmɛ'ɛra tu nyu'ɔ Yezu Kiresta puan, ka dikɛ tu mɛhi delum inganɛ malema,

Filipi 3:8

Sɛla en gani bala dela, mam bihɛ sɛla woo ti ba dela zaŋa beni zuo, tibehum sebo en gani za'a en boi mam n baŋɛ Yezu Kiresta en de mam Daana la. Eŋa zuo, ti mam bɔregɛ sɛla woo bahɛ, gee biha ba ti ba dɛna sɔgerɔ, ti n ta'am tara Kiresta,

1 Tesaloniki 5:15

Bihɛ ya suŋa ti ya se'em da dikɛ be'em yɔ be'em. Gee saŋa woo, eere ya ti ya ita sum bɔ'ɔra taaba, la nɛra woo.

2 Tesaloniki 2:13

Gee tumam dela tu bɔ'ɔra Yinɛ fara saŋa woo ya zuo, n suurɔ ti Daana la nɔŋɛ wa, se'ere en sɔi la, Yinɛ en looe ya ti ya dɛna wala diina faarɛ puan, doohe Fa'a Sia la en pee ya la, la yan nam yelemɛŋerɛ la.

1 Timoti 5:10

A dɛna se'em ti nɛreba wan tɔgera a sum yɛla, se'em en bihɛ a kɔma ti ba zo'e suŋa na, a tɔ'ɔha saama, tɔ'ɔha nɛresunduma, suŋera sɛba en boi namehegɔ puan, gee kaabɛ a mɛŋa bo' itesuŋɔ woo.

1 Timoti 6:19

Ŋwana ti ba wan ka'aha lɔgeseto en wan bo' ba beere ɛ̃berɛ sunɛ la biŋera saazuo ha, la ba beere tara vom sebo en sirum de vom la.

Hiburuduma 12:14

Eere ya suma'ahum ninmu'urɛ nɛra woo, la fa'a vom sebo en han ka bɔna, nɛra kan ta'am nyɛ Daana la.

Hiburuduma 12:23

ya wa'am la lageŋɔ seko en de kɔmdiina sɛba yu'ura en gulehɛ bɔna tinsuŋan puan la na, ya wa'am la Yinɛ se'ere en de sɛla woo gakera la zi'an na, Ya wa'am la tuuntɔɔ duma sɛɛhi la n bi'ɛ kahegɛ la zi'an na.

Hiburuduma 13:21

wan bahɛ ti ya bi'ɛ tunsunɛ woo puan, ti ya ta'am tum a sumboolum, doohe la en boi tu puan tuna la tɔ, tuunsɛ'a en tigeri a nini Yezu puan, se'em ti suŋa dɛna a dinɛ saŋa woo. Taari.

Yemesi 3:2

Se'ere en sɔi la, tu za'a tuure mɛ. Se'em en ka tuure a tugum puan dela tuuntɔɔ, tana a a iŋa za'a tara la gareŋenɛ.

1 Pita 5:10

Ti ya han namehɛ yuue fii wa, Yinɛ en de zu'uhegɔ za'a daana la, se'em en yi' ya ti ya wa'am na bɔna sunsɛka en ka tari ba'ahegɔ Kiresta puan la, a mɛŋa wan lebehe ze'ele ya, te'ele ya, kpemehe ya, gee sɛ ya ze'ele kankaŋi.

2 Pita 3:18

Gee tugum zo'ore ya zu'uhegɔ, la ya mi'ilum tu Daana la tu faara Yezu Kiresta puan. Eŋa ti pɛka za'a dɛna a dinɛ, nananawa ta paara dabeherɛ se'ere en ka tari ba'ahegɔ la. (Taari.)