Filipi 3:10 - ZE'ELEGO PAALEGA

¹⁰ Mam boti n baŋɛ Kiresta mɛ, la a vo'ore paŋa la, la n lagum namehɛ a namehegɔ la, doohe la n ana wuu en, a kum la puan,

Farefare Ninkaré

¹⁰ Mam n boorɩ se'em wuu de la m bãŋɛ Krisi, la pãn-sɛka n basɛ tɩ a vo'oge la, la m lagɩm na ẽ nãmsɛ, ãna wʋ ẽn ãn se'em a kũm na pʋam,

Filipi 3:10 Iomraidhean Croise

Amatie 20:23

Ti Yezu yele ba ti, “Ya sirum wan nyaŋɛ nyu mam wula wa puan. Gee ya zi'ire n zuɔ nu'o la n gɔbega nu'o bɔba dagi mam n wan bo' bala. Bilam dela sɛba ti mam Sɔ maahum ka ti ka dɛna ba dinɛ la zi'an.”

Azã 10:18

Nɛra kan ta'am dikɛ mam vom wa, gee mam mɛŋa n dikɛ bu biŋera, mam boti se'em. Mam tari paŋa ti n dikɛ n vom wa biŋe, gee tara paŋa ti n lebehe dikɛ bɔ. Mam sɔ la n bo' mam nuurɛ ti n wan ta'am iŋɛ bala.”

Azã 17:3

Ŋwana n de vomkanba'ahɛ la, ti saaleba baŋɛ fum, fum se'em n de yelemɛŋerɛ Yinɛ wa ma'a, gee me baŋɛ Yezu Kiresta, se'em ti fum tum na la.

Aromduma 8:17

ti tu han dɛna Yinɛ kɔma, tu dela sɛba en wan sooe sɔna, tu dela Yinɛ kɔma wan sooe Yinɛ lɔgerɔ sɔna. Tu naaɛ mɛ la Kiresta sooe sɔna Yinɛ lɔgerɔ, tu han sirum namehɛ la en, tu me wan ta lagum nyɛ suŋa la en.

Aromduma 8:29

Se'ere en sɔi la, sɛba ti a pun mina la, a pun maahum ba ze'ele mɛ, ti ba tara a dayua la naanɛ, ti a dayua la ta'am dɛna zuodaana suurɔ kekeko puan.

Aromduma 8:36

Wuu lan gulehɛ se'em la, “Yamam zuo, ba kuuri tumam la daare woo. Ba bihɛ nyɛ tumam ti tu ana mɛ wuu piihi ti ba tara yɛ'a kɔregerɛ la.”

2 Korẽntɩ 1:10

Se'em en faaɛ tumam nɔyalegerɛ kum wa puan bahɛ la, kelum faara tu mɛ, eŋa puan tu puti'irɛ dela, ti a wan le faaɛ tɔ bahɛ,

2 Korẽntɩ 1:5

Wuu Kiresta namehegɔ la n yage tumam zuo zo'e zo'e se'em la, bala mɛa ti tumam sumbugehum la me wan yaga ya zuo zo'e zo'e Kiresta puan.

2 Korẽntɩ 13:4

Ba daa kpa' en mɛ a tɔregɔ puan, gee a vo'e mɛ Yinɛ paŋa la puan. Tumam dela tɔregɔ a puan, gee tumam han tuna la yamam, tu vɔi mɛ la en, Yinɛ paŋa la puan.

Galatɩ 2:20

La le dagena mam mɛŋa en vɔi, gee la dela Kiresta en vɔi mam puan. Ti vom sebo ti n vɔna inganɛ puan nananawa, n vɔi mɛ la sakerɛ Yinɛ Dayua la, se'em en nɔŋɛ mam gee dikɛ a mɛŋa kaabɛ bo' mam la puan.

Galatɩ 6:17

Yehe zina yɛ'ɛha, se'em da ɛ daaŋɔ bo' mam. Se'ere en sɔi la,Yezu yiha en bala to'e mam iŋa wa za'a wa.

Efɛɛzɩ 4:13

gura ti tu za'a ta wa'am na naaɛ taaba la sakerɛ deyina, zo'e Yinɛ Dayua la mi'ilum puan, zo'e dɛna bunkureba ti Kiresta naanɛ la to'e tu za'a.

Filipi 3:8

Sɛla en gani bala dela, mam bihɛ sɛla woo ti ba dela zaŋa beni zuo, tibehum sebo en gani za'a en boi mam n baŋɛ Yezu Kiresta en de mam Daana la. Eŋa zuo, ti mam bɔregɛ sɛla woo bahɛ, gee biha ba ti ba dɛna sɔgerɔ, ti n ta'am tara Kiresta,

Kolɔsɩ 1:24

Nananawa, mam nyɛɛni mɛ n namehegɔ la puan yamam zuo, mam inganɛ wa puan, bahɛ ya ti n yele de ŋwana yeti, mam ba'aheri la namehegɔ seko en gee Kiresta namehegɔ la puan, a iŋa la en de lageŋɔ la zuo.

Kolɔsɩ 2:13

Yan daa ki ya tuure puan, ya ingɔŋɔ la en ka ŋma la puan la, Yinɛ bahɛ ti ya vo'e mɛ la en, eŋa en daa di tu za'a tuure sugeri bo' tu.

Kolɔsɩ 3:1

Bala, la han dɛna ti ya vo'e mɛ la Kiresta, ye eere ya yele sɛ'a en boi tinsuŋan ha la, zi'an ti Kiresta zi'a Yinɛ zuɔ nu'o bɔba la.

1 Pita 1:3

Sum dɛna Yinɛ en de tu Daana Yezu Kiresta Sɔ la dinɛ! A nimbɔ'zɔrɛ kãtɛ la zuo, a bo' tu la dɔgum paalemɔ ti tu tara beere putɛ'vua doohe Yezu Kiresta vo'ore a kum la puan.

2 Pita 1:13

Mam ti'ihɛ ti la de la ma'a ti mam nan boi timpaberɛ zuo sugerɛ wa en kan yuue wa puan la, n malum tiihɛ ya,

1 Zã 2:3

Nananawa, yele dina wa zuo ti tu wan baŋɛ ti tu mi' en paaɛ paaɛ, tu han nana a nɔze'elego la.

1 Zã 2:5

Gee se'em woo en nane a yelehum la, yelemɛŋerɛ, nɛre-ina daana puan, Yinɛ nɔŋerɛ la bi'ɛ paaɛ mɛ a puan. Dina ti tu wan baŋɛ ti tu boi a puan.

Lilegere 1:18

Mam de se'em en vɔi la. Mam yuum ki mɛ, gee bihɛ, n vɔi mɛ wuuha wuuha. Mam en tari kum, la ki'intiŋa kparehega la.