Filipi 2:6 - ZE'ELEGO PAALEGA

⁶ Eŋa se'em, en daa pun dɛna Yinɛ mɛŋa naanɛ la, a daa ka bihɛ eŋa en zuni la Yinɛ la, ti la dɛna sɛla bo' en. Dɛna sɛla ti a gurɛ kankaŋi,

Farefare Ninkaré

⁶ Azezi-krisi la Nawẽnnɛ n de ayɩla la, a ka tẽ'esɛ tɩ ẽŋa n zõn na Nawẽnnɛ na, de la sɛla tɩ ẽŋa wʋn gʋrɛ kãŋkãŋɛ.

Filipi 2:6 Iomraidhean Croise

Amatie 1:23

“Bihɛ, pɔgesakãherɛ wan nyɔkɛ puurɛ dɔgɛ budibela, ti ba sigɛ ka yu'urɛ Emanuwɛl.” De vuurɛ dela, “Yinɛ boi la tɔ.”

Azã 1:18

Nɛra nɛra ka tabelɛ nyɛ Yinɛ. Gee la dela Yinɛ biba'arɛ la, en de Yinɛ la bɔna a Sɔ la suure la en dikɛ en pa'alɛ.

Azã 10:30

Sɔ la, la mam dela buyina.”

Azã 10:33

Ti Yuuduma la lerege en yeti, “La dagi la fum tuunsunɛ se'ere zuo, gee tuurɛ la. Beni zuo, fum wa n kɔ'ɔm dɛna asaala gee dikera fum mɛŋa lɛbegera Yinɛ la zuo.”

Azã 10:38

Gee mam han tuna a, ti ya pun ka nam bo' mam, nam ya tuuma la, la ya ta'am mina, gee baŋɛ ti Sɔ la boi mɛ la mam, ti mam me bɔna la Sɔ la.”

Azã 14:28

Ya wum mam pun yele ya yeti, ‘N yeti n kiŋɛ mɛ, gee le lebe ya zi'an na.’ Ya han nɔŋɛ mam, ya wan nyɛɛna, la mam n ye' Sɔ la zi'an la. Se'ere en sɔi la, Sɔ la gani mam mɛ.

Azã 14:9

Ti Yezu yele en yeti, “Mam n boi la ya saŋa kana wa woo wa Filipi, ti fum kelum ka mina mam? Se'em woo n nyɛ mam, nyɛ Sɔ la mɛ. Wani ti fum le yɛta mam yeti, ‘Pa'alɛ tɔ Sɔ la’?

Azã 17:5

Bala nananawa n Sɔ, bahɛ ti n nyɛ pɛka fum nɛŋan. Pɛka sɛka ti n daa pun tara fum nɛŋan gee ti timpaberɛ wa baŋɛ naam la.

Azã 20:28

Ti Tɔmasi lerege en yeti, “Mam Daana la mam Yinɛ.”

Azã 5:18

Ŋwana zuo, ti Yuuduma wa malum mu'ɛ la nini ɛɛra ba ko' en, beni zuo, a ka galum la vo'ohego daarɛ kiha la ma'a, gee a galum mɛ la eŋa en yi'iri Yinɛ ti a mɛŋa Sɔ, tara a mɛŋa makera la Yinɛ la.

Azã 5:23

ti bala ti nɛra woo wan na'aha dayua la wuu ban na'ahɛ Sɔ la se'em la. Fum se'em woo n ka na'ahɛ Dayua la, ka na'ahɛ sɔ se'em n tum en na la.

Aromduma 9:5

Bama en de Hiburuduma kansanhi yaahi, gee ti inganɛ puan, Kiresta la yehe ba puan na, se'em en gani za'a la. Sum dɛna Yinɛ dinɛ wuuha wuuha. Taari.

2 Korẽntɩ 4:4

Ba yele la dela, tiŋa wa zuo yinɛ la n pi' sɛba n ka nam Yezu la puti'ira, ti a gu ba ti ba da nyɛta faarɛ yelehum niihum la n de Kiresta suŋa la. Kiresta se'em n de Yinɛ mɛŋa naanɛ la.

2 Korẽntɩ 8:9

Se'ere en sɔi la, yamam mi' pupeelum bo'olum sebo ti tu Daana Yezu Kiresta bo' doohe la en pun dɛna buntata la, gee yamam zuo ti a lebege naha, ti a nɔŋɔ la puan yamam wan dɛna buntateba.

1 Timoti 1:17

Na'kãtɛ sɛka en boi wuuha, se'em en ka kiiri, Na'liliŋɔ se'em ma'a en de Yinɛ la, sɔna na'ahegɔ la pɛka wuuha wuuha. Taari.

1 Timoti 3:16

Bu'a ka boi, tumam pu'uhegɔ wa puan yele sɛ'a en gani asaala bɔkerɛ la, dela yele kãra, A daa niiɛ a mɛŋa la inganɛ puan, di buurɔ Sia la puan, suŋereba nyɛ en mɛ, ba muulɛ a yele mɛ sɛba en dagi Yuuduma la puan ti tiŋa wa zuo nam en, a zom la zuin zuin ha la na'ahegɔ.

Taitusi 2:13

tumam n guri beere putɛ'sunɛ wa, la Yinɛ kãtɛ wa, la tu Faara Yezu Kiresta niirɛ na la na'ahegɔ la.

Hiburuduma 1:3

A dela Yinɛ suŋa niihum paaɛ paaɛ, dɛna Yinɛ vore vore, bahɛ ti sɛla woo bɔna, doohe a yelehum paŋa puan. Eŋa en duuhe saaleba be'em ba'ahɛ la, a zi'ire la Gani za'a Daana la zuɔ nu'o saazuin ha,

Hiburuduma 1:6

Le yɛ'ɛha, Yinɛ en yeti a ta bahɛ ti a dayɔkiima wa wa'am tiŋa wa zuo na la, a tɔgɛ bala yeti, “ Bahɛ ti Yinɛ suŋereba la za'a na'aha dayua wa.”

Hiburuduma 1:8

Gee a dayua la, Yinɛ tɔgɛ eŋa yele yeti, “Fum na'am ka tari ba'ahegɔ, Oo Yinɛ wa, ti fum na'am doore la dɛna tuuntɔɔ doore.

Hiburuduma 13:8

Yezu Kiresta dela bala mɛa zaam, zina, la saŋa woo.

Lilegere 21:6

Ti a nyaa yele mam yeti, “La tum ya. Mam en de Alifa, la Omega, Pi'ileŋo, la Ba'ahegɔ. Sɛba ti ko'nyuuro tara ba, n wan bo' ba ko'om ti la dɛna bo'olum, ze'ele vom ko'om kulaa la puan na.