Filipi 2:25 - ZE'ELEGO PAALEGA

²⁵ Le pa'ahɛ, mam ti'ihɛ ti la nari ti n tum Epafurodituse ya zi'an na. A dela n suuɔ, la n tuntuna tadaana, la n pɛntiira tadaana en de ya bituneŋa, gee dɛna tuntuna bo' mam en boti sɛla.

Farefare Ninkaré

²⁵ Mam tẽ'esɛ tɩ la ãn sõŋa tɩ mam tõm tɩ sɔbia A'epafroditi n de mam tõntõn-tadãana n lagɩm na mam nãmsɛ la, tɩ a leme wa'am ya zẽ'am, ẽŋa tɩ ya daan tõm, tɩ a tarɩ sõŋrɛ wa'am wa bɔ mam m nãmsgɔ la pʋam.

Filipi 2:25 Iomraidhean Croise

Azã 13:16

Yelemɛŋerɛ yelemɛŋerɛ ti n yɛta ya wa, ti yameŋa ka gani ka daana, bii bitunehi gana se'em n tum ba la.

Azã 17:18

Wuu fum n tum mam timpaberɛ wa zuo na se'em la, bala mɛa ti mam me tuna ba timpaberɛ wa puan.

Aromduma 16:3

Pu'uhɛ ya Pirisika la Akuila, sɛba en tuni la mam Kiresta Yezu puan la,

Aromduma 16:9

Pu'uhɛ ya Yurebanuse mam tuntuna tadaana Kiresta puan, la Sitakise ti n nɔŋɛ la.

1 Korẽntɩ 3:9

Tumam dela Yinɛ yamehi, tuna la taaba; Yamam en de Yinɛ va'am, dɛna Yinɛ yire.

2 Korẽntɩ 2:13

gee mam puti'irɛ daa ka gã'arɛ, se'ere n sɔi la, n ka nyɛ n suuɔ Taitusi bini. Bala ti mam keehe ba, gee kiŋɛ Masedoniya.

Filipi 2:26

A ba' bɔta ti a nyɛ ya za'a mɛ, gee a suure sagum mɛ la yan wum ti a bɛ̃'ɛri mɛ la.

Filipi 4:18

Ya kɔ'ɔm yɔ mam la za'a za'a, ti n tara gaŋɛ. Ya kɔ'ɔm tigehɛ mam mɛ suŋa suŋa, yele yele wuu mam nyaa to'e ya bo'olum la ti ya dikɛ tum Epafurodituse na la. Bo dela nyuuŋo suŋɔ kaabegɔ bo'olum. Bo dela kaabegɔ n tigeri Yinɛ nini.

Filipi 4:3

Gee yɛta fum se'em ti mam la fum bɔna yɔgehega kayima puan wa yeti, fum suŋɛ pɔgehi wa. Se'ere en sɔi la, si lagum zabɛ mɛ suŋɛ mam faarɛ yelehum wa tuuma puan. Bamam la Kilɛmɛnti la basɛba la en de mam tuntuneba taaba la, sɛba yu'ura en boi vom gɔŋɔ la puan la.

Kolɔsɩ 1:7

Dina ti ya zamehɛ Epafaras zi'an, tu yameŋa tadaana, se'em ti tu nɔŋɛ la. A dela Kiresta yelemɛŋerɛ tuntuna ya zuo,

Kolɔsɩ 4:11

Yezu se'em ti ba yi'ira Yusetuse la pu'uhi ya na. Bana ma'a en de sɛba n ŋma bɔna mam tuntuneba tadaanduma la puan Yinɛ sɔ'ɔlum tuuma la puan. Bana en de sɛba en bugelɛ mam suure.

1 Tesaloniki 3:2

gee tum Timoti tu suuɔ, la tu tuntuna tadaana Yinɛ puan, se'em en muuli Kiresta faarɛ yelehum la, ti a wa'am na bo' ya paŋa, gee kpemehe ya ya sakerɛ la zuo,

Afilmõ 1:24

bala mɛa ti Maki, Aristakuse, Demase la Luki, n tuntuna tadaanduma la me pu'uhi fum na.

Hiburuduma 3:1

Bala zuo n suurɔ, n tuulum nɛre tadaanduma Yinɛ saazuo yi'a wa puan wa, bihɛ ya suŋa suŋa Yezu en de tuntuna, gee dɛna malema kiima bo' tumam sakerɛ yelehum la wa la,