Filipi 2:16 - ZE'ELEGO PAALEGA

¹⁶ La dela yamam en tari vom yelehum wa kankaŋi la zuo, ti n wan ta ta'am ŋmɛ' nyu'ɔ Kiresta lɛbega daarɛ na, ti n daa ka zɔ bahɛ yoo bii n tum bahɛ yoo.

Farefare Ninkaré

¹⁶ wʋn pa'alɛ nẽrba yetɔga n bɔ'ɔrɩ vɔm. Ya sãn ẽŋɛ bɛla, ya wʋn botɩ mam zuugo zẽkɛ Krisi lemŋo daarɛ, pa'alɛ tɩ mam tõoma, la mam n mõrgrɩ la wuu dagɩ zãŋa.

Filipi 2:16 Iomraidhean Croise

Amatie 10:27

Mam yele ya sɛla la lika puan, muuli ya de peelumen. Ban waahum sɛla bo' fum la, zom gɔhegɔ muulɛ de.

Aluki 12:8

“N yeti ya mɛ wa, ti se'em woo en ze'ele nɛreba nɛŋan tɔgɛ mam yele suŋa suŋa , Asaala Dayua wa me ta ze'ele Suŋereba nɛŋan me tɔgɛ a yele suŋa suŋa

Azã 6:63

La dela Fa'a Sia la n bo'ori vom, gee inganɛ la ka bo'ori sɛla sɛla. Yelehum wa ti mam tɔgɛ bo' ya wa dela Sia, gee dɛna vom.

Azã 6:68

Ti Simɔn Pita lerege en yeti, “Daana, to yeti tu kiŋɛ ta paaɛ la ani? Fum n tari vomkanba'ahɛ yelehum la.

Tõoma 13:26

“N suurɔ wa, Aberaham yireduma yaahi wa, la yamam sɛba n zoti Yinɛ wa, Yinɛ tum faarɛ yelehum buna wa bo' la tumam na.

1 Korẽntɩ 1:8

A me wan sɛ ya ze'ele suŋa suŋa ta paaɛ ba'ahegɔ, ti ya kan tara gbelegere, tu Daana Yezu Kiresta dabeherɛ la puan.

1 Korẽntɩ 9:26

Bala, mam ka zoti yoo yoo, bii n ŋmɛ'ɛra kunkura yoo yoo,

2 Korẽntɩ 1:14

Wuu yan pun bɔkɛ tɔ zi'ihi sise'ehi la, ti Daana Yezu daarɛ la, tumam n wan dɛna ya nyu'ɔ ŋmɛ'a wuu yamam n wan dɛna tumam nyu'ɔ ŋmɛ'a se'em la.

Galatɩ 2:2

Mam kiŋɛ la dela n nyɛ la lilegere. Ti mam paaɛ dikɛ sɛla woo biŋe ba nɛŋan (la dela mam la nɛheduma sɛba ti ba loohe la ma'a) doohe faarɛ yelehum la ti mam muula bɔ'ɔra sɛba en ka pa'ahɛ Yuuduma puan la, ti n baŋɛ ti mam tuni sɛla la, gee pun tum sɛla la, kan bahɛ yoo.

Galatɩ 4:11

Dabeem en tari mam, ti mam tum sɛla bo' ya la wan bahɛ yoo.

Filipi 1:10

ti la suŋɛ ya, ti ya zamehɛ mina sɛla en ani suŋa gana za'a, bala ti Kiresta lɛbega dabeherɛ na la, ya wan dɛna Yinɛ tuulum nɛreba, ka tara dɛkɔ.

Filipi 1:6

Bala, mam tari sakerɛ la yele dina wa puan yeti, se'em daana en pi'ilum tunsunɛ dina wa ya puan la, wan tari dɛ bala ta ba'ahɛ, Yezu Kiresta lɛbega dabeherɛ la puan.

1 Tesaloniki 2:19

Beni en de tumam beere puti'irɛ, bii nyɛɛma, bii nyu'ɔ ŋmɛ'a muŋa tu Daana Yezu nɛŋan, a lɛbega daarɛ na la? La dagi la yamam?

1 Tesaloniki 3:5

Yele dina wa zuo, mam daa kan le ta'am ŋmibe la zuo, ti n tum na, ti n baŋɛ ya sakerɛ la en ze' se'em. Mam zoti la dabeem ti daan se'ere mageha la magehɛ ya bihɛ mɛ, ti tu namehegɔ tuuma la bahɛ yoo.

Hiburuduma 4:12

Yelemɛŋerɛ, Yinɛ yelehum la vɔi mɛ gee tuna, dita gana su'a en tari nɔya ayi' la, ni ŋmaaɛ vo'ohum la ta paaɛ sia la, la inganɛ zi'an woo, ta ta' la kɔba, la a tomehego zi'ihi woo la sɛla en boi kuba la puan ha za'a. Yelehum la mi' suure puan ti'ihegɔ woo mɛ la de maaheŋɔ woo.

1 Pita 1:23

Ba dɔgɛ ya la dɔgum paalum, dagena la biiliho sebo en pu'uri, gee biiliho sebo en ka pu'uri, ba malum dɔgɛ ya doohe la Yinɛ yelehum vua la en ka malum ba'aha la puan.

1 Zã 1:1

Tumam muuli la se'em en daa pun bɔna pi'ileŋen ha yele, se'em yele ti tumam wum, se'em ti tumam nyɛ la tu nini, se'em ti tu bihɛ, gee gurɛ en la tu nu'uhi. Yelemɛŋerɛ, eŋa en de vom yelehum la.

Lilegere 22:17

Sia la, la pɔgeditiga la yeti, “wa'ana.” Bahɛ ti se'em woo en wum yelehum wa yeti, “Wa'am na.” Gee bahɛ ti se'em woo ti ko'nyuuro tari en wa'am na. Bahɛ ti se'em woo en boti, wa'am na to'e vom ko'om wa ti bu dɛna bo'olum bo' en.