Filipi 2:15 - ZE'ELEGO PAALEGA

¹⁵ bala ti ya kan tari gbelegere la taalɛ, ya wan dɛna Yinɛ kɔma en ka tari dɛkɔ nɛre ŋmɛlema, la fãareba buuri saŋa nɛreba wa tiŋasuka. Niiri ya ba puan timpaberɛ wa zuo wuu ya dela bugum la.

Farefare Ninkaré

¹⁵ Tɩ ya wʋn dɛna nẽrba n ka tarɩ yelle, ãna sõŋa ka tara dẽgrɔ. Tɩ ya wʋn dɛna Nawẽnnɛ kɔma n ka tarɩ dõrga n boe nẽr-bɛ'ɛsɩ la nẽr-yaalsɩ tẽŋasʋka, yẽgra wʋ peelem dũnia wã zuo,

Filipi 2:15 Iomraidhean Croise

Amatie 10:16

“Bihɛ ya, mam tuni ya mɛ wuu piihi la sahi tiŋasuka. Wikɛ wuu kampiihi la, gee dɛna ya naana wuu dayɛma la.

Amatie 17:17

Ti Yezu lerege yeti, “Yamam akatare sakerɛ, la ŋmɛlema buuri wa, mam yeti n bɔna la ya yuue la ŋwani? Mam yeti n ŋmibe la ya ta paaɛ la ŋwani? Tari ya en wa'am ka'lam na bo' mam.”

Amatie 5:45

Ŋwana ti ya wan dɛna ya Sɔ se'em en boi saazuo ha wa kɔma. Se'ere en sɔi la, a baheri ti wuntɛɛŋa nyɛkera bɔ'ɔra nɛrebe'ero la nɛresuma za'a mɛ, gee tuna saa bɔ'ɔra nɛretuntɔɔ la nɛre ŋmɛlema za'a.

Amatie 5:48

Deni ya sɛba en bi'ɛ kahegɛ woo ya Sɔ en boi saazuo ha bi'ɛ kahegɛ se'em la.

Aluki 1:6

Ba bayi' la dela tuuntɔɔ duma Yinɛ nɛŋan, ti ba vom tigɛ Yinɛ nini, dɔla Daana la nɔze'elego la a kiha woo puan.

Aluki 6:35

Gee nɔŋɛ ya dinduma, iti ya sum, gee bɔ'ɔra, gee da ti'ihɛ ya ti ya lebehe to'e sɛla. Ya yɔɔrɛ wan dɛna yɔkãtɛ, gee ti ya dɛna Gaŋɛ za'a Yinɛ wa kɔma. Se'ere en sɔi la, Yinɛ iti sum bɔ'ɔra sɛba en ka nane sɛla la putɔpa mɛ.

Azã 5:35

Yɔn n daa bala ana wuu butolila la, dita niira, ti ya daa maahum ya suya ti ya lagum nyɛɛm a bugum la puan dabeha ayi.

Tõoma 2:40

Ti Pita dikɛ yɛla kekeko magehɛ pa'alɛ ba gee kpemehe ba yeti, “Faaɛ ya mɛhi be'em buuri saŋa wa puan bahɛ.”

Tõoma 20:30

Basɛba wan pun yehe yamam mɛŋa puan gɛ̃ta yelemɛŋerɛ la, ti ba ta'am pã'ahɛ zahereba la basɛba ti ba doohe ba poore.

Aromduma 16:19

Ya naŋa la en yehe zi'an woo se'em la, en bahɛ ti mam nyɛɛna ya zuo, n boti ya tara la yɛm, sɛla en ani suŋa puan, gee yehe ya mɛhi sɛla en de be'em puan.

1 Korẽntɩ 1:8

A me wan sɛ ya ze'ele suŋa suŋa ta paaɛ ba'ahegɔ, ti ya kan tara gbelegere, tu Daana Yezu Kiresta dabeherɛ la puan.

2 Korẽntɩ 6:17

Bala, yehe ya ba puan wa'am na, la ya bɔna ya tɔka la ba. Daana la n yele, da kalum ya dɛkɔ lɔkɔ, gee n wan to'e ya.

Efɛɛzɩ 5:27

wuu n boti a dikɛ lageŋɔ la, la ku suŋa la bo' a mɛŋa, ti sɛla da ti'ɛ, bii lirum, bii sɛla kalum kɔ la. Ɛ̃ɛ, ŋwana ti lageŋɔ la wan dɛna tuulum lɔkɔ ka tara dɛkɔ.

Filipi 1:10

ti la suŋɛ ya, ti ya zamehɛ mina sɛla en ani suŋa gana za'a, bala ti Kiresta lɛbega dabeherɛ na la, ya wan dɛna Yinɛ tuulum nɛreba, ka tara dɛkɔ.

Filipi 3:6

la han dɛna la ninmu'urɛ, mam en daa dole mɛleha lageŋɔ la, la han dɛna la tuuntɔɔ vom doohe ze'elego la puan, mam ka tari tuure.

1 Tesaloniki 5:23

Suma'ahum Yinɛ la mɛŋa wan sukɛ ya za'a za'a. Ya sia za'a, la ya puti'irɛ za'a, la ya iŋa za'a, la ya inma'ahum za'a, maahum ya biŋe gura tu Daana Yezu Kiresta kinɛ na.

1 Timoti 3:10

Ba magehɛ ba yia bihɛ, ti ba han ze'ele ti tuure ka bɔna ba puan, bahɛ ya ti ba tuna kiimbibehi tuuma.

1 Timoti 3:2

Bala, Yinɛ Lageŋɔ nɛŋa daana dela a zɔɛ tuurɛ, a dɛna pɔge yiŋa daana, a ana ma'ma', a tara puti'irɛ, a tara zuo, a tɔ'ɔha nɛreba, a tana pa'ala,

1 Timoti 5:14

Bala, mam wan bɔta ti pɔkɔbibehi ele, dɔgɛ kɔma, bihera ba yiya suŋa, la ba da bo' dima la yɔ'ɔ ti a dɛgɛ tɔ.

1 Timoti 5:20

Han dɛna sɛba en kɔ'ɔm bɔna be'em puan la, tahɛ ba nɛreba nɛŋan, ti sɛba en gee la, dabeem wan kɛ̃ ba.

1 Timoti 5:7

Mu'ɛ nini bo' ba yele ana wa me pa'ahɛ, ti ba vom da tara zɛregerɛ.

Taitusi 1:6

Ba dɛna sɛba en ka tari zɛregerɛ ba vom puan, sire-sɛka en di pɔgeyiŋa, sɛba kɔma en nam Yezu, sɛba en dagi kɔm-wureba, bii tube-kpirehi.

Taitusi 2:10

ba da zuura, gee ba pa'alɛ ti ba dela nɛresuma suŋa suŋa, bala ti sɛla woo puan, ba wan ana wuu nunɔm zɔtɔ la bo' ma'a pa'alegɔ la en ze'ele Yinɛ tu Faara zi'an na la.

Taitusi 2:15

Muula yele ana wa, kpɛmeha, gee tahera nɛra woo la paŋa. Da bahɛ ti se'em bihɛ zeem fum.

Hiburuduma 7:26

La dela ma'a ti tu tara malema kiima kana taaba, en de fa'a, ka tara gbelegere, ka galum, ti ba yehe en ze'ele a ma'a ti a ka pa'ahɛ be'em duma puan, ti ba zɛkɛ en zom zuin zuin ha gaŋɛ saazuo wa.

1 Pita 2:12

Tara ya mɛhi suŋa sɛba en dagi Yuuduma la zi'an, bala ti ban pun dikɛ ya yi' be'em duma la, ba wan nyɛ ya tunsuma la, gee pɛgera Yinɛ, a han ta wa'am na ti a gakɛ.

1 Pita 2:9

Gee yamam dela buuri se'ere ti Yinɛ looe, ya dela malemaduma nabiihi, dɛna tuulum timpaberɛ, Yinɛ mɛŋa nɛreba, ti ya muulɛ tuunkãra sɛ'a en de se'em daana en yi' ya lika puan yehe niihum kãtɛ puan na la dinɛ.

2 Pita 3:14

Bala, n sunɔŋerɛ duma wa, yan guri yele ana wa la, zigɛ ya mɛ ti ya nyɛ en la suma'ahum, ti dɛkɔ ka lama ya, bii tuure,

Lilegere 2:5

Tiɛ ya sɛla en bahɛ ti ya lu la, la ya tee, la ya tuna tuunsɛ'a ti ya daa pun tuna yia la. Han dagena bala, n wan wa'am ya zi'an na dikɛ ya butolela zɛ'ɛlega la ka ze'elego zi'an la, han dagena ya tee mɛ.

Lilegere 3:9

Bihɛ ya, n wan iŋɛ Sagena lageŋɔ en yeti bamam dela Yuuduma gee dagena, gee parena la, n wan iŋɛ ba ti ba wa'am na kpa' duma ya nɛŋan, la ba zamehɛ bɔkɛ yeti, mam sirum nɔŋɛ ya.