Filipi 2:12 - ZE'ELEGO PAALEGA

¹² Ŋwana zuo, n sunɔŋerɛ duma wa, wuu yamam en nane mam saŋa woo se'em la, ti la dagena la mam ni bɔna la ya la ma'a, gee nam ya mam gana bala nananawa, ti n ka bɔna la ya wa. Tuni ya mɛ la ninmu'urɛ pa'alɛ ti ya nyɛ faarɛ, la dabeem la gbi'a.

Farefare Ninkaré

¹² Bɛla, m sɩr-nõŋrɩsɩ, mam n daan boe la ya lɛ la, ya daan sakrɩ mɛ wakatɛ wuu, la mam n ka boe ya zẽ'am wã, ken ɩta-ya gãnna bɛla. Tõnna-ya fãarɛ la tõoma sõŋa sõŋa la Nawẽnnɛ zʋa.

Filipi 2:12 Iomraidhean Croise

Amatie 11:12

Kɔ'ɔm ze'ele Yɔn Ko'sɔɔra saŋa la wa'am na paaɛ zina, saazuo sɔ'ɔlum la kɔ'ɔm bɔna la gbiregeri puan. Ti sɛba en pɛregɛ la en nyaŋɛ bɔ.

Amatie 11:29

Dikɛ ya mam yɔka la yɔgɛ ya mɛhi, gee zamehɛ mam zi'an, Se'ere en sɔi la, mam dela nɛre ma'ma', gee sigehe n mɛŋa n suure puan. Ya wan nyɛ vo'ohego bo' ya sɛɛhi.

Tõoma 16:29

Ti gura wa yi' ti ba tari bugum kɛ̃ na, ti a lu tiŋa Pɔɔl la Silase nɛŋan gbi'ira.

Tõoma 9:6

Gee ihege kɛ̃ tiŋa la puan, gee nɛra wan yele fum sɛla en de fum iŋɛ.”

Aromduma 2:7

Sɛba en ŋmibe tuna sum la, se'ere en sɔi la, ba nini mu'ɛ mɛ ɛɛra suŋa, na'ahegɔ, la sɛla en ka pu'uri. Yinɛ wan bo' ba vom kamba'ahɛ.

1 Korẽntɩ 15:58

Bala, n sunɔŋerɛ duma wa, ze' ya kankaŋi, da bikeri ya, kɔ'ɔm boni ya Daana la tuuma puan saŋa woo malum pa'ahera, se'ere en sɔi la, ya mi' ti Daana la puan ya tuunkãra la kan bahɛ yoo.

1 Korẽntɩ 2:3

N wa'am ya zi'an mɛ na la tɔregɔ, la dabeem la gbi'a zo'e zo'e.

1 Korẽntɩ 4:14

Mam ka gulehɛ ŋwana ti n bahɛ ti vi en nyɔkɛ ya, gee n ka'am ya, wuu yan de n sunɔŋerɛ kɔma la.

2 Korẽntɩ 7:15

Ti a ka'ɛ a suure za'a za'a bɔ'ɔra ya na, en ti'iheri ya za'a n nane se'em, la yan to'e en se'em la Yinɛ zoolum dabeem, la gbi'a se'em la.

Efɛɛzɩ 6:5

Da'aba, nane ya ya timpaberɛ wa zuo kpɛ'ɛnduma, la dabeem la gbi'a, la suyinɛ wuu yan nane Kiresta se'em la.

Filipi 1:27

Yamam yeen vɔna ya vom, sadɔɔ seko en naaɛ la Kiresta faarɛ yelehum la, ti n han nyaŋɛ wa'am na bihɛ ya, bii n han pun ka bɔna la ya gee wum ya yele, n wan mina ti ya ze' la kankaŋɛ, Sia kayima puan, naaɛ taaba la putɛ'yinɛ, zigera la taaba ti ya tara sakerɛ faarɛ yelehum la puan.

Filipi 1:29

Yinɛ ka doohe a zu'uhegɔ la puan bo' tu la yɔ'ɔ ti tu nam la Kiresta ma'a, gee tu nameheri a zuo me,

Filipi 1:5

Se'ere zuo, ya lagum suŋɛ mam mɛ faarɛ yelehum wa puan, ze'ele pɔhega daarɛ la wa'am na paaɛ zina.

Filipi 1:6

Bala, mam tari sakerɛ la yele dina wa puan yeti, se'em daana en pi'ilum tunsunɛ dina wa ya puan la, wan tari dɛ bala ta ba'ahɛ, Yezu Kiresta lɛbega dabeherɛ la puan.

Filipi 2:19

Mam tari puti'irɛ Daana Yezu zi'an ti n tum Timoti ya zi'an kalam na, la n nyɛɛm doohe mam wan wum yelesuma sɛ'a ya zi'an la.

Filipi 4:1

Dinɛ zuo, n suŋɛ duma ti n nɔŋɛ, gee bɔta ti n nyɛ ya paaɛ paaɛ wa, mam nyɛɛma la mam na'am muŋa wa. Ze' ya kankaŋi Daana la puan, sadɔɔ kuna puan, n sunɔŋerɛ wa.

Filipi 4:15

Yamam Filipiduma sirum mi' ti, faarɛ yelehum pɔhega dabeha la puan ha la, mam en bahɛ Masedoniya la, lageŋɔ daa ka boi lagum tum bo' mam bu'a bii to'ore yɛla wa puan, han dagena yamam ma'a.

1 Tesaloniki 1:3

Tu tɛɛra tu Yinɛ en de tu Sɔ la nɛŋan ya sakerɛ tuuma, la ya nɔŋerɛ tuuma, la yan ze' se'em kankaŋi ya beere puti'irɛ la puan se'em tu Daana Yezu Kiresta puan la.

2 Timoti 2:10

Bala zuo, mam ŋmiberi mɛ sɛla woo puan, sɛba ti ba looe la zuo, ti ba me nyɛ faarɛ se'ere en boi Kiresta Yezu puan, la na'ahegɔ seko en ka tari ba'ahegɔ la.

Hiburuduma 12:1

Bala, aze'nyɛ wa en zo'e se'em wuu sagbanɛ wa kaaɛ tu mum wa zuo, bahɛ ya ti tu dikɛ tibehegɔ seko woo, la be'em sebo woo en ba' tabera, gee ana la tɔ kankaŋi la biŋe kinkɛleŋa, gee bahɛ ya ti tu zɔta la ŋmibega, zɔ sɛka en gã' tu nɛŋan wa.

Hiburuduma 4:1

Bala zuo, vo'ohego puan kɛ̃'a nɔbiŋere la en kelum bɔna la, bahɛ ya ti tu biha tu mɛhi suŋa, ti ya se'em da ta yaa koŋe a paaɛ vo'ohego la.

Hiburuduma 4:11

Bala, bahɛ ya ti tu tiregɛ ya suŋa suŋa la tu ta'am kɛ̃ vo'ohego wa puan, ti se'em da bɔna ya puan lu doohe ka nam wuu bamam en yuum ka nam se'em la.

Hiburuduma 5:9

Ti en doohe ŋwana woo puan tole la, a nyaa bi'ɛ kahegɛ mɛ, a nyaa dela se'em puan ti vomkan ba'ahɛ faarɛ bɔna bo' sɛba woo en nane en la.

1 Pita 2:11

N sunɔŋerɛ duma mam ka'ani ya mɛ la ninmu'urɛ, wuu yan de saama, la nɔgereba la, ti ya yehe ya mɛhi ingɔŋɔ wa kɔrehi sɛ'a en zaberɛ la ya sia la puan.

2 Pita 3:18

Gee tugum zo'ore ya zu'uhegɔ, la ya mi'ilum tu Daana la tu faara Yezu Kiresta puan. Eŋa ti pɛka za'a dɛna a dinɛ, nananawa ta paara dabeherɛ se'ere en ka tari ba'ahegɔ la. (Taari.)