Filipi 1:10 - ZE'ELEGO PAALEGA

¹⁰ ti la suŋɛ ya, ti ya zamehɛ mina sɛla en ani suŋa gana za'a, bala ti Kiresta lɛbega dabeherɛ na la, ya wan dɛna Yinɛ tuulum nɛreba, ka tara dɛkɔ.

Farefare Ninkaré

¹⁰ tɩ ya wʋn bãŋɛ sɛla n ãn sõŋa, tɩ Krisi lemŋo daarɛ ya wʋn dɛna pʋpeelem dõma ka tara dõrga,

Filipi 1:10 Iomraidhean Croise

Amatie 16:23

Gee Yezu ŋmɛregɛ yele Pita yeti, “Fɔregɛ mam zi'an Sagena wa. Fum dela pirega pita mam, se'ere en sɔi la, fum puti'irɛ ka boi saazuo yɛla puan, gee asaala yɛla puan.”

Amatie 26:33

Ti Pita yele en yeti, “La ba za'a n pun wan ta pirɛ lu fum zuo, mam kan malum pirɛ lu.”

Azã 1:47

Yezu en nyɛ ti Nataniyɛl kini tɔɔra en na la, a yele en yeti, “Fum ka nyɛ, Izirale buuri paaɛ paaɛ n ŋwana, ti ŋmɛlema ka bɔna a puan.”

Azã 3:20

Sɛba woo n tuni be'em yaaɛ niihum mɛ, kan wa'am bu puan na, ti ba be'em la da niiɛ na.

Tõoma 24:16

Ŋwana zuo la, mam kpeŋere la n mɛŋa saŋawoo ti n tara putɛ'sunɛ bo' Yinɛ, la nɛreba za'a.

Aromduma 12:2

Da dikɛ ya mɛhi naaɛ la tiŋa wa zuo yɛla, gee tugum malum sɛ ya mɛhi, ya puti'ira teere puan, la ya viihɛ baŋɛ sɛla en de Yinɛ sumboolum, la sɛla en ani suŋa, nara gee ba'ahɛ za'a.

Aromduma 12:9

Tari ya yelemɛŋerɛ nɔŋerɛ. Yaaɛ ya sɛla en de be'em, gee gurɛ sɛla en de sum kankaŋi.

Aromduma 16:17

N yeti ya mɛ la ninmu'urɛ n suurɔ, ti ya bahɛ ti ya nini bɔna sɛba en tari welegere la daaŋɔ kina ya tiŋasuka na, ban ka sakɛ bo' pa'alegɔ seko ti ya zamehɛ la, lɔkeri ya ba.

Aromduma 2:18

gee mina Yinɛ sumboolum se'em, gee mina sɛla en de ma'a se'em, doohe la ban pa'alɛ hɔ Ze'elego la puan yɛla la zuo,

Aromduma 7:16

Bala, mam han ita sɛla ti n ka bɔta la. Mam sakɛ ya ti ze'elego la ani suŋa mɛ.

Aromduma 7:22

Mam nyɛ ti mam boti Yinɛ ze'elego la mɛ zo'e zo'e n puan puan ha,

Aromduma 8:7

Ŋwana zuo, puti'irɛ se'ere woo en dele inganɛ wa, zaberɛ mɛ la Yinɛ. De ka sigehe de mɛŋa la Yinɛ ze'elego la. Yelemɛŋerɛ, de pun kan nyaŋɛ sigehe de mɛŋa la Yinɛ .

1 Korẽntɩ 1:8

A me wan sɛ ya ze'ele suŋa suŋa ta paaɛ ba'ahegɔ, ti ya kan tara gbelegere, tu Daana Yezu Kiresta dabeherɛ la puan.

1 Korẽntɩ 10:32

Da boni ya bunsɛka en wan tara daaŋɔ wa'am Yuuduma bii Girikiduma, bii Yinɛ lageŋɔ la puan na.

1 Korẽntɩ 8:13

Bala zuo, dia la en han sɔna ba lua, mam yi kan makɛ obe nɛŋɔ, la n da bahɛ ti ba ayima lu.

2 Korẽntɩ 1:12

Yelemɛŋerɛ, tumam ŋmɛ'ɛri tu nyu'urɔ mɛ, gee me tara yelemɛŋerɛ tu puti'ira puan ti Tumam tum timpaberɛ wa zuo mɛ la yelemɛŋerɛ, la Yinɛ zoolum, gee dagena tiŋa wa zuo yɛm, gee Yinɛ zu'uhegɔ la, ti ŋwana wa dɛna la yamam wa zuo.

2 Korẽntɩ 2:17

Se'ere en sɔi la, tumam ka bureni Yinɛ yelehum la, wuu sɛba zo'e zo'e en iti se'em la. Gee Kiresta puan, tumam tɔgeri mɛ yelemɛŋerɛ, wuu nɛreba ti Yinɛ tum tɔ, gee ti tu me zɛ'a a nɛŋan saŋa woo la.

2 Korẽntɩ 6:3

Tumam ka dikeri sɛla bɛŋera se'em sore ti, tuure da bɔna tu tuunɛ wa puan.

2 Korẽntɩ 8:8

Mam ka yeti dina ti la dɛna la n bo' ya la nuurɛ, gee n boti n dikɛ la ya yelemɛŋerɛ nɔŋerɛ la makɛ la basɛba ninmu'urɛ.

Galatɩ 5:11

Gee n suurɔ, wa, ŋwani ti ba kelum nameha mam, mam han kelum muulɛ ni ŋmaa yɛla? La han de ni la bala, Kiresta kum pumpuuredɔɔ zuo la muulegɔ la kan tara ni daaŋɔ.

Efɛɛzɩ 4:15

Gee tu dɛna yelemɛŋerɛ duma tu vom puan, la nɔŋerɛ, tu dela tu zo'e sɛla woo puan ta paaɛ se'em n de zuodaana, Kiresta la n ani se'em la.

Efɛɛzɩ 5:10

Zigeri ya ti ya ɛ gee zamehɛ sɛla n tigeri Daana la nini.

Efɛɛzɩ 5:27

wuu n boti a dikɛ lageŋɔ la, la ku suŋa la bo' a mɛŋa, ti sɛla da ti'ɛ, bii lirum, bii sɛla kalum kɔ la. Ɛ̃ɛ, ŋwana ti lageŋɔ la wan dɛna tuulum lɔkɔ ka tara dɛkɔ.

Efɛɛzɩ 6:24

Yinɛ zu'uhegɔ bɔna la yamam sɛba woo n tara nɔŋese'ere n ka tari ba'ahegɔ la bɔ'ɔra tu Daana Yezu Kiresta la.

Filipi 1:16

Nɛrebana wa muuli Kiresta la nɔŋerɛ puan, gee mina ti ban tari mam wa'am ka'lam na wa dela mam en ka sakerɛ faarɛ yelehum la zuo.

Filipi 1:6

Bala, mam tari sakerɛ la yele dina wa puan yeti, se'em daana en pi'ilum tunsunɛ dina wa ya puan la, wan tari dɛ bala ta ba'ahɛ, Yezu Kiresta lɛbega dabeherɛ la puan.

Filipi 2:16

La dela yamam en tari vom yelehum wa kankaŋi la zuo, ti n wan ta ta'am ŋmɛ' nyu'ɔ Kiresta lɛbega daarɛ na, ti n daa ka zɔ bahɛ yoo bii n tum bahɛ yoo.

1 Tesaloniki 3:13

A wan kpemehe ya suya la Yinɛ tuulum vom puan, ti ya ka tara tuure tu Yinɛ, la tu Sɔ la nɛŋan, tu Daana Yezu, la a nɛresunduma la kinɛ puan na.

1 Tesaloniki 5:21

gee magehere ya sɛla woo biha. Gurɛ ya sɛla en ani suŋa la mɔpi.

1 Tesaloniki 5:23

Suma'ahum Yinɛ la mɛŋa wan sukɛ ya za'a za'a. Ya sia za'a, la ya puti'irɛ za'a, la ya iŋa za'a, la ya inma'ahum za'a, maahum ya biŋe gura tu Daana Yezu Kiresta kinɛ na.

1 Zã 4:1

Sunɔŋerɛ duma wa, da nam ya sia woo, gee magehɛ sɛɛhi la bihera nyaa, ba ze'ele Yinɛ zi'an na, se'ere en sɔi la, nɔtɔgehe pumparenduma zo'e zo'e en kɛ̃ tiŋa wa zuo.

Lilegere 2:2

“Mam mi yan tuni se'em, ya namehegɔ la yan tari sugeri se'em ŋmibega puan. Mam mi' ti ya ka ta' ŋmibera la be'em duma, ya magehɛ sɛba en yeti bamam dela Yezu tuntuneba gee dagena la, baŋɛ ti ba pareni mɛ.