Efɛɛzɩ 6:19 - ZE'ELEGO PAALEGA

¹⁹ Pu'uheri ya bo'ori ya mam mɛ, ti n han ni yeti n tɔgɛ, Yinɛ bo' mam yelehum, ti n tɔgɛ la sukpe'ene ti nɛreba baŋɛ sugelum yele se'ere n boi faarɛ yelehum wa puan,

Farefare Ninkaré

¹⁹ La ya mẽ pʋ'ʋsra mam ĩyã tɩ m sãn yetɩ m tɔgɛ, a wʋn ẽŋɛ yetɔga m nõorʋm tɩ m tã'agɛ mõolɛ a kõ-yẽlga n sʋgɛ la, la bʋraanɛ tɩ nẽrba bãŋɛ a võorɛ.

Efɛɛzɩ 6:19 Iomraidhean Croise

Tõoma 13:46

Ti Pɔɔl la Banabase tɔgɛ la buraanɛ yele ba yeti, “La nari mɛ ti ba muulɛ Yinɛ yelehum la bo' yamam yia. Gee yamam n zagehɛ ka nam bu la, gee gakɛ ya ti yamam ka nari vom kamba'ahɛ wa la, tu nyaa ŋmɛregera lɛbera la sɛba n dagi Yuda buuri la zi'an.

Tõoma 14:3

Ŋwana zuo, ti Pɔɔl la Banabase yee tiŋa la puan yuue, tɔgera Daana la yelehum la ninmu'urɛ, ti Daana la mɛŋa bahɛ ti a tuntuneba la tuna daalehum la nyalema la ba nu'uhi ti la pa'alɛ ti zu'uhegɔ yelehum la dela eŋa yelehum.

Tõoma 18:26

Ti buraa wa pɔhɛ tɔgera la buraanɛ zamehegɔ yire la puan, gee Pirisila la Akuila n kelehe en ba'ahɛ la, ba tari en yehe kiŋɛ la kinkɛleŋa ha, ta pa'alɛ en Yinɛ sore la ma'a ma'a.

Tõoma 19:8

Ti Pɔɔl kina zamehegɔ yire la puan tara tara ŋmarehi sitã, tɔgera yelehum la la ninmu'urɛ, gee ŋmɛ'ɛra nɔkpe'ene se'ere n wan bahɛ ti nɛreba la bɔkɛ Yinɛ sɔ'ɔlum yɛla la.

Tõoma 2:4

Ti Fa'a Sia la pirɛ ba za'a, ti ba pɔhɛ tɔgera yetɔgesaahi yima yima, wuu Fa'a Sia n bo' ba paŋa se'em la.

Tõoma 28:31

gee muula Yinɛ sɔ'ɔlum la yele, gee pa'ala Yezu Kiresta yele la sukpe'ene, ti sɛla ka gu'ura en.

Tõoma 4:13

Nɛreba wa n nyɛ Pita la Yɔn sukpe'ene la, gee me baŋɛ ti ba dagi gɔnmi'ineba gee ba yeen dɛna la nɛreba la, ti la iŋɛ ba pakerɛ, gee ti ba le baŋɛ ti ba ni bɔna mɛ la Yezu.

Tõoma 4:29

Nananawa tu Daana, bihɛ ba vuuhego wa, gee la fum bo' fum yamehi wa sore ti ba muulɛ fum yelehum la sukpe'ene,

Tõoma 4:31

Ban pu'uhɛ la, zi'an la ti ba lagehɛ bɔna la miim mɛ, Ti Fa'a Sia la pirɛ ba za'a ti ba tɔgɛ Yinɛ yelehum la la sukpe'ene.

Tõoma 9:27

Gee ti Banabase to'e en, tari en wa'am tuntuneba la zi'an na, nyaa pa'alɛ ba sore la zuo ti a nyɛ Daana la se'em, ti a tɔgɛ bo' en se'em, la en ze'ele Damasekuse muulɛ la buraanɛ Yezu yu'urɛ la puan se'em.

Tõoma 9:29

Ti Sɔɔl tɔgera gee ŋmɛ'ɛra nɔkpɛ'ɛma la Hiburuduma sɛba en tɔgeri Giriki la, ti ba maahum ti ba ku en.

Aromduma 15:30

N yeti ya mɛ la ninmu'urɛ n suurɔ, tu Daana Yezu Kiresta puan, la Sia la nɔŋerɛ puan, ti ya naaɛ la mam la ninmu'urɛ pu'uhegɔ bo' Yinɛ n zuo,

Aromduma 16:25

Nananawa wa, pɛka dɛna Yinɛ se'em en wan ta'am kpemehe ya la yelehum la ti n bo' ya la, la mam n muulɛ Yezu Kiresta bo' ya se'em, yele se'ere en sugɛ gã'a diimen diimen ha se'em,

1 Korẽntɩ 1:5

beni zuo, sadɔɔ seko woo puan, ya pirɛ mɛ a puan, la tugum, la mi'ilum woo,

1 Korẽntɩ 2:7

Gee tumam tɔgeri la Yinɛ yɛm en sugɛ, yele sɛ'a ti nɛreba ka mina, ti Yinɛ yuum pun tɔgɛ a yele ti tiŋa wa nam pun ka naam, tumam tibehum zuo.

1 Korẽntɩ 4:1

Bala, yeen dikɛ ya tu ŋwana, ti tu dela Kiresta yamehi, tu dela sɛba en biheri Yinɛ sugelum yɛla la.

2 Korẽntɩ 1:11

yamam en naaɛ la tɔ, suŋera tɔ la nupu'uŋmɛ'a la, bala zuo ti a bu tu sum doohe nɛreba zo'e zo'e nupu'ɔ ŋmɛ'a la puan. La bahɛ ti nɛreba zo'e zo'e bo' Yinɛ fara bo' tu.

2 Korẽntɩ 3:12

Tumam n diŋɛ tara beere putɛ'dina wa la, tu tuni mɛ la sukpe'ene.

2 Korẽntɩ 6:11

Ti tɔgɛ la yelemɛŋerɛ bo' yamam Korintiduma wa. Tu suya kɔ'ɔm yu'ɛ mɛ bo' ya.

2 Korẽntɩ 7:4

Mam tari ya saŋa woo ŋmɛ'ɛra n nyu'ɔ. Mam tari ya pagera mɛ. Buga buga nyaa pirɛ mam mɛ. Nyɛɛma n pirɛ mam tu namehegɔ la woo puan.

2 Korẽntɩ 8:7

Nananawa, yamam en zo'ore sɛla woo puan se'em la, sakerɛ, tugum, mi'ilum, yiŋa yɛla ninmu'urɛ, la yan nɔŋɛ tu se'em la, bala mɛa ti tu bɔta ti ya me zo'e la pupeelum bu'a wa puan.

Efɛɛzɩ 1:9

ti a iŋɛ tɔ ti tu baŋɛ a sumboolum sugelum yele, wuu sum la boolum sebo ti a pun maahum biŋe Kiresta puan

Efɛɛzɩ 3:9

ti nɛra woo baŋɛ putɛ'se'ere n boi sugelum yele wa en sugɛ yuuma yuuma ha, Yinɛ se'ere n naam sɛla woo puan la,

Kolɔsɩ 2:2

Mam boti ba suya nyɛ la kpemehego, naaɛ taaba nɔŋerɛ puan, gee nyɛ bɔkerɛ se'ere en gani za'a, tara tibehum, gee me tara mi'ilum doohe Yinɛ sugelum yele la en de Kiresta a mɛŋa la.

Kolɔsɩ 4:3

Gee me pu'uha bɔ'ɔra tumam me, ti Yinɛ yu'ɛ kuleŋa bo' yelehum la, ti tu muulɛ Kiresta yele sɛ'a en sugɛ la, yele sɛ'a zuo ti mam bɔna paka deen wa,

1 Tesaloniki 2:2

gee la tumam en pun nyɛ namehegɔ, la zufagehum sebo itegɔ seko Filipi timpaberɛ wuu yan mi' de se'em la, tumam kelum tara inkpegere mɛ muula Yinɛ faarɛ yelehum la, la sɛba en pun ka sakɛ bo' tu la en zo'e se'em la.

1 Tesaloniki 5:25

N suurɔ, pu'uheri ya bo'ori tɔ.

2 Tesaloniki 3:1

Ba'ahegɔ puan, n suurɔ, pu'uheri ya bo'ori ya tɔ, ti Daana yelehum la yiregɛ kalam gee nyɛ na'ahegɔ zi'an woo, wuu bumɔ en ani se'em ya puan wa,

1 Timoti 3:16

Bu'a ka boi, tumam pu'uhegɔ wa puan yele sɛ'a en gani asaala bɔkerɛ la, dela yele kãra, A daa niiɛ a mɛŋa la inganɛ puan, di buurɔ Sia la puan, suŋereba nyɛ en mɛ, ba muulɛ a yele mɛ sɛba en dagi Yuuduma la puan ti tiŋa wa zuo nam en, a zom la zuin zuin ha la na'ahegɔ.

Afilmõ 1:22

Yele Yinɛ en gee — maahum saama bɔ'ɔ bo' mam, mam tari puti'irɛ ti, fum pu'uhegɔ puan n wan bɔna la hɔ.

Hiburuduma 13:18

Pu'uhi ya bɔ'ɔra tɔ, gee tumam mi' ti tumam tari la putɛ'sunɛ, ti tu suure bɔta ti tu tuna la yelemɛŋerɛ sɛla woo puan.