Efɛɛzɩ 6:11 - ZE'ELEGO PAALEGA

¹¹ Bobe ya mɛhi la Yinɛ zaberɛ lɔgerɔ la za'a, la ya ta'am ze'ele zabɛ la Sagena la vuuhego la za'a.

Farefare Ninkaré

¹¹ Yɛ-ya Nawẽnnɛ zɛbrɛ lɔgrɔ wuu, tɩ ya wʋn tã'agɛ ze'ele kãŋkãŋɛ, tɩ Asũtãana da yãŋɛ pã'asɛ ya.

Efɛɛzɩ 6:11 Iomraidhean Croise

Amarkɩ 13:22

Se'ere en sɔi la, Kiresta pumpã'aheduma la nɔtɔgehe pumparenduma wan ta wa'am na tuna pa'ahegɔ kirehi ti ba bahɛ ti nɛreba bɔregɛ. La han wan ta'am ni iŋɛ ni, ba wan pã'ahɛ ni sɛba ti Yinɛ pun looe la.

Aromduma 13:12

Yu'uŋɔ la pun tole mɛ, ti beyiine pɔra. Bala, bahɛ ya ti tu biŋe lika puan yɛla kinkɛleŋa, gee dikɛ niihum zaberɛ lɔgerɔ la yɛ.

Aromduma 13:14

Gee tugum dikɛ ya Daana Yezu Kiresta yɛ wuu fuo la gee da bo' ya inganɛ wa sore ti de dikɛ tu doohe tu kunkoma'ahum la yɛla la.

1 Korẽntɩ 10:13

Makerɛ ka boi paaɛ ya gee ka tabelɛ paaɛ nɛrese'em. Yinɛ dela yelemɛŋerɛ daana, a kan bahɛ ti makerɛ paaɛ ya gaŋɛ ya paŋa tɛka. Gee makerɛ la puan, a wan pa'alɛ ya sore ti ya ŋmibe de puan.

2 Korẽntɩ 10:4

se'ere n sɔi la, tumam zaberɛ lɔgerɔ la yeen dagena la nɛresaala zaberɛ lɔgerɔ, gee tu tari la Yinɛ paŋa en wan ta'am sagum pahi zi'ihi.

2 Korẽntɩ 11:3

Gee dabeem n tari mam. Wuu kampia la n yuum pa'ahɛ Eva la a wikerɛ la, bala mɛa ti yamam me puti'ira wan yehe, ti ya kan le tara ninmu'urɛ la susunɛ pu'uha Kiresta.

2 Korẽntɩ 2:11

Tu iti dina wa ti Sagena la n da nyaŋɛ tɔ. Se'ere en sɔi la, tu ka bu'uri a nyaleŋɔ la.

2 Korẽntɩ 4:4

Ba yele la dela, tiŋa wa zuo yinɛ la n pi' sɛba n ka nam Yezu la puti'ira, ti a gu ba ti ba da nyɛta faarɛ yelehum niihum la n de Kiresta suŋa la. Kiresta se'em n de Yinɛ mɛŋa naanɛ la.

2 Korẽntɩ 6:7

yelemɛŋerɛ tugum, la Yinɛ paŋa, la tuntɔɔnɛ zaberɛ lɔgerɔ ti tu zãla zuɔ la gɔbega,

Efɛɛzɩ 4:14

Tu da le dɛna kɔma le yɛ'ɛha, kaara kina nɛŋa la pooren, ti pa'alegɔ en ani wuu sabeeo ziira ya ɛɛra zi'an woo, pa'ali seko n de nɛreba mɛhi nigeŋɔ la nyaleŋɔ la pã'ahegɔ pã'ahegɔ la.

Efɛɛzɩ 4:24

Gee yɛ ya mɛhi la vompaalega naanɛ la, naam se'ere n naam ŋwana la Yinɛ mɛŋa la, dɛna yelemɛŋerɛ tuntɔɔnɛ la tuulum la.

Efɛɛzɩ 6:13

Bala zuo la, bobe ya mɛhi la Yinɛ zaberɛ lɔgerɔ la za'a, bala ti ya wan ta'am sɛ' ze'ele dabehebe'o la daarɛ kankaŋɛ, dabehebe'o daarɛ la han ta paaɛ ya na. Ti ya me han ta zabɛ paaɛ de ba'ahegɔ, ya wan kelum ta'am sɛ' ze'ele kankaŋɛ.

Kolɔsɩ 3:10

gee yɛ ya naanɛ paalega la pi' ya mɛhi, naanɛ se'ere en teere de mɛŋa saŋa woo ti de baŋɛ de Naana la mi'ilum la paaɛ paaɛ.

1 Tesaloniki 5:8

Gee tumam en de beyiine kɔma la, bahɛ ya ti tu tara tu mɛhi suŋa, gee yɛ sakerɛ la nɔŋerɛ ti la dɛna tu nyu'ɔ tɛ'ɛlega, Gee han dɛna tu zuo wanɛ, tu vuge faarɛ en de tu beere puti'irɛ la.

Hiburuduma 7:25

Dina zuo la a nyaŋeri mɛ faara, nananawa la saŋa woo sɛba en dole a puan paara Yinɛ la baha, eŋa en vɔi wuuha la zuo, a ŋmɛ'ɛra nupu'ɔ ba zuo la.

Yemesi 4:7

Sigehe ya mɛhi ŋwana zuo, bo' Yinɛ. Da bo' ya kulekpa'bɛ'a la sore, gee a wan ɛkɛ gee bahɛ ya.

1 Pita 5:8

Tana ya mɛhi tara, gee me maahum. Gee ya dindaana la en de Sagena la kɔ'ɔm mu'ɛ la nini nyaara wuu gbigenɛ la, ɛɛra nɛra ti a obe.

Azudi 1:24

Nananawa, se'em Daana en wan ta'am tara ya ti ya kan lu la, gee me iŋɛ ya ti ya zɛ'a filam ti dɛkɔ ka lama ya ya Daana la suŋa la nɛŋan, la nyɛɛma.

Lilegere 12:9

Ti ba lobe bunsɛla kãtɛ wa bahɛ timpaberɛ wa zuo na. Se'em en de diimen diimen zugɔ la ti ba yi'ira Sagena la Sitaani, se'em en pa'aheri tiŋa wa zuo za'a nɛreba la. Ba lobe en bahɛ la timpaberɛ wa zuo na, lagum lobe a suŋereba la, la en bahɛ na.

Lilegere 19:20

Ti ba nyɔkɛ bunsilemasio la, la a nɔtɔgehe pumparenduma la en daa ze'ele a nɛŋan tum nyalema sɛ'a, pã'ahɛ sɛba en to'e bunsilemasio la daalehum la, la sɛba en na'ahɛ bunsilemasio la naanɛ la. Bana bayi' wa, ba dikɛ ba lobe la voto bahɛ bugum mɔgerɛ la ti tahi bugum dita ka kiŋera la puan.

Lilegere 2:24

Gee ya sɛba woo en gee bɔna Taitira la, ka dɔla Yezebɛle pa'alegɔ la, ka zamehɛ sɛla ti ba yi'ira ti Sagena la tuunkãra la, n yeti yamam yeti, n kan dikɛ zeero seto pa'ahɛ ya,