Efɛɛzɩ 5:3 - ZE'ELEGO PAALEGA

³ Gee yaluntuuma la dɛgerɔ tuuma woo, bii nyika tuuma da pun puta ya puan, wuu la nari se'em nɛresunduma tiŋasuka la.

Farefare Ninkaré

³ Yãma n de Nawẽnnɛ nẽrba la, la ka masɛ tɩ yalsɩ, la tõon-dẽgrɔ buuri wuu, la bõnɔ zozo'e yɛmleego yelle pʋrɛ ya tẽŋasʋka.

Efɛɛzɩ 5:3 Iomraidhean Croise

Amatie 15:19

Se'ere en sɔi la, suure la puan ti be'em ti'ihegɔ, nɛrekua, kabohi, yaluntuuma, nageyigum, aze' nyɛ daana pumparema, nɛreba tua zɛ'ɛta na.

Aluki 12:15

Gee nyaa yele a zahereba la yeti, “Tara ya mɛhi suŋa. Gu' ya mɛhi suŋa ti nyika sɛka da kɛ̃ ya. Se'ere en sɔi la, nɛra vom dagi la lɔgerɔ la tarega zo'e zo'e.”

Aluki 16:14

Farasiiduma la en de lige bɔteba la en wum ŋwana za'a la, ba ɛregeri Yezu mɛ.

Tõoma 15:20

Gee tu tugum gulehɛ bo' ba yeti, ba yehe ba mɛhi baga dia puan, la yaluntuuma, la sɛla woo ti ba kigɛ ku, la ba da dita ziim.

Tõoma 20:33

N ka fã nɛra salempɛɛlega, bii salema bii futo.

Aromduma 1:29

Ba kɔ'ɔm pirɛ mɛ la tuunfi'iha yima yima, be'em, fãa, ti'iha be'em bɔ'ɔra nɛreba. Pirɛ la nintɛrega, kua, zaba, pã'ahegɔ, sɔtuuma, ba dela yelebibehi duma,

Aromduma 16:2

ti ya to'e en Daana la puan wuu lan nari se'em bo' nɛresunduma la, la ya suŋɛ en la sɛla woo ti a wan bɔta ya zi'an. A dela suŋɛ bo' nɛreba zo'e zo'e, ta ta' la mam mɛŋa.

Aromduma 6:13

Da le dikɛ ya ingana la ze'sɛka bo' be'em, ti la dɛna be'em lɔkɔ tara tuna be'em tuuma. Gee tugum dikɛ ya mɛhi bo' Yinɛ, wuu nɛreba ti ba tari ya kum puan wa'am vom puan na la. Gee dikɛ ya ihe la bo' Yinɛ, ti si dɛna tuuntɔɔ vom tuuma lɔgerɔ.

1 Korẽntɩ 10:8

Tu ka de tu dikɛ tu mɛhi kɛ̃ yaluntuuma puan wuu ba basɛba en yuum iŋɛ se'em la, ti tuha pihiyi' la a tã yuum ki daarɛ de yina puan la.

1 Korẽntɩ 5:1

Ba kɔ'ɔm yele mam mɛ ti galehi en boi ya puan. Galehi sɛ'a taaba en pun ka bɔna sɛba en ka dole Yinɛ puan. Beni zuo, buraa en boi ya puan gã'a la ka sɔ pɔga.

1 Korẽntɩ 6:13

“Dia dela puurɛ dinɛ, ti puurɛ me dɛna dia dinɛ,” gee Yinɛ wan sagum ba za'a. Inganɛ la ka boi la yaluntuuma zuo, gee de boi bo' la Daana la, ti Daana la me bɔna bo' inganɛ la.

1 Korẽntɩ 6:18

Zagehɛ yaluntuuma, se'ere en sɔi la, be'em sebo woo ti nɛra tum ni dɛna la iŋa la yiŋa na. Gee yaluntuuma daana galum la iŋa la za'a.

2 Korẽntɩ 12:21

Dabeem n tari mam ti, n han le wa'am na, mam Yinɛ wa wan bahɛ ti nimbu'ɔ nyɔkɛ mam, ti n kele nintama'aha bo' sɛba zo'e zo'e en daa tum be'em gee ka tee ba dɛgerɔ, ba yaalegɔ la ba nyanɛ tuuma la ti ba ni pun tuna la puan la.

Efɛɛzɩ 5:12

Se'ere en sɔi la, la pun dɛna la vi ti fum tɔgera yelesɛ'a ti nɛrebana taaba sugera ita a la yele.

Efɛɛzɩ 5:5

Mini ya dina suŋa suŋa, ti se'em n tuni yaluntuuma, bii galeŋɔ daana, bii se'em n bɛ' (de vuurɛ dela bagekaambera), kan tara tɔtɛ kɛ̃' Kiresta la Yinɛ sɔ'ɔlum la puan.

Filipi 1:27

Yamam yeen vɔna ya vom, sadɔɔ seko en naaɛ la Kiresta faarɛ yelehum la, ti n han nyaŋɛ wa'am na bihɛ ya, bii n han pun ka bɔna la ya gee wum ya yele, n wan mina ti ya ze' la kankaŋɛ, Sia kayima puan, naaɛ taaba la putɛ'yinɛ, zigera la taaba ti ya tara sakerɛ faarɛ yelehum la puan.

Kolɔsɩ 3:5

Bala zuo, ku ya sɛla woo en boi ya puan dɛna tiŋa dinɛ zuo bunɔ wuu, yaluntuuma, dɛgerɔ tuuma, kunkoma'ahum, be'em kɔrehi, la nyika (en de baga kaabegɔ la).

1 Tesaloniki 4:3

Ŋwana en de Yinɛ sumboolum, ti ya sukɛ ya mɛhi. Ya ayima ayima yehe ya mɛhi yaluntuuma puan.

1 Tesaloniki 4:7

Yinɛ ka yi' tu na bahɛ dɛgerɔ tuuma puan, gee tu dɛna Yinɛ tuulum duma.

1 Timoti 2:10

ba nɔna la tuunsuma, wuu lan nari se'em bo' pɔge se'ehi en mi ban na'ahɛ Yinɛ se'em la.

1 Timoti 3:3

a da dɛna bugera, a da dɛna nɛre gbiri gbiri, gee a ana bããlam, a da dɛna zabe-zaberega, a da ba' nɔŋɛ ligeri.

1 Timoti 6:10

Se'ere en sɔi la, ligeri nɔŋerɛ en de be'em woo nyɛgerɛ, ti ban mu'ɛ nini ti ba tara la zuo, basɛba zagehɛ sakerɛ la mɛ, lu' ba mɛhi la wuŋerɛ zo'e zo'e.

2 Timoti 3:2

Se'ere en sɔi la, nɛreba wan nɔŋɛ ba mɛhi, nɔŋɛ ligeri, nyɔ'ŋmɛ'ɛreba, nɛre wureba, kɛhega, ka nana dɔgereba, nini ka tigera, dɛgerɔ vom,

Taitusi 1:11

Ba dela ba ŋmɛkɛ ba nɔya, la ban gbiregeri nɛreba yiya la ba pa'alegɔ la, doohe ban pa'ali pa'alegɔ seko en bo'ori bamam ma'a nyuurɔ, gee dagi na sɛla en dagena ba pa'ala.

Taitusi 1:7

Wuu eŋa en de Yinɛ lageŋɔ nɛŋadaana la, se'em en biheri Yinɛ lageŋɔ la, a tara zɛregerɛ zi'an. A da dɛna nɛre wurebere, bii sunsuya daana, bii a koohe a mɛŋa bo' daam, bii gbiregeri daana, bii a ba' nɔŋɛ ligeri.

Taitusi 2:3

Bala mɛa, yele pɔge kureba la ti ba tara na'ahegɔ ba vom puan, ba da dɛna sɛba en sageni nɛreba yu'ura, bii da'aba bo' daam-nyuure. Ba pa'ala sɛla en ani suŋa,

Hiburuduma 12:16

Bihɛ ya mɛhi suŋa suŋa ti ya se'em da ana wuu Esɔ, se'em en ka ta' a mɛŋa, ka zɔta Yinɛ la, se'em en yuum koohe a kinɔ dia buyina ma'a zuo la.

1 Pita 5:2

yeti, ya gura Yinɛ piihi la en boi ya nu'uhen la suŋa, dagena pɛregerɛ puan gee la susunɛ, wuu Yinɛ en wan boti ni ti ya ita se'em la, dagi kunkonyiim puan gee ya kɔ'ɔm mu'ɛ la nini la tuuma la.

2 Pita 2:10

yele yele wuu sɛba en tari ba ihi tuna yaalegɔ tuunsɛ'a taaba, la sɛba en ka zoti kpe'eŋo seko woo la. Ba kpe'em mɛ, ti ba suya kãbɛ, ti ba ka zɔta ba sagum Saazuo pãkara duma yu'ura,

2 Pita 2:14

Ba nini kɔ'ɔm biha la yaalegɔ yɛla ma'a, ka tigera be'em. Ba ta' pa'aha la sɛɛhi se'ehi en ka ze' suŋa la. Ba zamehi ba suya la nyika. Nɔpɔrɛ kɔma en de ba!

2 Pita 2:3

Ba nyika la zuo, ba wan fa' ya la ba pã'ahegɔ yelehum la. Ba namehegɔ la en purɛ bahɛ ba zuo yuuman yuuman ha la, dagi yoo, ba sageŋɔ la kan gã'arɛ.

Lilegere 2:14

Gee mam tari la yele dina la ya. Ya tari basɛba ya puan ti ba dɔla Balaam pa'alegɔ la mɛ, se'em en daa pa'alɛ Balake ti a dikɛ sɛla en piti beŋe Izirale buuri la ti ba dita baga dia gee tuna yaluntuuma la.

Lilegere 2:21

Mam bo' en saŋa mɛ ti a tee, gee a zagehɛ mɛ ka tee a yaluntuuma la puan.

Lilegere 21:8

Gee han dɛna dabɛɛbehi la, la sɛba en ka sakɛ la, sɛba ti ba galum ba la, la nɛrekuureba la, yaluntuuma duma la, sɔ̃niniduma, bage kaabereba, la pumparenduma la za'a, ba bɔŋa zi'an ta bɔna la bugum mɔgerɛ la ti tahi taaɛ bugum dita la puan. Yi'i kum la en bala.”

Lilegere 22:15

Yiŋa la ha, baahi, sɔ̃niniduma, yaluntuuma duma, nɛrekuureba, la bage kaabereba, la sɛba woo en nɔŋɛ gee tuna pumpɔreŋɔ tuuma en boi bilam.

Lilegere 9:21

Ba me ka tee ba mɛhi ba nɛre kua la, bii ba sɔ̃niniduma la, bii ba yaluntuuma, bii ba nageyigum la puan.