Efɛɛzɩ 5:23 - ZE'ELEGO PAALEGA

²³ Se'ere en sɔi la, asira n de a pɔga zuodaana wuu Kiresta n de lageŋɔ la zuodaana se'em la. Lageŋɔ seko n de a iŋa la, ti a mɛŋa dɛna ka faarɛ la.

Farefare Ninkaré

²³ Se'ere n soe la, sɩra n de pɔka la zuudãana, wʋ Krisi n de a nẽrba la Zuudãana la. Krisi nẽrba la de la a ĩyã, tɩ Krisi dɛna ba Fãagra.

Efɛɛzɩ 5:23 Iomraidhean Croise

Tõoma 20:28

Biheri ya, ya mɛhi suŋa, gee me biha piihi la ti Fa'a Sia la dikɛ ya ti ya biha la. Ya biha Yinɛ lageŋɔ la ti a dikɛ a mɛŋa Dayua ziim to'e ku la.

1 Korẽntɩ 6:13

“Dia dela puurɛ dinɛ, ti puurɛ me dɛna dia dinɛ,” gee Yinɛ wan sagum ba za'a. Inganɛ la ka boi la yaluntuuma zuo, gee de boi bo' la Daana la, ti Daana la me bɔna bo' inganɛ la.

Efɛɛzɩ 4:15

Gee tu dɛna yelemɛŋerɛ duma tu vom puan, la nɔŋerɛ, tu dela tu zo'e sɛla woo puan ta paaɛ se'em n de zuodaana, Kiresta la n ani se'em la.

Efɛɛzɩ 5:24

Wuu Lageŋɔ la en boi Kiresta nu'uhen se'em la, bala mɛa ti pɔgehi me wan sigehe ba mɛhi bo' ba Sireba sɛla woo puan.

Kolɔsɩ 1:18

Eŋa en de zuo daana, lagehegɔ la puan. Eŋa en de pi'ileŋo, dɛna kiima kum vo'ore puan yia, ti a ta'am wa'am na dɛna yiadaana sɛla woo puan.

1 Tesaloniki 1:10

gee gura a Dayua la en wan ze'ele saazuo na la, se'em ti a ihege en kum puan la. Yezu, se'em en faaɛ tɔ Yinɛ sunsunyiim sebo en kini na la.

Lilegere 19:7

Bahɛ ya ti tu nyɛɛna, gee zɛkera a yu'urɛ, gee bo' ya en pɛka, se'ere en sɔi la, Pebila la pɔgedire la paaɛ ya, ti a pɔga la me maahum ka mɛŋa suŋa ba'ahɛ,

Lilegere 5:9

Ti ba za'a yuum yuumpaalɛ yeti, “Fum nari mɛ ti fum to'e gɔŋɔ la la fum lorege daalehum se'ere en sɔi la, ba yuum kɔregɛ fum mɛ, ti fum dikɛ fum ziim yɔ to'e nɛre sunduma, buuri woo, tugum woo, nɛreba woo la tihi woo puan bo' Yinɛ.