Efɛɛzɩ 5:2 - ZE'ELEGO PAALEGA

² gee vɔni ya la nɔŋerɛ wuu Kiresta n nɔŋɛ tɔ se'em, dikɛ a mɛŋa bo' tu se'em, lebege nyuuŋo suŋɔ kaabegɔ bo'olum ti ba kaabɛ bo' Yinɛ la.

Farefare Ninkaré

² Ɩta-ya sɛla woo la nõŋlʋm wʋ Krisi n nõŋɛ tɩ se'em dɩkɛ a vɔm bɔ tõma ĩyã, tɩ la ãna wʋ kãabgɔ n tarɩ yũuŋ-sõŋɔ paara Nawẽnnɛ yɛm na.

Efɛɛzɩ 5:2 Iomraidhean Croise

Amatie 20:28

Wuu Asaala Dayua la n ka wa'am na ti ba tuna bɔ'ɔra en, gee a tugum tuna bɔ'ɔra, pun ta dikɛ a vom yɔ to'e nɛreba zo'e zo'e se'em la.”

Azã 13:34

N bo'ori ya la ze'elego paalega ti, ya nɔŋɛ taaba. Wuu mam nɔŋɛ ya se'em la, me nɔŋɛ taaba bala.

Azã 6:51

Mam n de vom boroboro la, ze'ele saazuo sige na la. Se'em woo en obe boroboro dina wa wan vɔna wuuha. Boroboro se'ere ti mam yeti n dikɛ bo' timpaberɛ wa ti ba tara vom la dela mam inganɛ wa.”

Aromduma 15:16

ti n dɛna Kiresta Yezu tuntuna bo' sɛba en dagi Yuda buuri la, malema daana tuuma Yinɛ faarɛ yelehum wa puan, ti sɛba en dagi Yuda buuri wa la, Yinɛ to'e ba kaabegɔ, ti Fa'a Sia la pee ba.

Aromduma 4:25

Se'em ti Yinɛ dikɛ en tihɛ na ti a ki tumam tuure zuo, gee daa vo'e en tumam buurɔ zuo la.

Aromduma 8:3

Se'ere en sɔi la, Yinɛ tum sɛla en daa kpe'em bo' ze'elego la ti ku ka nyaŋɛ tum, doohe la inganɛ wa en tari tɔregɔ la, a iŋɛ dina doohe la en tum a mɛŋa dayua ti ka tara inganɛ en ani wuu asaala be'em inganɛ wa, ti ka zabɛ be'em, sagum be'em paŋa, la inganɛ wa,

Aromduma 8:37

Gee yele ana woo puan, tumam gani nyaŋereba mɛ, doohe se'em daana en nɔŋɛ tu la puan.

1 Korẽntɩ 16:14

Bahɛ ya ti sɛla woo ti ya ita, ya ita dɛ la nɔŋerɛ.

1 Korẽntɩ 5:7

Pee ya dabelɛ kɛka la bahɛ, la ya ta'am dɛna dabelɛ paalum ma'a, wuu dabelɛ en sirum ka boi ya puan se'em wa la. Se'ere en sɔi la, ba kaabɛ tu azɔɛtole pebila la en de Kiresta la mɛ.

2 Korẽntɩ 2:14

Gee pɛka paaɛ Yinɛ, se'em n dole Kiresta puan saŋa woo bahɛ ti tu kina nyaŋerɛ kinɛ, gee dɔla tumam puan bahɛ ti tu yiregera nyuuŋo suŋɔ seko en boi Kiresta baŋerɛ puan zi'an woo la.

2 Korẽntɩ 2:15

Se'ere en sɔi la, tumam dela Kiresta nyuunsuŋɔ bo' Yinɛ, sɛba n nyɛ Faarɛ, la sɛba n bɔregɛ tiŋasuka.

2 Korẽntɩ 8:9

Se'ere en sɔi la, yamam mi' pupeelum bo'olum sebo ti tu Daana Yezu Kiresta bo' doohe la en pun dɛna buntata la, gee yamam zuo ti a lebege naha, ti a nɔŋɔ la puan yamam wan dɛna buntateba.

Galatɩ 1:4

eŋa se'em en dikɛ a mɛŋa bo' tumam be'em zuo, ti a faaɛ tɔ be'em buuri sankana wa puan bahɛ, doohe tu Yinɛ n de tu Sɔ la sumboolum en de se'em la,

Galatɩ 2:20

La le dagena mam mɛŋa en vɔi, gee la dela Kiresta en vɔi mam puan. Ti vom sebo ti n vɔna inganɛ puan nananawa, n vɔi mɛ la sakerɛ Yinɛ Dayua la, se'em en nɔŋɛ mam gee dikɛ a mɛŋa kaabɛ bo' mam la puan.

Efɛɛzɩ 1:4

wuu en looe tu se'em Kiresta puan gee nyaa baŋɛ naam timpaberɛ wa la, ti tu dɛna tuulum nɛreba, ka tara tuure a nɛŋan, a nɔŋerɛ la puan la.

Efɛɛzɩ 3:17

ti Kiresta bɔna ya suya puan, sakerɛ zuo, wuu yan ba' nyɛga gee tara nɔŋerɛ puan se'em la.

Efɛɛzɩ 3:19

gee me mina Kiresta nɔŋerɛ la n gani mi'ilum woo la, la ya ta'am pirɛ la Yinɛ naanɛ paaɛ paaɛ.

Efɛɛzɩ 4:15

Gee tu dɛna yelemɛŋerɛ duma tu vom puan, la nɔŋerɛ, tu dela tu zo'e sɛla woo puan ta paaɛ se'em n de zuodaana, Kiresta la n ani se'em la.

Efɛɛzɩ 4:2

Voni ya ya vom za'a la sirege n mɛŋa, zulaam, gee ŋmibera la taaba nɔŋerɛ puan.

Efɛɛzɩ 5:15

Bala, Bihɛ ya mɛhi suŋa, yan vɔi se'em. Ya da vɔna wuu nɛreba n ka tari yɛm, gee ya vɔna wuu yɛmduma la.

Efɛɛzɩ 5:25

Sireba, nɔŋɛ ya pɔgeba, wuu Kiresta n nɔŋɛ lageŋɔ la se'em, gee dikɛ a mɛŋa vom bo' ku se'em la.

Filipi 4:18

Ya kɔ'ɔm yɔ mam la za'a za'a, ti n tara gaŋɛ. Ya kɔ'ɔm tigehɛ mam mɛ suŋa suŋa, yele yele wuu mam nyaa to'e ya bo'olum la ti ya dikɛ tum Epafurodituse na la. Bo dela nyuuŋo suŋɔ kaabegɔ bo'olum. Bo dela kaabegɔ n tigeri Yinɛ nini.

Kolɔsɩ 3:14

Se'ere en gani za'a dela, bagɛ ya mɛhi la nɔŋerɛ, sɛla en bobere ya lagena taaba, ti ya tara nɔyinɛ sunɛ la taaba en bala.

1 Tesaloniki 4:9

Nananawa, han dɛna suurɔ nɔŋerɛ yele, ya ka eere se'em gulehɛ bo' ya na. Se'ere en sɔi la, Yinɛ en pun pa'alɛ yamam ti ya nɔŋɛ taaba mɛ.

1 Timoti 2:6

se'em en dikɛ a mɛŋa kaabɛ to'ore kaabegɔ bo' nɛra woo, ti la dɛna aze'nyɛ saŋa ti a pun maahum.

1 Timoti 4:12

Da bahɛ ti nɛra nɛra zeem fum bumbile paalum la zuo, gee tugum dɛna makerɛ bo' sakereba la, fum tugum, fum aŋa, nɔŋerɛ, sakerɛ, la fum filam vom.

Taitusi 2:14

Eŋa en kaabɛ a mɛŋa bo' tu, ti a yɔ to'e tu tuure woo puan, gee pee tu bo' a mɛŋa, ti tu dɛna a mɛŋa nɛreba, sɛba en mu'ɛ nini tuna tuunsunɛ.

Hiburuduma 8:3

Ba loore Malema kiima woo ti a kaabera la bo'olum kaabegɔ, gee ti la me dɛna ti malema kiima kana wa mɛŋa me ni tara sɛla na kaabɛ.

Hiburuduma 9:14

Ŋwani ti Kiresta ziim la kan tum gaŋɛ bala zo'e zo'e se'em en doohe Sia sɛka en ka tari ba'ahegɔ la puan, kaabɛ a mɛŋa fa'a kaabegɔ bo' Yinɛ la. Ziim buna wan sirum pee tu puti'ira yehe kum tuuma puan, tari tu lebe ti tu na'aha Yinɛ Vɔa wa!

Hiburuduma 9:23

Bala ti la daa nara ti saazuo lɔgerɔ la ti ba tɔgehɛ maalɛ la, ba duuha ba la malema ana, gee saazuo lɔgerɔ la mɛŋa nari la kaabegɔ seko en gani ŋwana.

Hiburuduma 9:26

la ha deni bala, a ye wan nameheri mɛ tulena, pɔhera tiŋa wa pi'ileŋo puan na la. Gee lan de se'em la, a wa'am la buyina za'a za'a ba'ahegɔ saŋa buuri wa puan, ti a fooe be'em bahɛ, doohe a dikɛ a mɛŋa kaabɛ.

1 Pita 4:8

Sɛla en gani bala, tari ya nɔŋerɛ saŋa woo bɔ'ɔra taaba, se'ere en sɔi la, nɔŋerɛ pi'ire la be'em zo'e zo'e.

1 Zã 3:16

Tu mi' nɔŋerɛ la dina wa puan ti, a dikɛ la a vom biŋe bo' tumam, ti tumam me dɛna la tu dikɛ tu vom biŋe bo' tu taaba.

1 Zã 3:23

A nɔze'elego la n ŋwana, ti tu nam a Dayua Yezu Kiresta yu'urɛ la, gee nɔŋɛ taaba, wuu eŋa en bo' tu nuurɛ se'em la.

Lilegere 1:5

la Yezu Kiresta en de yelemɛŋerɛ aze'nyɛ daana la, dɛna ki'induma bikiima la, dɛna timpaberɛ wa zuo naduma naba la. Eŋa se'em en nɔŋɛ tɔ, gee faaɛ tɔ tu be'em puan bahɛ, la a mɛŋa ziim la,

Lilegere 5:9

Ti ba za'a yuum yuumpaalɛ yeti, “Fum nari mɛ ti fum to'e gɔŋɔ la la fum lorege daalehum se'ere en sɔi la, ba yuum kɔregɛ fum mɛ, ti fum dikɛ fum ziim yɔ to'e nɛre sunduma, buuri woo, tugum woo, nɛreba woo la tihi woo puan bo' Yinɛ.