Efɛɛzɩ 3:17 - ZE'ELEGO PAALEGA

¹⁷ ti Kiresta bɔna ya suya puan, sakerɛ zuo, wuu yan ba' nyɛga gee tara nɔŋerɛ puan se'em la.

Farefare Ninkaré

¹⁷ tɩ Krisi wʋn bɔna ya sũure pʋam, yan bɔ sɩra la ĩyã, tɩ ya wʋn ze'ele kãŋkãŋɛ tara nõŋlʋm zozo'e.

Efɛɛzɩ 3:17 Iomraidhean Croise

Amatie 13:6

Gee wuntɛɛŋa en ŋmɛ na la, ba zɛkɛ mɛ, ba nyɛga en ka sige la zuo, ba ki mɛ.

Aluki 6:48

Ena daana ani me wuu yire ti nɛra yeti a mɛ, tu' tiŋa sige nyaa iibɛ ɛ̃berɛ la yagelɛ taŋa zuo. Ko'om han ta ɔkɛ, ti kulaahi pirɛ di na, yire la ze' me kankaŋi ka miina, se'ere en sɔi la, de yage la ɛ̃berɛ sunɛ zuo.

Azã 14:17

Eŋa en de Fa'a Sia la n de yelemɛŋerɛ la, se'em ti Timpaberɛ wa zuo kan to'e en, Se'ere n sɔi la, timpaberɛ wa zuo nɛreba ka nyɛti en, bii ba mina en. Gee yamam mi' en se'ere n sɔi la, a boi mɛ la ya, gee wan kelum bɔna la ya.

Azã 14:23

Ti Yezu lerege en yeti, “Sɛba en nɔŋɛ mam la, wan tara mam yelehum la, ti mam Sɔ wan nɔŋɛ ba, ti mam la n Sɔ la wan wa'am na iŋɛ tu bɔŋa zi'an ba puan.

Azã 17:23

Mam bɔna la ba, ti fum bɔna la mam, ti bamam me naaɛ taaba bi'ɛ kahegɛ dɛna buyina, ti timpaberɛ wa zuo nɛreba baŋɛ ti fum tum mam na, gee me nɔŋɛ ba wuu fum nɔŋɛ mam se'em la.

Azã 6:56

Se'em en obe mam iŋa wa, gee nyu mam ziim la boi la mam puan, ti mam me bɔna la en.

Aromduma 5:5

ti beere puti'irɛ wa me kan diihe tu vi, beni zuo, Yinɛ ka'ɛ la nɔŋerɛ bahɛ tu suya puan, doohe Fa'a Sia la ti a bo' tu la puan.

1 Korẽntɩ 3:6

Mam burɛ mɛ, ti Apolos bahɛ ko'om. Gee Yinɛ en bahɛ ti la yehe na.

1 Korẽntɩ 8:1

Nananawa, disɛka ti ba dikɛ kaabɛ bo' baga sɔhega la. Tu mi' ti, “Tu za'a tari mi'ilum mɛ.” Mi'ilum bo'ori la pa'alɛ mɛŋa gee nɔŋerɛ en mɛti.

2 Korẽntɩ 13:5

Magehɛ ya mɛhi bihɛ nyaa ya vɔi sakerɛ la puan. Magehɛ ya mɛhi bihɛ, ya ka baŋɛ ti Kiresta boi ya puan? Han dagena ti ya sirum koŋe la ya magehɛ ya mɛhi bihɛ.

2 Korẽntɩ 6:16

Beni nuurɛ ti Yinɛ pu'uhegɔ yire la wan ku la baga zɔŋɔ? Se'ere en sɔi la, tumam dela Yinɛ vua wa pu'uhegɔ yire la, wuu Yinɛ mɛŋa en yele yeti, “Mam wan bɔna ba puan, kina la ba, n wan dɛna ba Yinɛ, ti ba me dɛna n nɛreba.

Galatɩ 2:20

La le dagena mam mɛŋa en vɔi, gee la dela Kiresta en vɔi mam puan. Ti vom sebo ti n vɔna inganɛ puan nananawa, n vɔi mɛ la sakerɛ Yinɛ Dayua la, se'em en nɔŋɛ mam gee dikɛ a mɛŋa kaabɛ bo' mam la puan.

Galatɩ 5:6

Beni zuo, Kiresta puan, fum ŋma ya yoo, fum ka ŋma yoo, la ka tari sɛla tɔ'ɔra. Yele se'ere ma'a en tari sɛla tɔ'ɔra dela, sakerɛ en dole nɔŋerɛ puan.

Kolɔsɩ 1:23

wuu ya han kelum gu'ura ya mɛhi suŋa, zɛ'a kankaŋi ya sakerɛ la puan, ka vuregera ya beere puti'irɛ se'ere ti faarɛ yelesuma la biŋe nuurɛ ti ya wum la, se'ere en muulɛ bo' bunvua en boi tiŋa wa zuo wa. Mam Pɔɔl dela se'em ti ba looe bo' faari yelesuma wa.

Kolɔsɩ 1:27

Bama ti Yinɛ looe ti a doohe ba puan bahɛ ti ba baŋɛ Yinɛ suŋa en zo'e se'em yele se'ere en sugɛ wa puan bo' sɛba en dagi Yuuduma la, yele wa dela Kiresta n boi ya puan, en de ya beere puti'irɛ la suŋa.

Kolɔsɩ 2:7

ba' ya nyɛga, gee mɛ ya mɛhi yagelɛ a zuo, gee sɛ' ya ze'ele kankaŋi sakerɛ la puan, wuu ban pa'alɛ ya se'em la, pirɛ yabera la fara bu'a.

1 Zã 4:16

Bala tumam mi' gee me nam nɔŋerɛ se'ere ti Yinɛ tara bɔ'ɔra tu la mɛ. Yinɛ dela nɔŋerɛ, se'em woo en boi nɔŋerɛ puan, boi la Yinɛ puan, ti Yinɛ me bɔna a daana puan.

1 Zã 4:4

Kɔmbibehi wa, yamam ze'ele la Yinɛ zi'an na, gee nyaŋɛ ba, se'ere en sɔi la, se'em n boi ya puan la gani se'em en boi tiŋa wa zuo la mɛ.

Lilegere 3:20

Kelehe ya, mam ze' la kuleŋa la nuuren ŋmɛ'ɛra, se'em han wum mam kua gee yu'ɛ kuleŋa la, n wan kɛ̃ a zi'an na, di la en, ti a me di la mam.