Efɛɛzɩ 3:10 - ZE'ELEGO PAALEGA

¹⁰ ti la doohe lageŋɔ la puan, ti Yinɛ yɛm la n ka tari ba'ahegɔ la wan nyaa niiɛ bo' timbihereba, la kpɛ'ɛnduma n boi saazuo ha.

Farefare Ninkaré

¹⁰ La lɛɛlɛ wã, Azezi nẽrba la wʋn basɛ tɩ kɛ'ɛndõma, la pãnsɩ dõma n boe saazuum bãŋɛ Nawẽnnɛ yɛm n de to'oto'ore se'em wuu.

Efɛɛzɩ 3:10 Iomraidhean Croise

Aromduma 11:33

Bihɛ,Yinɛ tarega, la a yɛm la a mi'ilum pirɛ paaɛ mɛ ka tara tɛka. A gakerɛ gaŋɛ bɔkerɛ mɛ, ti a sɔya la ba' dɛna nyalema gaŋɛ bɔkerɛ!

Aromduma 8:38

Se'ere en sɔi la, mam sakɛ n suure puan suŋa suŋa, ti kum bii vom, bii suŋereba, bii bihereba, bii sɛla n boi zina , bii sɛla n wan wa'am beere na, bii pahi,

1 Korẽntɩ 1:24

Gee sɛba ti Yinɛ yi' la, Yuuduma, la Girikiduma za'a, Kiresta dela Yinɛ paŋa, la Yinɛ yɛm bo' ba.

1 Korẽntɩ 2:7

Gee tumam tɔgeri la Yinɛ yɛm en sugɛ, yele sɛ'a ti nɛreba ka mina, ti Yinɛ yuum pun tɔgɛ a yele ti tiŋa wa nam pun ka naam, tumam tibehum zuo.

Efɛɛzɩ 1:21

ti a gana bihereba za'a, kpe'eŋo la pahi za'a, la na'am woo n boi, gee gana yu'ura woo en tabelɛ sigɛ, dagi la zina buuri saŋa wa puan ma'a, gee buuri saŋa se'ehi woo en kini na la.

Efɛɛzɩ 1:23

Lageŋɔ la dela Kiresta iŋa, kɔ'ɔm pirɛ mɛ la eŋa se'em daana en boi sɛla woo puan la.

Efɛɛzɩ 1:3

Sum dɛna Yinɛ, se'em en de tu Daana Yezu Kiresta Sɔ la dinɛ. Se'em en bo' tu sum Kiresta puan, Sia puan sum sebo woo en boi tinsuŋan ha la,

Efɛɛzɩ 1:8

ti a ka'ɛ bu zo'e zo'e bahɛ tu zuo na la. Bo tari la yɛm la mi'ilum za'a,

Efɛɛzɩ 6:12

Se'ere en sɔi la, tu ka zaberɛ mɛ la dima en tari ziim la kuba, gee tu zaberɛ mɛ la bumbɛ'ɛhi en sɔi zi'ihi biha, tu zaberɛ mɛ la pahi, la kpe'eŋo en boi sabeeo puan, buuri sankana wa en boi lika puan wa. Tu zaberɛ mɛ la sia puan pambɛ'ɛhi en boi zi'ihi se'ehi saazuo ha.

Kolɔsɩ 1:16

Se'ere en sɔi la, eŋa puan ti sɛla woo en boi saazuo la timpaberɛ wa zuo naam. Sɛla ti tu nyɛta, la sɛla ti tu ka nyɛta, ba dɛna na'am, pahi, bihereba bii kpe'eŋo, sɛla woo naam doohe la eŋa puan, gee dɛna eŋa dinɛ.

Kolɔsɩ 2:10

Yamam n wa'am a zi'an na wa, sɛla woo wan ze'ele tuuntɔɔ bo' ya. Eŋa en de se'em en de zuo daana, sɔna pahi, la kpe'eŋo za'a.

Kolɔsɩ 2:15

A yɛɛhɛ pahi duma la kpe'eŋo mɛ, gee diihe ba nyanɛ peelumen, nyaŋɛ ba za'a za'a pumpuuredɔɔ la zuo.

1 Timoti 3:16

Bu'a ka boi, tumam pu'uhegɔ wa puan yele sɛ'a en gani asaala bɔkerɛ la, dela yele kãra, A daa niiɛ a mɛŋa la inganɛ puan, di buurɔ Sia la puan, suŋereba nyɛ en mɛ, ba muulɛ a yele mɛ sɛba en dagi Yuuduma la puan ti tiŋa wa zuo nam en, a zom la zuin zuin ha la na'ahegɔ.

1 Pita 1:12

La yuum niiɛ pa'alɛ ba yeti, ba ka tuni bɔ'ɔra la ba mɛhi, gee tumam, doohe yelesɛ'a en nyaa muulɛ bo' ya nananawa, doohe sɛba en tari faarɛ yelehum wa na bo' ya la, doohe Fa'a Sia la ti Yinɛ tum en saazuo ha bahɛ na la.Yele sɛ'a ti suŋereba mu'ɛ nini ti ba nyɛ la.

1 Pita 3:22

Kiresta, en bala zom saazuo ha, ta bɔna Yinɛ zuɔ nu'o bɔba, la suŋereba, kpɛ'ɛnduma, la pahi se'ehi ti ba dikɛ biŋe a nama timpaberɛ.