Efɛɛzɩ 2:8 - ZE'ELEGO PAALEGA

⁸ La dela zu'uhegɔ zuo ti ya nyɛ faarɛ, doohe sakerɛ puan. Dina dagi ya mɛhi en iŋɛ sɛla, gee la dela Yinɛ bo'olum.

Farefare Ninkaré

⁸ La de la Nawẽnnɛ yel-sõnnɛ la ĩyã tɩ ya yẽ fãarɛ, yan bɔ Krisi sɩra la ĩyã, la dagɩ ya mẽŋa pãŋa, la de la Nawẽnnɛ bɔ'a.

Efɛɛzɩ 2:8 Iomraidhean Croise

Amatie 16:17

Ti Yezu lerege en yeti, “Sum boi mɛ la hɔ Simɔn, Yona dayua wa. Se'ere en sɔi la, dagi ingɔŋɔ la ziim n lilege dina wa bo' fum, gee mam Sɔ se'em en boi saazuo ha.

Amatie 20:9

Sɛba n wa'am gogo kaareŋa bunuu zaanuurɛ bɔba la n paaɛ la, a bo' ba za'a la dabeherɛ yɔɔrɛ dabeherɛ yɔɔrɛ en dinaari ayima.

Amarkɩ 16:16

Se'em woo n sakɛ bo' yelehum la gee sɔ ko'om n wan nyɛ faarɛ, gee se'em woo me n ka sakɛ wan nyɛ sageŋɔ.

Aluki 7:50

Ti Yezu yele pɔka la yeti, “Kina, fum sakerɛ n faaɛ fum bahɛ, kina la suma'ahum.”

Azã 3:36

Se'em woo n nam dayua la tari la vom kamba'ahɛ. Se'em me n zagehɛ dayua la ka tari vom, gee Yinɛ sunsunyiim n boi a daana zuo.

Azã 4:10

Ti Yezu lerege en yeti. “Fum han mi' ni Yinɛ bo'olum la n de sebo, la se'em n de' en yɛta hɔ ti, ‘Bu' mam ko'om ti n nyu wa,’ fum wan zuhɛ ni en, ti a bo' ni fum vomko'om.”

Azã 5:24

N yeti ya la yelemɛŋerɛ yelemɛŋerɛ wa. Se'em woo n wum mam yelehum wa, gee nam se'em daana n tum mam na la, tari la vomkanba'ahɛ. Ena daana ka boi gakerɛ puan. A daana tee mɛ kum puan wa'am vom puan na.

Azã 6:35

Ti Yezu yele ba yeti, “Mam n de vom boroboro la. Se'em woo n wa'am mam zi'an na, kan malum nyɛ kom. Se'em woo n nam mam, ko'yuuro kan malum tara en.

Azã 6:37

Sɛla woo ti Sɔ la dikɛ bo' mam, wan wa'am mam zi'an na, ti se'em woo me n wa'an mam zi'an na, mam kan makɛ dige en bahɛ.

Azã 6:40

Dina wa n de mam Sɔ la suboolum yelemɛŋerɛ, ti sɛba woo n nyɛ Dayua la gee nam bo' ka la, wan tara vomkanba'ahɛ, ti n ta vo'e ba ba'ahegɔ daarɛ la.”

Azã 6:44

Nɛra kan ta'am wa'am mam zi'an na, han dagena Sɔ la n tum mam na la mɛŋa n ve'e en na. Ti n me wan vo'e nɛre eŋa daana ba'ahegɔ daarɛ la.

Azã 6:65

Bala ti a yele ba yeti, “Ŋwana zuo ti mam yele ya yeti, se'em kan ta'am wa'am mam zi'an na, han dagena mam Sɔ n bo' sore.”

Tõoma 13:39

Doohe la Yezu wa zuo se'em woo n nam wan nyɛ faarɛ a be'em sebo woo puan. Be'em sebo woo ti Moose pa'alegɔ la daa kan ta'am faaɛ ya bu puan la.

Tõoma 14:27

Ban wa'am na na paaɛ la, ba yi' lageŋɔ la za'a mɛ lagehɛ na, nyaa yele sɛla woo ti Yinɛ dikɛ ba tum la ba, la Yinɛ n yu'ɛ sakerɛ kuleŋa se'em bo' sɛba n dagi Yuda buuri la se'em.

Tõoma 15:11

Lan tugum dɛna se'em dela, tumam sakɛ ya ti tu wan nyɛ faarɛ doohe la zu'uhegɔ seko n doohe Yezu puan na la, wuu bamam me n wan sakɛ se'em la.”

Tõoma 16:14

Ti pɔka bɔna ba puan kɛleha tɔ, ti ka yu'urɛ yi'ira Lidiya, dɛna pɔka dɛna Yin-zɔta, yehe Tayatira na, kɔɔha fumɔlɔ. Ti Daana la yu'ɛ ka suure ti ka kɛleha Pɔɔl en yeti sɛla la suŋa suŋa.

Tõoma 16:31

Ti ba lerege en yeti, “Nam Daana Yezu, gee fum wan nyɛ faarɛ, fum la fum yire za'a.”

Aromduma 10:14

Gee nɛreba yeti ba iŋɛ la ŋwani yi' se'em ti ba ka nam en? Gee ba yeti ba iŋɛ la ŋwani nam se'em ti ba ka tabelɛ wum a yele? Gee ba yeti ba iŋɛ la ŋwani wum, se'em han ka muulɛ bo' ba?

Aromduma 10:17

Bala zuo, sakerɛ ze'eti la wuŋa puan na, ti sɛla ti ba wum la me ze'eti la Kiresta yelehum la puan na.

Aromduma 4:16

Ŋwana zuo, la dela sakerɛ en bahɛ ti nɔbiŋere la, doohe zu'uhegɔ puan paaɛ Aberaham yaahi woo, dagi la sɛba ma'a n dole ze'elego la, gee sɛba me en tari Aberaham sakerɛ la taaba la. (A dela tu za'a sɔ,

Aromduma 4:5

Gee se'em en ka tum, gee yeen nam la se'em n bo'ori be'em duma buurɔ la, sakerɛ dinɛ taaba ti ba bahɛ nyɛ ti a dela tuuntɔɔ daana.

Aromduma 9:16

Bala, la dagi la asaala suboolum, bii a tiregerɛ, gee la dela Yinɛ mɛŋa se'em n tari nimbɔ'zɔrɛ la.

Galatɩ 3:14

La iŋɛ ŋwana ti Yezu Kiresta puan, Aberaham sum la wan paaɛ sɛba en dagi Yuuduma la, ti tumam me to'e Fa'a Sia nɔbiŋere la sakerɛ puan.

Galatɩ 3:22

Gee Yinɛ gɔŋɔ la yeti, sɛla woo boi la be'em paŋa la puan, ti sɛla ti Yinɛ biŋe nuurɛ doohe sakerɛ n boi Yezu Kiresta puan la, wan dikɛ bo' la sɛba n nam la.

Efɛɛzɩ 1:19

la a pankãtɛ sɛka en ka tari makerɛ bɔ'ɔra tumam sɛba en nam en, a pankãtɛ tuuma la puan la.

Efɛɛzɩ 2:10

Tumam dela sɛba ti a iŋɛ tɔ ti tu dɛna la. A naam tu la Kiresta Yezu puan, ti tu tuna tunsuma sɛ'a ti Yinɛ pun maahum a ti a dɛna tu vom sore la.

Efɛɛzɩ 2:5

la tumam n daa pun ki tu be'em la zuo la, Yinɛ bahɛ ti tu vo'e mɛ la Kiresta. Zu'uhegɔ zuo ti ya nyɛ faarɛ.

Filipi 1:29

Yinɛ ka doohe a zu'uhegɔ la puan bo' tu la yɔ'ɔ ti tu nam la Kiresta ma'a, gee tu nameheri a zuo me,

Kolɔsɩ 2:12

Ban daa laaɛ ya la Kiresta ko'om sua puan la, ba daa lagum vo'e ya mɛ la en ya sakerɛ puan,Yinɛ paŋa la puan, Yinɛ se'em en vo'e en kum puan la.

2 Tesaloniki 1:9

Bana n wan ta nyɛ namehegɔ n ka tari ba'ahegɔ sageŋɔ la. Sɛba ti ba yelege ba Daana la nɛŋan, a suŋa, la a paŋa la puan.

Hiburuduma 6:4

Se'ere en sɔi la, la kpe'em mɛ ti ba le maahum nɛrebana wa ti ba le tee. Bama sɛba en tabelɛ nyɛ niihum, tabelɛ lem saazuo bo'olum la, tabelɛ tɔrɛ Fa'a Sia la.

1 Pita 1:5

Yamam sɛba ti Yinɛ paŋa gu'ura ya doohe ya sakerɛ puan la, ya faarɛ la wan niiɛ ba'ahegɔ saŋa la na.