Efɛɛzɩ 2:2 - ZE'ELEGO PAALEGA

² ti ya yuum bɔna bu puan, dɔla timpaberɛ wa zuo yɛla la, dɔla se'em daana paŋa n boi kusebego wa puan la. Sɛsɛka n boi nananawa tuna la sɛba n ka nane Yinɛ nuurɛ la.

Farefare Ninkaré

² Yãma n daan ɩtɩ se'em na ãn wʋ dũnia nẽrba n ka mi Nawẽnnɛ n ɩtɩ se'em na, dɔla Asũtãana n de pãnsɩ dõma n boe saazuum naba la, ẽŋa n tõnnɩ na sɛba n sɩ'ɩsrɩ Nawẽnnɛ nõorɛ la.

Efɛɛzɩ 2:2 Iomraidhean Croise

Amatie 11:19

Ti Asaala Dayua wa'am na dita gee nyuura, ti ba yeti, ‘Bihɛ ya, a dela puya'an daana la danyuura. A dela kubetɔ'ɔhereba la be'emduma zɔ.’ Gee la bala za'a, Yɛm daana tuuma en bo'ori en buurɔ.”

Amatie 13:22

Han dɛna sɛba en zɔgɛ gu'uhi puan la, eŋa dela se'em en wum yelefum la, gee ti tiŋa wa zuo yɛla nyɛlum la tarega pa'ahɛ la ni gu' yelefum la ti bu ka ta'am wam sɛla.

Amatie 13:38

Va'am la dela timpaberɛ wa, ti bumbuulesuma la dɛna sɔ'ɔlum la kɔma, ti mɔyileŋo la dɛna Sagena la kɔma,

Amarkɩ 4:19

gee ti timpaberɛ wa vom yɛla pakɛ ba, la tarega yɛla pa'ahegɔ yɛla, la ba suya en boti lɔgeseto yɛla wa'am na pɛregɛ yelehum la, ti bu kan ta'am wam.

Aluki 16:8

A daana la en ta baŋɛ la, a pɛgɛ ŋmɛlema lɔgebehera kpɛ'ɛma wa mɛ, la kaŋa en nyaŋɛ tarehɛ ka yele la se'em la yɛm. La dela bala mɛa, zina beere wa nɛreba tã zãla ba mɛhi saŋa wa yɛla la yɛm gana niihum puan nɛreba.

Aluki 22:31

“Ti Yezu yeti, Simɔn, Simɔn, kɛleha suŋa, Sagena la to'e la yɔ'ɔ ti a yeele ya za'a wuu ki uto la bahɛ.

Azã 12:31

Tiŋa la gakerɛ paaɛ ya, se'em n sɔi timpaberɛ wa bihera la dika saŋa paaɛ ya.

Azã 13:2

Ba zaanuurɛ dia saŋa, ti Sagena la pun diŋɛ kalum Yudasi en de Simɔn Isikariyɔte dayua la puti'irɛ mɛ, ti a koohe Yezu.

Azã 13:27

Ti en to'e boroboro la ba'ahɛ la, ti Sagena la kɛ̃ en. Ti Yezu yele en yeti, “Tum fum yeti fum tum se'ere la kalam.”

Azã 14:30

N kan le ta'am tɔgɛ la ya yuue, se'ere en sɔi la, Be'em daana se'em n pɛregeri timpaberɛ wa zuo kini me na. A me ka tari n paŋa,

Azã 15:19

Ya han deni timpaberɛ wa zuo dinɛ, timpaberɛ wa zuo wan nɔŋɛ ya wuu a dinɛ la. Gee yan dagi timpaberɛ wa zuo dinɛ la, gee mam n looe ya yehe timpaberɛ wa puan la, bala zuo ti timpaberɛ wa zuo yaaɛ ya la.

Azã 16:11

Ba me ka mi' gakerɛ n de sɛla, beni zuo, ba pun gakɛ be'em daana la en boi timpaberɛ wa zuo la mɛ.

Azã 7:7

Tiŋa wa zuo ka yaaɛ yamam, gee ba yaaɛ mam mɛ, se'ere n sɔi la mam kɔ'ɔm dɛna la aze'nyɛ daana ti ba tuuma dela be'em.

Azã 8:23

Ti Yezu yele ba yeti, “Yamam yehe la timpaberɛ wa zuo na, gee mam yehe la saazuo wa ha. Yamam dela timpaberɛ wa zuo dinɛ, gee mam dagi timpaberɛ wa zuo dinɛ.

Azã 8:44

Ya kɔ'ɔm ze'ele la ya sɔ Sagena la zi'an na, gee me looe ti ya tum ya sɔ tuunfi'iha sumboolum la. A dela nɛre kuura pi'ileŋo puan na, ka bɔta yelemɛŋerɛ, se'ere n sɔi la, yelemɛŋerɛ ka boi a puan. A han parum, a tɔgeri dɔla la a naanɛ n bala, se'ere n sɔi la, a dela pumparema, gee dɛna pumpɔreŋɔ woo sɔ.

Tõoma 19:35

Gee tiŋa la gɔnguleha en ta bahɛ ti nɛreba la go'e la, a yele ba yeti, “Ɛfisu tiŋambiihi wa, ani n gee ka mina ti Ɛfisu wa n biheri Atemis se'em n gani za'a la zɔŋɔ la, la bage se'ere saazuo ha lu na la?

Tõoma 5:3

Ti Pita soke “Ananiya” yeti, “Ŋwani ti Sagena la pirɛ fum suure paaɛ bala ti fum parum bo' Fa'a Sia, doohe fum aaɛ samanɛ la ti fum koohe la ligeri i se'ehi biŋe la?

Aromduma 12:2

Da dikɛ ya mɛhi naaɛ la tiŋa wa zuo yɛla, gee tugum malum sɛ ya mɛhi, ya puti'ira teere puan, la ya viihɛ baŋɛ sɛla en de Yinɛ sumboolum, la sɛla en ani suŋa, nara gee ba'ahɛ za'a.

1 Korẽntɩ 5:10

ka pa'alɛ la fii me ti sɛba en ka dole Kiresta tiŋa wa zuo la, bii sɛba en nyigere, la fãareba, bii bage kaabereba. La han dɛna bala, la yi dela ya bahɛ tiŋa wa zuo en bala.

1 Korẽntɩ 6:11

Gee bala ti ya sɛba daa ana. Gee ba pee ya mɛ, ba sukɛ ya mɛ, ba bo' ya la buurɔ tu Daana Yezu Kiresta yu'urɛ la, la tu Yinɛ Sia la puan.

2 Korẽntɩ 4:4

Ba yele la dela, tiŋa wa zuo yinɛ la n pi' sɛba n ka nam Yezu la puti'ira, ti a gu ba ti ba da nyɛta faarɛ yelehum niihum la n de Kiresta suŋa la. Kiresta se'em n de Yinɛ mɛŋa naanɛ la.

Galatɩ 1:4

eŋa se'em en dikɛ a mɛŋa bo' tumam be'em zuo, ti a faaɛ tɔ be'em buuri sankana wa puan bahɛ, doohe tu Yinɛ n de tu Sɔ la sumboolum en de se'em la,

Efɛɛzɩ 1:21

ti a gana bihereba za'a, kpe'eŋo la pahi za'a, la na'am woo n boi, gee gana yu'ura woo en tabelɛ sigɛ, dagi la zina buuri saŋa wa puan ma'a, gee buuri saŋa se'ehi woo en kini na la.

Efɛɛzɩ 2:11

Bala zuo la, tɛri ya ti saŋa kayima ha, yamam sɛba n dagi Yuuduma buuri ya dɔgum puan na la, sɛba n ŋma la yi'ira ya la “Sɛba n ka ŋma.” Ŋmaa kana wa dela ingɔŋɔ ŋmaa, ti nɛreba nu'uhi ŋmata.

Efɛɛzɩ 2:13

Gee nananawa, Yezu Kiresta zuo, yamam sɛba ti saŋa yuum bɔna ti ya zaaɛ zaaɛ ha la, ba nyaa tari ya lɛm me na, Kiresta ziim la zuo.

Efɛɛzɩ 2:3

Tu za'a yuum nan vɔi mɛ la ba, dɔla tu inganɛ kɔrɛ, la tu mɛhi puti'ira. Tu yuum dela nɛresɛba ti Yinɛ sunsunyiim dɔla tɔ, wuu kɔma woo en ani se'em la.

Efɛɛzɩ 4:17

Nananawa, mam ka'ani ya mɛ gee nyɛta ya la ninmu'urɛ Daana la puan yeti, da le vɔni ya wuu sɛba n dagi Yuuduma la n vɔi se'em, ba putɛ' yooro la puan la.

Efɛɛzɩ 4:22

Ba pa'alɛ ya ti ya bahɛ ya vom kɛka sore la, ya naanɛ kɛka la, n de ŋmɛlema naanɛ ti kunkoma'ahum pirɛ dɛ la,

Efɛɛzɩ 5:6

Da bahɛ ya ti se'em pã'ahɛ ya la gɔɔm yetɔgum. Se'ere en sɔi la, yele ana zuo ti Yinɛ sunsunyiihum wan sige sɛba n ka nane la zuo.

Efɛɛzɩ 5:8

Se'ere en sɔi la, ya daa nan boi la lika puan, gee nananawa Daana la puan, ya dela la niihum. Bala Vɔni ya wuu kɔmsɛba n boi niihum puan la.

Efɛɛzɩ 6:12

Se'ere en sɔi la, tu ka zaberɛ mɛ la dima en tari ziim la kuba, gee tu zaberɛ mɛ la bumbɛ'ɛhi en sɔi zi'ihi biha, tu zaberɛ mɛ la pahi, la kpe'eŋo en boi sabeeo puan, buuri sankana wa en boi lika puan wa. Tu zaberɛ mɛ la sia puan pambɛ'ɛhi en boi zi'ihi se'ehi saazuo ha.

Kolɔsɩ 1:21

Wunse'eren ha la ya daa nan zaaɛ mɛ, gee dɛna dinduma ya puti'ira puan, tuna be'em tuuma la,

2 Timoti 4:10

se'ere en sɔi la, Demase en nɔŋɛ zina beere tiŋa wa la, bahɛ mam gee kiŋɛ la Tɛsalonika tiŋa. Gee Kiresensi kiŋɛ Galatia, ti Taitusi me kiŋɛ Dalematiya tiŋa.

Yemesi 1:27

Pu'uhegɔ seko en de fa'a, ka tara galeŋɔ Yinɛ en de Sɔ la nɛŋan en ŋwana. Tu bihera kiibehi, la pokɔpa ba nimbu'ɔ puan, gee ka galena ya mɛhi la timpaberɛ wa zuo yɛla.

Yemesi 1:7

Nɛre se'em en ani ŋwana da ti'iha ti a wan to'e sɛla Daana la zi'an.

Yemesi 4:4

Bunyaalehi wa! Ya ka mi' ti ya nyɔgɛ zɔtɔ la timpaberɛ wa, dela ya dɛna dinduma la Yinɛ? Ŋwana zuo, fum se'em woo en boti fum dɛna timpaberɛ wa zuo zɔ, lebege la Yinɛ dima.

1 Pita 1:14

Wuu yan de kɔma en nane la, da naaɛ ya la kunkoma'ahum sebo taaba ti ya yuum pun tara, yan yuum nan ka mi' la.

1 Pita 4:3

Ya pun diŋɛ dikɛ la saŋa zo'e zo'e tuna sɛla ti sɛba en dagi Yuuduma ita la. Zufagehum, kunkɔma'ahum, buka, dikãra, yaalegɔ, la baga kaabegɔ.

2 Pita 2:14

Ba nini kɔ'ɔm biha la yaalegɔ yɛla ma'a, ka tigera be'em. Ba ta' pa'aha la sɛɛhi se'ehi en ka ze' suŋa la. Ba zamehi ba suya la nyika. Nɔpɔrɛ kɔma en de ba!

1 Zã 3:10

Yinɛ kɔma, la Sagena la kɔma en niiɛ ba mɛhi se'em en ŋwana. Se'em woo en ka tuni sɛla en de tuuntɔɔ ka ze'ele Yinɛ zi'an na, bii fum se'em woo en ka nɔŋɛ fum suurɔ.

1 Zã 3:8

Se'em woo en tari tuure dela Sagena la bia, se'ere en sɔi la, Sagena la pun tuura mɛ la bala pi'ileŋen na. Yinɛ Dayua la niiɛ na la yele dina zuo, ti a lorege Sagena la tuuma za'a za'a.

1 Zã 4:4

Kɔmbibehi wa, yamam ze'ele la Yinɛ zi'an na, gee nyaŋɛ ba, se'ere en sɔi la, se'em n boi ya puan la gani se'em en boi tiŋa wa zuo la mɛ.

1 Zã 5:19

Tumam mi' ti tu dela Yinɛ kɔma, gee be'em en ba' zo'e tiŋa wa zuo za'a.

1 Zã 5:4

se'ere n sɔi la, se'em woo ti Yinɛ dɔgɛ nyaŋeri tiŋa wa mɛ. Nyaŋerɛ se'ere en nyaŋɛ tiŋa wa zuo n ŋwana, tu sakerɛ.

Lilegere 12:9

Ti ba lobe bunsɛla kãtɛ wa bahɛ timpaberɛ wa zuo na. Se'em en de diimen diimen zugɔ la ti ba yi'ira Sagena la Sitaani, se'em en pa'aheri tiŋa wa zuo za'a nɛreba la. Ba lobe en bahɛ la timpaberɛ wa zuo na, lagum lobe a suŋereba la, la en bahɛ na.

Lilegere 13:14

Ti doohe la kirehi wa ti ba bo' sore ti a ze'ele yia bunsilemasio la na'arɛ tum bo' en la, ti a nyaŋɛ pã'ahɛ timpaberɛ wa zuo nɛreba za'a, yɛta ba yeti, ba maalɛ yia bunsilemasio la ti su'a pɔgelum en gee ti a sina gee vɔna la naanɛ,

Lilegere 13:8

Ti nɛreba woo en boi timpaberɛ wa zuo wan na'aha en. Se'em woo yu'urɛ en ka gulehɛ iŋɛ vom gɔŋɔ la gee ti ba baŋɛ naam timpaberɛ wa la, gɔŋɔ wa dela pebila wa gɔŋɔ, pebila sɛka ti ba kɔregɛ la.

Lilegere 16:17

Ti suŋera buyopɔi daana la ka'ɛ a laa la bahɛ sabeeo puan, ti kɔkɛ'ɛŋa ze'ele pu'uhegɔ yire la puan, na'am kuka kãtɛ la zuo na yeti, “La tum ya.”

Lilegere 20:2

Ti a nyɔkɛ bunsɛla la, diimen diimen wɔbekimɔ se'em yu'urɛ en yi'iri Sagena, la Sitaani la, lu' en biŋe yuuma tuhere,