Efɛɛzɩ 1:5 - ZE'ELEGO PAALEGA

⁵ A daa pun maahum tu mɛ ti a to'e tu biha, ti tu dɛna a kɔma Yezu Kiresta puan, wuu sum, la boolum sebo en boi a sumboolum puan la,

Farefare Ninkaré

⁵ A nõŋlʋm na ĩyã tɩ a dẽŋɛ looge tõma tɩ tɩ lebge a kɔma Azezi-krisi ĩyã, wʋ a mẽŋa yɛm n boorɩ se'em na.

Efɛɛzɩ 1:5 Iomraidhean Croise

Amatie 1:25

Gee Yosefe ka makɛ naaɛ la Mɛɛri ta paaɛ se'em ma'a ti Mɛɛri dɔgɛ budibela la, ti Yosefe sigɛ ka yu'urɛ Yezu.

Amatie 11:26

Ɛ̃ɛ n Sɔ, fum zu'uhegɔ suboolum en pun daa dɛna se'em n bala.

Aluki 10:21

Sankaŋa mɛa puan, ti Yezu nyɛɛna Fa'a Sia la puan yeti, “N pu'uhɛ ya n Sɔ, saazuo la tiŋa Daana, la fum en sugɛ yele ana wa yɛm la mi'ilum duma, gee tugum lilege a bo' kɔmbilɛɛhi wa. La dela sira n Sɔ, fum zu'uhegɔ la fum sumboolum n de se'em n bala.

Aluki 11:32

Ninevɛ tiŋa nɛreba wan ta ihege ze'ele gakerɛ daarɛ la tɔgɛ lubɛ saŋa kana buuri wa, se'ere en sɔi la, Yona en yuum tɔgɛ bo' ba la, ba yuum tee mɛ. Gee bihɛ ya, se'em en gani Yona en bala bɔna ka'lam wa.

Aluki 12:32

“Da zoti ya dabeem n pebibehi wa, la dela Sɔ la pupeelum ti a dikɛ sɔ'ɔlum la bo' ya.

Azã 1:12

Gee sɛba woo en to'e en la, sɛba en sakɛ bo' a yu'urɛ la, bamam ti a bo' ba paŋa ti ba dɛna Yinɛ kɔma.

Azã 11:52

dagi bamam timpaberɛ la ma'a, gee ba lagehɛ sɛba woo n de Yinɛ kɔma, yiregɛ la wa'am bɔbeyinɛ na.

Azã 20:17

Ti Yezu yele en yeti, “Da nan gi' mam, se'ere n sɔi la n nan ka zom sɔ la zi'an. Gee kiŋɛ ta yele n suurɔ la yeti, ‘N yeti n kiŋɛ la n sɔ la n de ya sɔ la, la mam Yinɛ la n de ya Yinɛ la zi'an.’ ”

Tõoma 13:48

Sɛba n dagi Yuda buuri la n wum ŋwana la, ba pee puurɛ mɛ, ti ba pɛgera Daana la yelehum la. Bama sɛba ti ba pun maahum ti ba nyɛ vomkan ba'ahɛ la bamam en nam.

Aromduma 8:23

Dagi la timpaberɛ wa ma'a, gee tumam mɛhi en tari Fa'a Sia didiina tu puan la me uheri mɛ puan ha, gee gura ti Yinɛ to'e tu bihera, gee bo' tu inganɛ wa faarɛ.

1 Korẽntɩ 1:1

Pɔɔl, se'em ti Yinɛ yi' ti, a dɛna Kiresta Yezu tuntuna, doohe Yinɛ mɛŋa suboolum la, la tu suuɔ Sositenese

1 Korẽntɩ 1:21

Ze'ele Yinɛ yɛm puan na, timpaberɛ wa zuo nɛreba ka mi Yinɛ ba mɛhi yɛm puan, Yinɛ en iŋɛ a puti'irɛ ti a doohe tumam gɔɔnɛ muulegɔ wa puan, la a faaɛ sɛba en nam la.

2 Korẽntɩ 6:18

N wan dɛna ya Sɔ, ti ya dɛna n kɔma. Daana la en de Gani Za'a Daana la en yele.”

Galatɩ 3:26

Se'ere en sɔi la, Yezu Kiresta puan, ya za'a dela Yinɛ kɔma doohe sakerɛ puan.

Efɛɛzɩ 1:11

Kiresta puan, tu tari tɔtɛ mɛ, ban pun maahum tɔ bo' eŋa se'em daana en ba'aheri sɛla woo a mɛŋa kã'aŋɔ la a sumboolum puan la.

Efɛɛzɩ 1:9

ti a iŋɛ tɔ ti tu baŋɛ a sumboolum sugelum yele, wuu sum la boolum sebo ti a pun maahum biŋe Kiresta puan

Filipi 2:13

Se'ere en sɔi la, la dela Yinɛ en boi ya puan tuna la ninmu'urɛ, bɔ'ɔra ya paŋa ti ya tana sakera gee tuna bɔ'ɔra a yu'urɛ la.

Kolɔsɩ 1:19

Eŋa puan ti Yinɛ nini tigɛ ti a za'a za'a bɔna a puan,

2 Tesaloniki 1:11

Lan paaɛ ŋwana beene la, tu pu'uheri saŋa woo mɛ bɔ'ɔra ya, suhera ti Yinɛ wan bahɛ ti ya nara la a yi'a la ti a yi' la. A wan doohe a paŋa la puan bahɛ ti ya putɛ'suma la ya sakerɛ tum,

Hiburuduma 2:4

ti Yinɛ mɛŋa en de aze'nyɛ daana la ba, la nyalema la kirehi, la paŋa tuuma yima yima, doohe Fa'a Sia la bo'olum la ti a tɔrɛ bo' doohe a mɛŋa sumboolum la.

1 Zã 3:1

Bihɛ ya nɔŋerɛ kãtɛ se'ere en boi de tɔka ti Sɔ la dikɛ bo' tu, ti ba yi'ira tumam Yinɛ kɔma. Ɛ̃ɛ tumam en sirum de sɛba n bala. Se'ere en sɔi ti tiŋa wa ka mina tu la dela, tiŋa wa yuum ka ka mi' en.

Lilegere 21:7

Se'em en nyaŋɛ la, en wan to'e lɔge tuna, ti n dɛna a Yinɛ, ti a dɛna n bia.