Efɛɛzɩ 1:4 - ZE'ELEGO PAALEGA

⁴ wuu en looe tu se'em Kiresta puan gee nyaa baŋɛ naam timpaberɛ wa la, ti tu dɛna tuulum nɛreba, ka tara tuure a nɛŋan, a nɔŋerɛ la puan la.

Farefare Ninkaré

⁴ Nawẽnnɛ looge tõma la ẽŋa ĩyã, lan dẽŋɛ dũnia nãaŋɔ, tɩ tɩ welge to'ore dɛna a nẽrba, ka tara yelle a nẽŋam.

Efɛɛzɩ 1:4 Iomraidhean Croise

Amatie 24:22

Yinɛ han ka ŋmaaɛ dabeha aŋa la girego bahɛ, nɛra ka bu n wan nyɛ faarɛ. Gee sɛba ti Yinɛ looe la zuo, a wan ŋmaaɛ dabeha aŋa girega girega.

Amatie 24:24

Se'ere en sɔi la, Kiresta pumparenduma la nɔtɔgehe pumparenduma wan wa'am na tuna daalehum kãra, nyalema ti ba pã'ahɛ nɛreba zo'e zo'e ti ba bɔregɛ. La han wan ta'am iŋɛ ni, ba wan lagum pã'ahɛ sɛba ti Yinɛ mɛŋa looe la.

Amatie 24:31

Tintanɛ wan ta peebe paŋa paŋa, ti a yi' a suŋereba tum ba ti ba doohe tiŋa wa luga anaahi la za'a lagehɛ sɛba ti a pun looe, ze'ele lugerɛ deyima ta paaɛ lugerɛ deyima.

Amatie 25:34

Ti naba la nyaa wan yele sɛba n boi a zuɔ nu'o bɔba la yeti, ‘Wa'am ya na, yamam sɛba ti mam Sɔ iŋɛ sum bo' ya wa, la ya sooe sɔ'ɔlum la ti ba maahum biŋe ya tiŋa wa pi'ileŋo puan ha sɔna.

Azã 10:16

Mam tari n piihi sise'ehi mɛ ti si ka bɔna piihi zɔŋɔ wa puan. N wan ba'ahum ɛ si na ti si me wum n kua. Ti piihi la za'a dɛna buyina, dunkiina ayima.

Azã 15:16

Yamam ka looe mam, gee mam n looe ya, gee tum ya ti ya kiŋɛ ta wam wala. Ya wam wala sɛ'a n kan pu'ɛ. Bala ti Sɔ la wan bo' ya sɛla woo ti ya soke en mam yu'urɛ puan.

Azã 17:24

N Sɔ, mam le bɔta ti, nɛresɛba ti fum dikɛ bo' mam wa ta lagum bɔna la mam n bɔŋa zi'an la puan, la ba nyɛ na'ahegɔ seko ti fum mɛŋa dikɛ bo' mam, doohe la fum nɔŋɛ mam se'em gee ti timpaberɛ wa baŋɛ naam la zuo.

Tõoma 13:48

Sɛba n dagi Yuda buuri la n wum ŋwana la, ba pee puurɛ mɛ, ti ba pɛgera Daana la yelehum la. Bama sɛba ti ba pun maahum ti ba nyɛ vomkan ba'ahɛ la bamam en nam.

Tõoma 15:18

nɛreba bɔkera yele ana yuuma yuuma ha la.’

Tõoma 18:10

Se'ere n sɔi la, mam boi mɛ la hɔ, ti nɛra ka bɔna wan dikɛ a nu'o kalum hɔ bii a pɔgelum hɔ. Se'ere n sɔi la, nɛreba zo'e mɛ tinkana wa puan mɛ dɛna mam nɛreba.”

Aromduma 8:33

Ani n wan ta'am tari se'ere na dɔgelɛ sɛba ti Yinɛ looe la zuo? La dela Yinɛ mɛŋa en bo' tu buurɔ.

1 Korẽntɩ 1:8

A me wan sɛ ya ze'ele suŋa suŋa ta paaɛ ba'ahegɔ, ti ya kan tara gbelegere, tu Daana Yezu Kiresta dabeherɛ la puan.

Galatɩ 5:13

Ba yi' ya wa'am la fai puan na, n suurɔ, gee da dikɛ ya fai kana wa galena ya mɛhi. Gee tugum doohe ya nɔŋerɛ puan, tuna bɔ'ɔra taaba suŋa suŋa.

Galatɩ 5:22

Gee Sia la walɛ dela, nɔŋerɛ, nyɛɛma, suma'ahum, ŋmibega, pupɛɛla itesuŋɔ, la sakerɛ,

Galatɩ 5:6

Beni zuo, Kiresta puan, fum ŋma ya yoo, fum ka ŋma yoo, la ka tari sɛla tɔ'ɔra. Yele se'ere ma'a en tari sɛla tɔ'ɔra dela, sakerɛ en dole nɔŋerɛ puan.

Efɛɛzɩ 2:10

Tumam dela sɛba ti a iŋɛ tɔ ti tu dɛna la. A naam tu la Kiresta Yezu puan, ti tu tuna tunsuma sɛ'a ti Yinɛ pun maahum a ti a dɛna tu vom sore la.

Efɛɛzɩ 3:17

ti Kiresta bɔna ya suya puan, sakerɛ zuo, wuu yan ba' nyɛga gee tara nɔŋerɛ puan se'em la.

Efɛɛzɩ 4:2

Voni ya ya vom za'a la sirege n mɛŋa, zulaam, gee ŋmibera la taaba nɔŋerɛ puan.

Efɛɛzɩ 5:2

gee vɔni ya la nɔŋerɛ wuu Kiresta n nɔŋɛ tɔ se'em, dikɛ a mɛŋa bo' tu se'em, lebege nyuuŋo suŋɔ kaabegɔ bo'olum ti ba kaabɛ bo' Yinɛ la.

Efɛɛzɩ 5:27

wuu n boti a dikɛ lageŋɔ la, la ku suŋa la bo' a mɛŋa, ti sɛla da ti'ɛ, bii lirum, bii sɛla kalum kɔ la. Ɛ̃ɛ, ŋwana ti lageŋɔ la wan dɛna tuulum lɔkɔ ka tara dɛkɔ.

Filipi 2:15

bala ti ya kan tari gbelegere la taalɛ, ya wan dɛna Yinɛ kɔma en ka tari dɛkɔ nɛre ŋmɛlema, la fãareba buuri saŋa nɛreba wa tiŋasuka. Niiri ya ba puan timpaberɛ wa zuo wuu ya dela bugum la.

Kolɔsɩ 1:22

e a nyaa dikɛ ya naaɛ mɛ, doohe amɛŋa saala ingɔŋɔ kum la puan, ti a bahɛ ti tu dɛna tuulum nɛreba, ka tara dɛkɔ bii geere a nɛŋan,

Kolɔsɩ 2:2

Mam boti ba suya nyɛ la kpemehego, naaɛ taaba nɔŋerɛ puan, gee nyɛ bɔkerɛ se'ere en gani za'a, tara tibehum, gee me tara mi'ilum doohe Yinɛ sugelum yele la en de Kiresta a mɛŋa la.

Kolɔsɩ 3:12

Wuu Yinɛ en looe ya la, ti ya dɛna tuulum nɛreba ti a nɔŋɛ la, bagɛ mɛhi la ya nɛreba giile, itesuŋɔ, sigehe mɛa, ma'ma', la sudi'ihego

1 Tesaloniki 3:12

Gee ti Daana la iŋɛ ya ti ya zo'e, gee pirɛ la nɔŋerɛ bɔ'ɔra taaba la nɛra woo, wuu tumam en pirɛ la nɔŋerɛ bɔ'ɔra ya se'em la.

1 Tesaloniki 4:7

Yinɛ ka yi' tu na bahɛ dɛgerɔ tuuma puan, gee tu dɛna Yinɛ tuulum duma.

2 Timoti 1:9

se'em en faaɛ tɔ, gee yi' tu tuulum yi'a, dagi la tu tuuma zuo, gee eŋa mɛŋa en boti se'em, la a zu'uhegɔ zuo. Zu'uhegɔ kuna wa dikɛ bo' tu doohe la Kiresta Yezu puan, diimen diimen ha,

2 Timoti 2:10

Bala zuo, mam ŋmiberi mɛ sɛla woo puan, sɛba ti ba looe la zuo, ti ba me nyɛ faarɛ se'ere en boi Kiresta Yezu puan, la na'ahegɔ seko en ka tari ba'ahegɔ la.

2 Timoti 2:19

Gee Yinɛ ɛ̃berɛ la kɔ'ɔm zɛ'a la kankaŋi, tara daalehum buna wa: “Daana la mi' sɛba en de a dinɛ.” Bala la, bahɛ ti “Sɛba woo en yi'iri Daana la yu'urɛ la yehe ba mɛhi be'em puan.”

Yemesi 2:5

Kelehe ya, n sunɔŋerɛ duma. Yinɛ ka looe la naheduma timpaberɛ wa zuo ti ba dɛna buntateba sakerɛ puan, la ba ta sɔna sɔ'ɔlum la ti Yinɛ biŋe nuurɛ bo' sɛba en nɔŋɛ en la?

1 Pita 1:2

Sɛba ti Yinɛ en de Sɔ la daa pun te'ele looe ba, maahum ba, gee duuhe ba la a Fa'a Sia la, ti ba nana Yezu Kiresta, gee ti a miihi ba la Yezu ziim la. Zu'uhegɔ la suma'ahum zo'e zo'e dɛna ya dinɛ.

1 Pita 1:20

Yinɛ yuum pun maahum en mɛ gee ti timpaberɛ wa baŋɛ pi'ilum, gee ta niiɛ en ba'ahegɔ saŋa wa puan, yamam zuo.

1 Pita 2:9

Gee yamam dela buuri se'ere ti Yinɛ looe, ya dela malemaduma nabiihi, dɛna tuulum timpaberɛ, Yinɛ mɛŋa nɛreba, ti ya muulɛ tuunkãra sɛ'a en de se'em daana en yi' ya lika puan yehe niihum kãtɛ puan na la dinɛ.

2 Pita 3:14

Bala, n sunɔŋerɛ duma wa, yan guri yele ana wa la, zigɛ ya mɛ ti ya nyɛ en la suma'ahum, ti dɛkɔ ka lama ya, bii tuure,

1 Zã 4:16

Bala tumam mi' gee me nam nɔŋerɛ se'ere ti Yinɛ tara bɔ'ɔra tu la mɛ. Yinɛ dela nɔŋerɛ, se'em woo en boi nɔŋerɛ puan, boi la Yinɛ puan, ti Yinɛ me bɔna a daana puan.

Lilegere 13:8

Ti nɛreba woo en boi timpaberɛ wa zuo wan na'aha en. Se'em woo yu'urɛ en ka gulehɛ iŋɛ vom gɔŋɔ la gee ti ba baŋɛ naam timpaberɛ wa la, gɔŋɔ wa dela pebila wa gɔŋɔ, pebila sɛka ti ba kɔregɛ la.

Lilegere 17:8

Bunsilemasio la ti fum nyɛ ni la, daa vɔi mɛ, gee ki, gee nyaa bɔna bini ti ku ze'ele boko kãtɛ la en boi tiŋa tiŋa ha la dooe na, ti ba sagum en. Ti sɛba woo en boi timpaberɛ wa zuo ti ba yu'ura ka gulehɛ bɔna vom gɔŋɔ la puan tiŋa wa pi'ileŋo puan na la, la wan ta iŋɛ ba pakerɛ ba han le ta nyɛ bunsilemasio la, beni zuo, ku daa boi mɛ, gee ki, gee le yeti ku vo'e na.