Efɛɛzɩ 1:1 - ZE'ELEGO PAALEGA

¹ Mam Pɔɔl, en de Kiresta Yezu tuntuna,Yinɛ sumboolum zuo la. N gulehɛ gɔŋɔ wa bɔ'ɔra la nɛresunduma en boi Ɛfisu, dɛna sakerɛ duma Kiresta Yezu puan la.

Farefare Ninkaré

¹ Mam Apolɩ n de Azezi-krisi Tõntõnna wʋ Nawẽnnɛ n boorɩ se'em na, n gʋlsɛ gõn-ẽna wã bɔ'ɔra yãma Nawẽnnɛ nẽrba n boe Efɛɛzɩ dɛna sɩra dõma Azezi-krisi doosgo pʋam na.

Efɛɛzɩ 1:1 Iomraidhean Croise

Aluki 16:10

“Se'em en de yelemɛŋerɛ daana yele pigehi puan, wan dɛna yelemɛŋerɛ daana yelekãra puan. Se'em daana en pini yele pika puan me wan pina yele kãtɛ puan.

Tõoma 16:15

Kaŋa la ka yire nɛreba la za'a n ta to'e ko'om sua la, ka bɛlena tumam yeti, “Ya han sirum nyɛ mam ti mam dela sakera Daana la puan, wa'am ya na kɛ̃'ɛ̃ra mam yire.” Ka tɔgera la bala tara tara ta nyaŋɛ tɔ.

Tõoma 18:19

Ban wa'am na na paaɛ Ɛfisu la, a bahɛ ba la bilam, gee yia la, a kɛ̃ la zamehegɔ yire puan, ta tɔgɛ yɛla la Yuuduma la.

Tõoma 18:21

gee en bahɛ ba gee yɛ'a la, a yele ba yeti, “Yinɛ han bɔta de bala, n wan ta lebe ye zi'an na.” Gee zom uureŋɔ Ɛfisu la yɛ'a.

Tõoma 9:13

Gee Ananiya lerege en yeti, Daana, “Mam wum nɛreba zo'e zo'e , be'em zo'e zo'e sebo taaba ti buraa kana tum fum nɛresunduma en boi Yerusalɛm,

Aromduma 1:1

Mam Pɔɔl, Yezu Kiresta da'aberɛ, ti Yinɛ ayi' mam ti n dɛna tuntuna, yehe mam ze'ele bo' Yinɛ Faarɛ yelehum la ma'a,

Aromduma 1:7

Mam Pɔɔl n gulehɛ bɔ'ɔra la yamam sɛba woo ti Yinɛ nɔŋɛ ya, ti ya bɔna Arome tiŋa puan, ti Yinɛ yi' ya ti ya dɛna nɛresunduma la. Zu'uhegɔ dɛna ya dinɛ, ti suma'ahum en ze'eti Yinɛ en de tu Sɔ, la Daana Yezu Kiresta zi'an la dɛna ya dinɛ.

Aromduma 8:1

Bala zuo, nananawa, sageŋɔ ka boi sɛba en boi Kiresta Yezu puan la zuo.

1 Korẽntɩ 4:12

tu taregerɛ mɛ la tu mɛhi nu'uhi tuuma. Ba han ni to' tɔ, tu ni ka' la sum bo' ba duma. Ba han mɛlehɛ tɔ, tu ni ŋmibe mɛ,

1 Korẽntɩ 4:17

Dina wa zuo ti n tum Timoti, se'em en de mam sunɔŋerɛ la n sakerɛ dayua Daana la puan, ti a tiihɛ ya mam n dole Kiresta Yezu yɛla la se'em, wuu mam en pa'ali a se'em zi'an woo, la Lageŋɔ woo puan se'em la.

2 Korẽntɩ 1:1

Mam Pɔɔl, n de Yezu Kiresta tuntuna, doohe la Yinɛ sumboolum, la Timoti tu suuɔ la en gulehɛ bɔ'ɔra Yinɛ lageŋɔ la n boi Korinti puan la, la nɛresunduma la woo n boi Akaiya tiŋa puan za'a la.

Galatɩ 1:1

Mam Pɔɔl en de tuntuna, dagena la asaala en tum mam bii asaala en bo' mam sore, gee la doohe la Yezu Kiresta puan, la Yinɛ en de Sɔ la, vo'e Yezu a kum puan na la,

Galatɩ 3:26

Se'ere en sɔi la, Yezu Kiresta puan, ya za'a dela Yinɛ kɔma doohe sakerɛ puan.

Galatɩ 3:28

Dinɛ zuo, Yuuduma buuri bii Giriki buuri ka le bɔna, da'aberɛ bii fai daana ka le bɔna, buraa bii pɔka ka le bɔna. Se'ere en sɔi la, ya za'a dela buyina Kiresta Yezu puan.

Galatɩ 3:9

Dina wa zuo, sɛba en nam la nyɛti sum mɛ la Aberaham se'em en daa nam la.

Efɛɛzɩ 1:15

N wum yan tari sakerɛ Daana Yezu puan se'em, la yan tari nɔŋerɛ se'em bɔ'ɔra nɛresunduma la za'a. Ŋwana zuo,

Efɛɛzɩ 2:10

Tumam dela sɛba ti a iŋɛ tɔ ti tu dɛna la. A naam tu la Kiresta Yezu puan, ti tu tuna tunsuma sɛ'a ti Yinɛ pun maahum a ti a dɛna tu vom sore la.

Efɛɛzɩ 2:13

Gee nananawa, Yezu Kiresta zuo, yamam sɛba ti saŋa yuum bɔna ti ya zaaɛ zaaɛ ha la, ba nyaa tari ya lɛm me na, Kiresta ziim la zuo.

Efɛɛzɩ 2:6

Yinɛ vo'e tu mɛ la Kiresta, gee bahɛ ti tu zi'ire la en saazuo ha, Kiresta Yezu zuo.

Efɛɛzɩ 6:21

Bala me ti yamam me mina lan ani mam se'em, la mam iti sɛla. Takikuse wan yele sɛla woo. A dela tu suuɔ suŋɔ gee me tara sakerɛ Daana tuuma la puan.

Kolɔsɩ 1:2

Tu gulehɛ bɔ'ɔra la nɛresunduma, la sakereba en de tu suurɔ Kiresta puan, bɔna Kolose tiŋa la. Zu'uhegɔ dɛna ya dinɛ, la Yinɛ en de tu sɔ la suma'ahum.

Lilegere 17:14

Ba wan kɔ' zaberɛ la Pebila la, gee Pebila la wan nyaŋɛ ba. Se'ere en sɔi la, Pebila la en de Daanduma Daana, la Naduma naba. Ti sɛba en boi la en la, a yi' ba mɛ, gee loohe ba ti ba dɛna sakereba.”

Lilegere 2:10

Da zoti ya dabeem la yan boi bini ti ya namehɛ namehegɔ seko wa. Mini ya suŋa ti bumbe'o la maahum mɛ ti a bahɛ ti ba pagɛ ya sɛba paka deto puan, ti la dɛna makerɛ bo' ya, dabeha pia ti ba wan dikɛ pɔgelum ya. Gee tari ya sakerɛ ta paaɛ kum, gee ti n bo' ya vom muŋa la.

Lilegere 2:13

“N mi' ya bɔŋa zi'an, la dela zi'an ti Sagena la na'am kuka la bɔna. Gee la bala za'a ya kɔ'ɔm gurɛ mam yu'urɛ la mɛ kankaŋi, gee ka zagehɛ ya sakerɛ la mam, pun ta paaɛ zahera Antipas se'em en daa de mam aze'nyɛ daana, tara sakerɛ la mam, ti ba daa ku en ya tiŋasuka, Sagena la bɔŋa zi'an la.