Kolɔsɩ 4:2 - ZE'ELEGO PAALEGA

² Boni ya pu'uhegɔ puan saŋa woo gurɛ yan pu'uheri se'ere zuo la ya suya puan suŋa suŋa la fara bu'a.

Farefare Ninkaré

² Pʋ'ʋsra-ya Nawẽnnɛ da basɛ, mõrgɛ-ya la pʋ'ʋsgɔ, pʋ'ʋsra-ya ẽ a yel-sõnnɛ.

Kolɔsɩ 4:2 Iomraidhean Croise

Amatie 26:41

Da gihi ya, gee pu'uhi ya ti ya da kɛ̃ makerɛ puan. Sia la kɔ'ɔm bɔta mɛ gee inganɛ la la n tari tɔregɔ.”

Amarkɩ 13:33

Mini ya, gee maahum ya, se'ere en sɔi la, ya ka mi' saŋa la n ye' se'em ma'a na.

Aluki 18:1

Ti Yezu makɛ makerɛ bo' ba, ti ba pu'uha, saŋa woo gee ti ba giila da kɔ'ɔha.

Aluki 21:36

Bala, maahum ya ya mɛhi saŋa woo, Pu'uheri ya ti ya wan tara paŋa nyaŋɛ piiɛ yele ana wa woo n wan iŋɛ la, gee ta'am ze'ele Asaala Dayua la nɛŋan.”

Tõoma 1:14

Bana za'a lagehɛ la taaba dikɛ ba mɛhi bo' pu'uhegɔ daarɛ woo, la pɔgehi sise'ehi, ti Yezu ma Mɛɛri lagum bɔna bini, la Yezu suurɔ la.

Aromduma 12:12

Nyɛɛni ya mɛ la beere puti'irɛ, tara ya sugeri ya namehegɔ puan, gee me ŋmibera ya pu'uhegɔ puan.

Efɛɛzɩ 6:18

Bala pu'uheri ya Sia la puan saŋa woo, ya pu'uhegɔ la ya suhega woo puan. Ti ba'ahegɔ puan, da ga' ya gihera gee sɔheri ya saŋa woo bɔ'ɔra nɛresunduma la za'a.

Filipi 4:6

Da fabele ya sɛsɛla yele, gee sɛla woo puan, doohe ya pu'uhegɔ, gee suhega, la fara bu'a puan, bahɛ ti Yinɛ baŋɛ yan boti sɛla la.

Kolɔsɩ 1:9

Dina wa zuo, daan se'ere daarɛ ti tu wum dɛna wa la, tu ka go'e tu pu'uha bɔ'ɔra ya, gee suhera ti ya pirɛ la Yinɛ suboolum mi'ilum, la Sia puan yɛm woo, la bɔkerɛ woo,

Kolɔsɩ 2:7

ba' ya nyɛga, gee mɛ ya mɛhi yagelɛ a zuo, gee sɛ' ya ze'ele kankaŋi sakerɛ la puan, wuu ban pa'alɛ ya se'em la, pirɛ yabera la fara bu'a.

Kolɔsɩ 3:15

Gee me bahɛ ti Kiresta suma'ahum pirɛ ya suya, yele se'ere zuo ti ba yi' ya na pa'ahɛ inganɛ deyina lageŋɔ la puan en bala. Gee la ya me bo'ori Yinɛ fara.

Kolɔsɩ 3:17

Gee ti sɛla woo ti ya ita, la dɛna tugum bii tuuma, iti ya sɛla woo Daana Yezu yu'urɛ la puan, bɔ'ɔra Yinɛ en de Sɔ la fara dɔla Yezu puan.

Kolɔsɩ 4:12

Epafaras, en de ya ayima la, dɛna Kiresta [Yezu] da'aberɛ pu'uhi ya na. A mɛɛrɛ saŋa woo pu'uhegɔ puan ya zuo, ti ya wan ze'ele bi'ɛ suŋa, gee ka bu'ura ya suure puan la Yinɛ sumboolum en de se'em.

1 Pita 4:7

Sɛla woo ba'ahegɔ pɔri mɛ. Bala, mu'ɛ ya nini, gee ta'na ya mɛhi tara suŋa, ya pu'uhegɔ zuo.