Kolɔsɩ 4:12 - ZE'ELEGO PAALEGA

¹² Epafaras, en de ya ayima la, dɛna Kiresta [Yezu] da'aberɛ pu'uhi ya na. A mɛɛrɛ saŋa woo pu'uhegɔ puan ya zuo, ti ya wan ze'ele bi'ɛ suŋa, gee ka bu'ura ya suure puan la Yinɛ sumboolum en de se'em.

Farefare Ninkaré

¹² A'epafrasɩ n de ya nẽra la pʋ'ʋsra ya. Ẽŋa n de Azezi-krisi tõntõnna la mõrgrɩ mɛ pʋ'ʋsra Nawẽnnɛ ya yelle ka basra tɩ ya ze'ele kãŋkãŋɛ, dɛna nẽrba n bɩ sɛla woo pʋam sakɛ Nawẽnnɛ n boorɩ se'em wuu.

Kolɔsɩ 4:12 Iomraidhean Croise

Amatie 5:48

Deni ya sɛba en bi'ɛ kahegɛ woo ya Sɔ en boi saazuo ha bi'ɛ kahegɛ se'em la.

Aluki 1:1

Lan de ti nɛreba zo'e zo'e maahum ti ba gulehɛ ti la doohe taaba, yele sɛ'a en wa'am asira na tumam tiŋasuka la,

Aluki 22:44

Ti a ze'ele a susageŋɔ la puan pu'uhɛ tuulɛ tuulɛ, ti a iŋa muregere ana wuu ziim la tɔgeha tiŋa. Diimen diimen gulehegɔ tuseto ka tari ka'lam]

Azã 12:26

Se'em n wan dɛna mam yameŋa dela, a dɔla mam. Mam n boi zi'an la, n yameŋa la me wan bɔna la bilam. Se'em woo n de mam yameŋa tuna bɔ'ɔra mam la, Sɔ la wan zɛkɛ en.

Aromduma 15:14

Mam mɛŋa nam ya mɛ n suurɔ, ti ya mɛhi pirɛ mɛ la itesuŋɔ, pirɛ la mi'ilum za'a, wan ta'am ka'am taaba.

Aromduma 15:30

N yeti ya mɛ la ninmu'urɛ n suurɔ, tu Daana Yezu Kiresta puan, la Sia la nɔŋerɛ puan, ti ya naaɛ la mam la ninmu'urɛ pu'uhegɔ bo' Yinɛ n zuo,

1 Korẽntɩ 14:20

N suurɔ, da deni ya kɔma ya ti'ihegɔ puan, gee tugum deni ya kɔmbilɛɛhi be'em tuuma puan, gee ti'ihegɔ puan deni ya bunkureba.

1 Korẽntɩ 2:6

Gee la bala za'a, sɛba en bi'ɛ sakerɛ puan la, ti tari yɛm tɔgera mɛ, gee dagi zina beere yɛm wa puan, bii pahi se'ehi en sɔi zina beere wa biha, gã'a gura sageŋɔ paaɛ si wa.

2 Korẽntɩ 13:11

Ba'ahegɔ za'a n suurɔ, nyɛɛni ya. Maahum ya sɛla woo suŋa, kpemehe ya taaba suya, sakerɛ ya bo'ori ya taaba, boni ya la suma'ahum, ti Yinɛ En de nɔŋerɛ la suma'ahum Yinɛ la wan bɔna la ya.

Galatɩ 1:10

Nananawa, mam nyaa eere la saaleba sakɛ bo' mam yoi? Bii n eere la Yinɛ sakɛ bo' mam? Bii n tugum nyaa zigera ti n pee la saaleba puya? Mam han kelum dole ni la n pɛɛra saaleba puya, mam kan deni Kiresta yameŋa.

Galatɩ 4:19

N kɔmbibehi wa, yamam sɛba zuo ti n le bɔna wuŋerɛ puan wuu n viregere mɛ la, gura ti Kiresta naanɛ ta to'e ya wa.

Kolɔsɩ 1:22

e a nyaa dikɛ ya naaɛ mɛ, doohe amɛŋa saala ingɔŋɔ kum la puan, ti a bahɛ ti tu dɛna tuulum nɛreba, ka tara dɛkɔ bii geere a nɛŋan,

Kolɔsɩ 1:28

La dela eŋa ti tu muula wa, ka'ana nɛra woo gee pa'ala nɛra woo yɛm puan, ti tu wan bi'ihɛ nɛra woo Kiresta puan.

Kolɔsɩ 1:29

Dina zuo ti mam zigera la pansɛka woo ti a dikɛ iŋɛ mam puan la paŋa la inkpeŋere la.

Kolɔsɩ 1:7

Dina ti ya zamehɛ Epafaras zi'an, tu yameŋa tadaana, se'em ti tu nɔŋɛ la. A dela Kiresta yelemɛŋerɛ tuntuna ya zuo,

Kolɔsɩ 1:9

Dina wa zuo, daan se'ere daarɛ ti tu wum dɛna wa la, tu ka go'e tu pu'uha bɔ'ɔra ya, gee suhera ti ya pirɛ la Yinɛ suboolum mi'ilum, la Sia puan yɛm woo, la bɔkerɛ woo,

Kolɔsɩ 4:9

A kini me na la Onesimuse, en de sakerɛ daana, tu suuɔ ti tu nɔŋɛ, a dela yamam ayima. Ba wan yele ya sɛla woo en iti ka'lam.

1 Tesaloniki 5:23

Suma'ahum Yinɛ la mɛŋa wan sukɛ ya za'a za'a. Ya sia za'a, la ya puti'irɛ za'a, la ya iŋa za'a, la ya inma'ahum za'a, maahum ya biŋe gura tu Daana Yezu Kiresta kinɛ na.

Afilmõ 1:23

Epafarase, se'em ti ba lagum pagɛ en la mam Kiresta Yezu zuo la, pu'uhi fum na,

Hiburuduma 5:14

Gee dikpe'ene dela sɛba en bi'ɛ kahegɛ bunɔ, sɛba en nyɛ kpemehego tuuma puan, tana wɛleha be'em la sum la.

Hiburuduma 5:7

Yezu en yuum boi timpaberɛ wa zuo, a inganɛ puan la, a yuum dikeri la pu'uhegɔ, la suhega la kɔkɛ'ɛŋa la nintam bɔ'ɔra se'em daana en wan ta'am faaɛ en kum puan bahɛ la, ti a ni kelehe en, a Yinɛ zoolum la zuo.

Yemesi 1:1

Yemesi en de yameŋa bo' Yinɛ la Daana Yezu Kiresta la, en gulehɛ gɔŋɔ wa bɔ'ɔra yizuto pia la tuyi' la en nɔgɛ bɔna zi'an woo la. Mam pu'uheri ya na.

Yemesi 1:4

Bahɛ ya ti ya ŋmibega la pirɛ, ti ya ta'am bi'ɛ kahegɛ ti sɛla da koŋe ya.

Yemesi 5:16

Ŋwana zuo, puti ya ya be'em bɔ'ɔra taaba, gee pu'uha bɔ'ɔra taaba bala ti ya wan nyɛ ya tibegɔ. Tuntɔɔ daana pu'uhegɔ tari la paŋa, gee tuna.

2 Pita 1:1

Mam Simɔn Pita, en de yameŋa, dɛna Yezu Kiresta tuntuna la, en gulehɛ bɔ'ɔra sɛba en doohe Yinɛ la Faara Yezu Kiresta tuntɔɔnɛ la puan to'e sakerɛ en de tuulum lɔkɔ wuu tumam dinɛ la.

Azudi 1:24

Nananawa, se'em Daana en wan ta'am tara ya ti ya kan lu la, gee me iŋɛ ya ti ya zɛ'a filam ti dɛkɔ ka lama ya ya Daana la suŋa la nɛŋan, la nyɛɛma.