Kolɔsɩ 3:4 - ZE'ELEGO PAALEGA

⁴ Kiresta en de ya vom la han ta niiɛ na, yamam me wan lagum niiɛ la en, la na'ahegɔ.

Farefare Ninkaré

⁴ La Krisi n de tɩ vɔm na sãn wa puke, ya wʋn po naagɛ la ẽ puke la a na'am pãŋa.

Kolɔsɩ 3:4 Iomraidhean Croise

Amatie 13:43

Gee tuntɔɔduma la wan ta nyakera mɛ wuu wuntɛɛŋa ba Sɔ sɔ'ɔlum la puan. Bahɛ ti se'em woo en tari tuba ti a wuna, kɛleha.

Aluki 17:30

La ta yeti la ana la bala Asaala Dayua la niirɛ daarɛ la.

Azã 11:25

Ti Yezu yele en yeti, “Mam n de ihigere la, la vom la. Se'em n nam mam, la han pun ki, gee ba wan vo'e,

Azã 14:3

N han kiŋɛ ta maalɛ zi'an la biŋe ya ba'ahɛ, n wan le lebe n mɛŋa na, tari ya kiŋɛ, ti zi'an ti mam bɔna la, bilam ti yamam me wan bɔna.

Azã 14:6

Ti Yezu yele en yeti, “Mam n de sore la, la yelemɛŋerɛ la, la nyɔvore la. Se'em kan ta'am paaɛ Sɔ la zi'an, han dagena a doohe la mam puan.

Azã 17:24

N Sɔ, mam le bɔta ti, nɛresɛba ti fum dikɛ bo' mam wa ta lagum bɔna la mam n bɔŋa zi'an la puan, la ba nyɛ na'ahegɔ seko ti fum mɛŋa dikɛ bo' mam, doohe la fum nɔŋɛ mam se'em gee ti timpaberɛ wa baŋɛ naam la zuo.

Azã 20:31

Gee ba gulehɛ yele ana wa, ti la bahɛ ti fum wa'am na nam ti, Yezu n de Kiresta la, Yinɛ Dayua la. Ti naŋa la puan, ya wan tara vom a yu'urɛ la puan.

Tõoma 3:15

ya tugum ku la vom daana la se'em ti Yinɛ vo'e en kum puan la. Yele dina wa ti tumam dɛna aze' nyɛ duma.

Aromduma 8:18

Mam mi' n suure puan suŋa suŋa ti namehegɔ seko ti tu nameha saŋa kana wa puan wa la, ti ku dagi sɛla en wan dikɛ makɛ la sunsɛka en maahum ti ka niiɛ bo' tu na wa.

Aromduma 8:19

Timpaberɛ wa za'a ani la kɛli, gee gura Yinɛ kɔma wa niirɛ na.

1 Korẽntɩ 1:7

bahɛ ti ya ka koŋe zu'uhegɔ bo'olum sebo ya puan, yan guri tu Daana Yezu Kiresta niirɛ na wa.

1 Korẽntɩ 15:43

Ba buti la dɛgerɔ puan, gee vɔ'ɔra suŋa puan. Ba buti mɛ la tɔregɔ, gee vɔ'ɔra la paŋa.

2 Korẽntɩ 4:17

Se'ere en sɔi la, namehegɔ pika wa n kan yuue wa maaheni tu mɛ ti tu ta'am to'e vom kamba'ahɛ sunsɛka n tibegɛ ka tara makerɛ la,

Galatɩ 2:20

La le dagena mam mɛŋa en vɔi, gee la dela Kiresta en vɔi mam puan. Ti vom sebo ti n vɔna inganɛ puan nananawa, n vɔi mɛ la sakerɛ Yinɛ Dayua la, se'em en nɔŋɛ mam gee dikɛ a mɛŋa kaabɛ bo' mam la puan.

Filipi 3:21

A wan tee tu inganɛ se'ere n nyɛti mugehego wa, ti ka ana wuu eŋa insɛka en tari suŋa wa, doohe la a pansɛka n baheri ti a ta'na bahera ti sɛla woo bɔna a nu'uhen la.

1 Tesaloniki 4:17

ti tumam sɛba en vɔi wa, la tu sɛba en yee wa, wan naaɛ la ba sagbama puan, ti tu to'ohe Daana la kusebego puan, bala ti tu wan bɔna la Daana la wuuha wuuha.

1 Timoti 6:14

ti fum tara ze'elego la, ti dɛkɔ bii zɛregerɛ da bɔna bini ta paaɛ Yezu Kiresta lɛbega na,

2 Timoti 1:1

Pɔɔl, Kiresta Yezu tuntuna, Yinɛ suboolum puan, doohe nɔbiŋere la en biŋe doohe vom sebo en boi Kiresta Yezu puan la zuo.

2 Timoti 4:8

Nananawa yɛ'a ha, sɛla en dikɛ biŋe gura mam dela, tuuntɔɔ vom muŋa, sɛka ti Daana la en de tuuntɔɔ gakera la, wan dikɛ bo' mam de daarɛ, gee dagi mam ma'a, gee sɛba woo en me guri Yezu lɛbega na la.

Taitusi 2:13

tumam n guri beere putɛ'sunɛ wa, la Yinɛ kãtɛ wa, la tu Faara Yezu Kiresta niirɛ na la na'ahegɔ la.

Hiburuduma 9:28

bala mɛa ti Kiresta, en kaabɛ a mɛŋa buyina bo' nɛreba zo'e zo'e be'em la ba'ahɛ, a wan le niiɛ na buyi' puan na, dagi a le zabɛ la be'em, gee a faaɛ sɛba en ani kɛli gura en la.

1 Pita 1:13

Ŋwana zuo, maahum ya puti'ira ti ya tum. Tana ya mɛhi tara. Bahɛ ya ti ya puti'ira za'a bɔna zu'uhegɔ seko ti Yezu Kiresta wan tari na bo' ya, a han ta niiɛ na la puan.

1 Pita 5:4

Ti dunkiin naba la han ta niiɛ na, ya wan di suŋa muŋa sɛka en ka pelegere la.

1 Zã 2:28

Gee Nananawa n kɔmbibehi wa, boni ya a puan, ti a han ta niiɛ na, tu wan tara inkpeŋere ti vi ka tara tɔ a nɛŋan, a han ta wa'am na.

1 Zã 3:2

N sunɔŋerɛ duma wa, tu dela Yinɛ kɔma nananawa. Tumam n wan ta ana se'em nan ka niiɛ. Tumam n mi' sɛla dela dina wa, Kiresta han ta niiɛ na, tu wan ana wuu en la, tu wan nyɛ en wuu en ani se'em la.

1 Zã 5:12

Se'em woo en tari Dayua la, tari vom mɛ, se'em woo en ka tari Yinɛ Dayua la, ka tari vom.

Azudi 1:24

Nananawa, se'em Daana en wan ta'am tara ya ti ya kan lu la, gee me iŋɛ ya ti ya zɛ'a filam ti dɛkɔ ka lama ya ya Daana la suŋa la nɛŋan, la nyɛɛma.

Lilegere 2:7

Bahɛ ti se'em woo en tari tuba, a kɛleha Fa'a Sia la en yeti se'em bɔ'ɔra lageŋɔ duma la. Se'em woo en nyaŋɛ, N wan bo' en sore ti a di vom tia la wala la en boi Yinɛ vo'ohego zi'an la.

Lilegere 22:1

Ti suŋera wa pa'alɛ mam kulaa sɛka en tari vom ko'om la, ti ka nyagera, ana yilaam, ze'ele Yinɛ, la Pebila la na'am kuka kãtɛ la puan zɔta na,

Lilegere 22:14

Sum wan bɔna la sɛba en pee ba futo, bala ti ba wan tara sore ti ba paaɛ vom tia la, gee me ta'am doohe tiŋa la nayahi la puan kɛ̃.