Kolɔsɩ 3:16 - ZE'ELEGO PAALEGA

¹⁶ Bahɛ ya ti Kiresta yelehum la bɔna ya puan seke. Pa'ali ya gee ka'ana taaba la yɛm, gee ti nyɛɛma en boi ya suya puan la, tari ya saaŋɔ la baaŋa, la Sia puan yuuma ya suya puan bɔ'ɔra Yinɛ.

Farefare Ninkaré

¹⁶ Basɛ-ya tɩ Krisi yetɔga la bɔna la ya lɛ sõŋa sõŋa. Tɩ ya tara yɛm zozo'e zãsna taaba, dee kã'ana taaba. Yõona-ya Nawẽnnɛ yõoma, yõona-ya yõom-sõma buuri wuu tɩ Nawẽnnɛ Sɩa bɔ ya la ya sũure wuu, pʋ'ʋsra Nawẽnnɛ a yel-sõnnɛ.

Kolɔsɩ 3:16 Iomraidhean Croise

Amatie 26:30

Ban yuum na'ahegɔ yuunɛ ba'ahɛ la, ba yehe mɛ kiŋɛ Olive Zoore la zuo.

Aluki 2:51

Ti a doohe ba kule Nazareti, ta kɛ̃'ɛ̃ra la a dɔgereba la, gee nana ba. Ti a ma dikɛ yele ana wa woo suŋa suŋa a suuren.

Azã 15:7

Ya han bɔna la mam, ti n yelehum la bɔna la ya, soke ya yan boti sɛla, gee la wan tum bo' ya.

Aromduma 10:17

Bala zuo, sakerɛ ze'eti la wuŋa puan na, ti sɛla ti ba wum la me ze'eti la Kiresta yelehum la puan na.

Aromduma 15:14

Mam mɛŋa nam ya mɛ n suurɔ, ti ya mɛhi pirɛ mɛ la itesuŋɔ, pirɛ la mi'ilum za'a, wan ta'am ka'am taaba.

1 Korẽntɩ 14:15

Beni ti n nyaa wan iŋɛ? N wan pu'uha la sia la puan, gee me pu'uha la n puti'irɛ la, gee yuuna pɛka yuuma la n sia la, gee yuum pɛka yuuma la n puti'irɛ la me.

1 Korẽntɩ 14:26

Beni en nyaa de ya iŋɛ n suurɔ wa? Ya han ni lagehɛ taaba na, ya ayima ayima tara yuunɛ, tara pa'alegɔ, tara lilegere, tara buuri yetɔgum yetɔgum bii tara yetɔge buuri buuri leregere. Iŋɛ ya sɛla woo suŋa ti la mɛ lageŋɔ la.

Efɛɛzɩ 1:17

N pu'uheri mɛ ti tu Daana Yezu Kiresta Yinɛ la, se'em en de zu'uhegɔ za'a Sɔ la, wan bo' ya a yɛm, la lilegere Sia, yan wa'am na ti ya baŋɛ en wa.

Efɛɛzɩ 5:17

Bala, da deni ya geto gee tugum bɔkeri ya Daana la sumboolum n de se'em.

Efɛɛzɩ 5:19

tari yuum suma tɔgera bɔ'ɔra taaba, kpemehego yuuma la na'ahegɔ yuuma, la Sia yuuma sɛ'a n boi ya puan. Yuuni ya la pupeelum ya suya puan bɔ'ɔra Daana la.

Efɛɛzɩ 5:26

A iŋɛ ŋwana ti lageŋɔ la dɛna la tuulum lageŋɔ doohe en duuhe ko'om en de a yelehum la,

Kolɔsɩ 1:28

La dela eŋa ti tu muula wa, ka'ana nɛra woo gee pa'ala nɛra woo yɛm puan, ti tu wan bi'ihɛ nɛra woo Kiresta puan.

Kolɔsɩ 1:9

Dina wa zuo, daan se'ere daarɛ ti tu wum dɛna wa la, tu ka go'e tu pu'uha bɔ'ɔra ya, gee suhera ti ya pirɛ la Yinɛ suboolum mi'ilum, la Sia puan yɛm woo, la bɔkerɛ woo,

Kolɔsɩ 4:6

Bahɛ ya ti ya tugum ana suŋa saŋa woo, ti saalum bɔna bu puan, ti ya mina yan wan lebehe nɛra woo se'em.

1 Tesaloniki 1:8

Se'ere en sɔi la, Daana yelehum la doohe ya puan yehe mɛ, dagi la bu paaɛ la Masedoniya la Akaiya tihi ma'a puan, gee zi'an woo, ya sakerɛ se'ere tara Yinɛ puan la niiɛ mɛ, ti la pun ka pakɛ ti tumam le tɔgɛ de yele.

1 Tesaloniki 4:18

Bala, kpemehe ya taaba la yelehum buna wa.

2 Tesaloniki 3:15

gee la bala za'a, da bihɛ ya ba wuu ba dela ya dinduma, gee ka'ani ya ba la ninmu'urɛ wuu ya suurɔ la.

1 Timoti 6:17

Han dɛna zina beere buntateba wa, ka'am ba ti ba da pa'ala ba mɛhi, bii ba dikɛ ba puti'irɛ delum sɛla en kan bɔna wuuha, gee ba tugum dɛla Yinɛ, se'em en bo'ori tu sɛla woo zo'e zo'e ti tu dita la pupeelum.

2 Timoti 3:15

ze'ele fum biilemen na, fum mi' fa'a gulehegɔ wa, en wan ta'am pa'alɛ fum ti fum nyɛ faarɛ doohe sakerɛ Kiresta Yezu puan.

Taitusi 3:6

Sɛkana wa ti a ka'ɛ bahɛ tu zuo zo'e zo'e doohe Yezu Kiresta tu Faara la puan,

Yemesi 1:5

Ya se'em han pɔ̃hegɛ yɛm, a suhɛ Yinɛ, se'em en bo'ori yabi yabi gee ka fabela la, gee a wan bo' fum.

Yemesi 3:17

Gee yɛm en ze'ele saazuo na, yia bu dela fa'a, tara suma'ahum, ma'ma, tara waŋa suboolum, pirɛ la nimbɔ'zɔrɛ, tara walesuma, ti fum kan nyɛ lugehego, bii birikɔgenɛ bu puan la fii me.

Yemesi 5:13

Sɛba boi ya puan nameha? Ba pu'uhɛ. Sɛba boi ya puan tara pupeelum? Ba yuuna pɛka yuuma.

1 Zã 2:14

N gulehɛ bo' yamam kɔma, beni zuo, yamam mi' sɔ la. N gulehɛ bo' yamam sɔduma, beni zuo, yamam mi' se'em en pun bɔna pi'ileŋo puan ha la. N gulehɛ bo' yamam bumbile paalehi, beni zuo, yamam tari paŋa, ti Yinɛ yelehum la bɔna ya puan, ti ya me nyaŋɛ Sagena la.

1 Zã 2:24

Gee han dɛna yamam bahɛ ya ti sɛla ti fum wum pi'ileŋen ha la bɔna fum puan. Sɛla woo ti fum wum pi'ileŋen ha la han bɔna fum puan, fum wan bɔna la Dayua la, la Sɔ la.

1 Zã 2:27

Han dɛna yamam, bi'ihegɔ seko ti ya to'e a zi'an la, boi ya puan mɛ, bala, ya ka eere nɛra ti a pa'alɛ ya. Gee a bi'ihegɔ la en pa'ali ya sɛla woo la, ti la me dɛna sira gee dagena pumpɔreŋɔ, wuu a bi'ihegɔ la en pun pa'alɛ ya se'em la, boni ya a puan.

2 Zã 1:2

Yelemɛŋerɛ la en boi tu puan la zuo, gee wan bɔna la tu wuuha la zuo.

Lilegere 14:3

Ti ba yuuna yuum paalɛ na'am kuka kãtɛ la, la bunvɔɔhi banaahi la kiinduma la nɛŋan. Ti nɛra ka bɔna mina yuunɛ la, han dagena tuha kɔbega la tuha pinaahi la anaahi la ma'a ti ba yɔ to'e ba timpaberɛ wa zuo la.

Lilegere 15:3

Ti ba nyaa yuuna Moose en de Yinɛ yameŋa yuunɛ la, la Pebila la yuunɛ la yeti, “Fum tuuma karegɛ mɛ gee dɛna pakerɛ, Daana Yinɛ kãtɛ wa. Fum sadɔtɔ za'a dela tuuntɔɔ la yelemɛŋerɛ, tihi wa za'a naba wa.

Lilegere 19:10

Ti mam nyaa lu a nama tiŋa ti n na'ahɛ en, gee a yele mam yeti, “Da iŋɛ bala! Mam dela fum tuntuna tadaana bɔna la hɔ, la fum tansugere la en gurɛ Yezu yelehum muulegɔ kankaŋi la. Na'ahɛ Yinɛ! Se'ere en sɔi la, Yezu yelehum la muulegɔ en de purega sia.”

Lilegere 5:9

Ti ba za'a yuum yuumpaalɛ yeti, “Fum nari mɛ ti fum to'e gɔŋɔ la la fum lorege daalehum se'ere en sɔi la, ba yuum kɔregɛ fum mɛ, ti fum dikɛ fum ziim yɔ to'e nɛre sunduma, buuri woo, tugum woo, nɛreba woo la tihi woo puan bo' Yinɛ.