Kolɔsɩ 2:8 - ZE'ELEGO PAALEGA

⁸ Bihɛ ya suŋa ti nɛra da dikɛ ya da'aba doohe gɔŋɔ wogerɔ la pã'aheyooro doohe asaala malema, la sɛse'ehi en sɔi timpaberɛ wa bihera la, gee dagi Kiresta en boti se'em la.

Farefare Ninkaré

⁸ Guuse-ya tɩ nẽra da dɩkɛ bãŋrɛ zãsŋɔ la yɛm yooro n de nẽrsaalba sisgo, la dũnia wã yɛla pã'asɛ ya, ba ka ze'ele Krisi zẽ'am.

Kolɔsɩ 2:8 Iomraidhean Croise

Amatie 10:17

Mina ya ba suŋa suŋa, se'ere en sɔi la, bamam en wan nyɔgɛ ya kiŋɛ tugum zi'ihi, gee ŋmɛ' ya ba zamehegɔ yiya la puan.

Amatie 16:6

Ti Yezu yele ba yeti, “Tara ya mɛhi suŋa, gee la ya mina Farasii la Sadusiiduma dabelɛ la yele.”

Amatie 7:15

“Mini ya nɔtɔgehe pumparenduma la en kini ya zi'an na wa yele. Ba dikɛ la piihi gana furɛ gee ba puan puan ha, ba mɛhi, gee ba dela sahi en obere ti la kiha.

Tõoma 17:18

Ti Epikureya la Sitoyiki yɛmduma wa'am na ŋmɛ'ɛra nɔkpe'ene la en. Ti sɛba yeti, “Gerego kuna me boti ku pa'alɛ la bem?” Ti sɛba me yeti, “A tɔgeri la tihi sise'ehi tingama yɛla.” (Se'ere n sɔi la Pɔɔl n muuli Yezu faarɛ yelehum la yeti a ki mɛ gee ihege la.)

Tõoma 17:32

Ban wum ti a purɛ a ki gee ihege la, ti basɛba pureha, gee basɛba yeti, “Tu boti fum malum tɔgɛ yele ana wa pa'ahɛ mɛ ti tu kelehe.”

Aromduma 16:17

N yeti ya mɛ la ninmu'urɛ n suurɔ, ti ya bahɛ ti ya nini bɔna sɛba en tari welegere la daaŋɔ kina ya tiŋasuka na, ban ka sakɛ bo' pa'alegɔ seko ti ya zamehɛ la, lɔkeri ya ba.

1 Korẽntɩ 10:12

Bala, fum se'em en ti'ihɛ fum ze' mɛ, bihɛ suŋa la fum da lu.

1 Korẽntɩ 8:9

Gee bihɛ ya mɛhi suŋa ti ya fai yɔ'ɔ wa da dɛna pirega lɔkɔ bo' sɛba en ka kpe'em la.

2 Korẽntɩ 10:5

Tu sageni nɔkpɛ'ɛma mɛ la pirega lɔgeseko woo n zaberɛ la Yinɛ mi'ilum la, gee nyɔgera putɛ'sɛ'a woo n boi ti ba nana Kiresta.

Galatɩ 1:14

Mam daa ba' tole la nɛŋa Yuuduma pu'uhegɔ la puan n nɛreba tiŋasuka, gana mam la sɛba en de zuo taaba zo'e zo'e. Se'ere en sɔi la, n daa ba' mu'ɛ la nini la n yaabeduma pa'alegɔ la.

Galatɩ 4:3

La ani la bala mɛa bo' tumam. Tumam en daa nan de kɔma la, tu daa dela da'aba bo' sɛɛhi se'ehi en sɔi timpaberɛ wa zuo wa.

Galatɩ 4:9

Gee Nananawa, ti ya nyaa wa'am na baŋɛ Yinɛ la, bii n yeti, Yinɛ n baŋɛ ya la, ŋwani ti yamam wan le ŋmɛregɛ dɔla tɔregɔ la, nɔŋɔ sɛɛhi se'ehi en sɔi timpaberɛ wa zuo wa? Ŋwani ti ya le bɔta ti ya dɛna da'aba bo' ba le yɛ'ɛha?

Galatɩ 5:15

Gee la han dɛna ti ya duni la taaba, gee yi'ira taaba, mini ya suŋa ti la kan yuue la yan n ba'ahɛ taaba lipi.

Efɛɛzɩ 2:2

ti ya yuum bɔna bu puan, dɔla timpaberɛ wa zuo yɛla la, dɔla se'em daana paŋa n boi kusebego wa puan la. Sɛsɛka n boi nananawa tuna la sɛba n ka nane Yinɛ nuurɛ la.

Efɛɛzɩ 4:20

Dagi yamam n zamehɛ Kiresta sore la se'em n bala!

Efɛɛzɩ 5:6

Da bahɛ ya ti se'em pã'ahɛ ya la gɔɔm yetɔgum. Se'ere en sɔi la, yele ana zuo ti Yinɛ sunsunyiihum wan sige sɛba n ka nane la zuo.

Filipi 3:2

Mini ya baahi la yele, mini ya be'em tuntuneba la yele, mini ya sɛba ti inganɛ wa ŋmaa dɛna ba ninmu'urɛ la yele!

Kolɔsɩ 2:18

Da bahɛ ti nɛra sigehe fum, doohe eŋa en boti se'em doohe sigehe n mɛŋa yooro, suŋereba pu'uhegɔ, zaaheŋɔ yɛla, banaduma ukeri mɛ la asaala puti'irɛ la pa'alɛ mɛŋa,

Kolɔsɩ 2:20

La han dɛna ti Kiresta puan, ya ki mɛ la pansɛka en sɔi tiŋa wa la, ŋwani ti ya vɔna wuu ya kelum dɛna la tiŋa wa zuo dinɛ la? Ŋwani ti ya nana malema en de,

Kolɔsɩ 2:22

Malema ana za'a tari bɔ'ɔra la sɛla en ni tum ta kuregɛ sagum. Ba yeen dɛna la asaala ze'elego la pa'alegɔ.

Kolɔsɩ 2:23

Ba tari la naanɛ en ani wuu yɛm duma la, ba ta' zɛkera la ba mɛhi en boti se'em, sigehe n mɛŋa, ta'na nameha ba ihe, gee ba ka tari nyuurɔ bo' nɛra, la han wa'am yaalegɔ yɛla puan na.

1 Timoti 6:20

Timoti, gura sɛla en dikɛ iŋɛ fum puan la suŋa. Zagehɛ yetɔge yooro, la zaba nɔkpɛ'ɛma, la sɛla ti ba parum yi'ira mi'ilum la.

2 Timoti 3:13

Gee tuunfi'iha duma, la pumpã'ahum duma wan ze'ele sageŋɔ paaɛ nɔyalegerɛ. Ba wan pã'aha basɛba, ti basɛba me pã'aha ba.

Hiburuduma 13:9

Da bahɛ ya ti pa'ali yooro yima yima ziira ya kaara zi'an woo, se'ere en sɔi la, la ani suŋa ti zu'uhegɔ kpemehe suure la, nyana dia kihega yɛla, yele sɛ'a en ka suŋɛ sɛba en dole a la.

Hiburuduma 3:12

Tara ya mɛhi suŋa n suurɔ, ti ya se'em da tara be'em suure, suse'ere en ka nane, gee ŋmɛregera de mɛŋa yɛha Yinɛ vua wa zi'an.

1 Pita 1:18

Ya mi ti Yinɛ yɔ mɛ to'e ya yehe vom yoo sebo ti ya to'e ya yaabeduma zi'an la. A ka yɔ mɛ la lɔgeseto en sageni, ana wuu salempɛɛla bii salema,

2 Pita 3:17

Ŋwana zuo la, yamam n sunɔŋerɛ duma wa, mam en te'ele ka'am ya la zuo, bihɛ ya suŋa ti yalum duma wa tuure la da ve'e ya kiŋɛ ti ya da ta'am ze'ele ya mɛŋa.

2 Zã 1:8

Biheri ya mɛhi suŋa, la ya da bɔregɛ sɛla ti tumam tum bo' ya ti ya tara la, gee ya wan to'e yɔɔrɛ la za'a.