Kolɔsɩ 2:18 - ZE'ELEGO PAALEGA

¹⁸ Da bahɛ ti nɛra sigehe fum, doohe eŋa en boti se'em doohe sigehe n mɛŋa yooro, suŋereba pu'uhegɔ, zaaheŋɔ yɛla, banaduma ukeri mɛ la asaala puti'irɛ la pa'alɛ mɛŋa,

Farefare Ninkaré

¹⁸ Da basɛ-ya tɩ nẽra n ɩtɩ a mẽŋa wʋ a de la sik-m-mẽŋa dãana dee pʋ'ʋsra malɛkadõma, pã'asɛ ya yetɩ yãma n ɩtɩ sɛla de la zãŋa. Nẽr-ẽŋa dãana yetɩ Nawẽnnɛ n puke sɛla pa'alɛ ẽŋa, la a pa'alɩ la a mẽŋa zãŋa, se'ere n soe la, la de la nẽrsaalba pʋtẽ'erɛ tɩ a tarɩ.

Kolɔsɩ 2:18 Iomraidhean Croise

Amatie 24:24

Se'ere en sɔi la, Kiresta pumparenduma la nɔtɔgehe pumparenduma wan wa'am na tuna daalehum kãra, nyalema ti ba pã'ahɛ nɛreba zo'e zo'e ti ba bɔregɛ. La han wan ta'am iŋɛ ni, ba wan lagum pã'ahɛ sɛba ti Yinɛ mɛŋa looe la.

Aromduma 1:25

Se'ere en sɔi la, Ba tee Yinɛ yelemɛŋerɛ la en de se'em la mɛ bo' pumpɔreŋɔ, nyaa tugum na'aha gee malena malema bɔ'ɔra naanɛ, gee bahɛ naana la mɛŋa, se'em en nari pɛka saŋa woo la. Taari.

Aromduma 16:18

Se'ere en sɔi la, nɛre bamam taaba ka tuni bɔ'ɔra tu Daana Kiresta, gee ba tuni bɔ'ɔra la ba mɛhi puya. Ba tari la tɔgɛ malemale la belegere, pã'aha susɛ'a en ka mi' la.

1 Korẽntɩ 13:4

Nɔŋerɛ dela sugeri, nɔŋerɛ dela itesuŋɔ. Nɔŋerɛ ka tari nintɛrega bii pa'alɛ n mɛa, bii nyu'ɔ ŋmɛ'a,

1 Korẽntɩ 3:3

beni zuo, ya kelum bɔna la ingɔŋɔ puan. Nyuure la nɔkpɛ'ɛma en kelum bɔna ya puan wa, ya ka boi la ingɔŋɔ puan wa, ita saaleba itegɔ?

1 Korẽntɩ 4:18

Gee ya sɛba en ti'iheri ti mam kan le wa'am ya zi'an na la, lebege la nɛrewureba.

1 Korẽntɩ 4:6

Mam bahɛ ti Apolos la mam mɛŋa dɔla yele ana mɛ yamam sum zuo, n suurɔ wa, ti ya zamehɛ tumam puan, la ya se'em da vɔna zɔɛ sɛla en gulehɛ la. Ŋwana ti ya se'em kan ukera a mɛŋa la eŋa en boti se'em gana se'em la zuo.

1 Korẽntɩ 8:1

Nananawa, disɛka ti ba dikɛ kaabɛ bo' baga sɔhega la. Tu mi' ti, “Tu za'a tari mi'ilum mɛ.” Mi'ilum bo'ori la pa'alɛ mɛŋa gee nɔŋerɛ en mɛti.

1 Korẽntɩ 9:24

Yamam ka mi' ti zua puan, zɔteba la woo ni pagera la taaba, gee ba ayima ma'a en ni ta di mi'a? Zɔ ya yan wan zɔ se'em la ya ta'am di.

2 Korẽntɩ 11:3

Gee dabeem n tari mam. Wuu kampia la n yuum pa'ahɛ Eva la a wikerɛ la, bala mɛa ti yamam me puti'ira wan yehe, ti ya kan le tara ninmu'urɛ la susunɛ pu'uha Kiresta.

2 Korẽntɩ 12:20

Dabeem en tari mam, ti n han wa'am na, n kan nyɛ ya ti ya ana wuu mam boti ni ya ana se'em la, ti yamam me kan nyɛ mam me ti n ana wuu yamam n boti se'em la. Dabeem n tari mam ti daanse'ere gaka, nyuure, sunsunyiim nyika, ukerɛ, la gbirege wan bɔna ya puan.

Efɛɛzɩ 4:17

Nananawa, mam ka'ani ya mɛ gee nyɛta ya la ninmu'urɛ Daana la puan yeti, da le vɔni ya wuu sɛba n dagi Yuuduma la n vɔi se'em, ba putɛ' yooro la puan la.

Efɛɛzɩ 5:6

Da bahɛ ya ti se'em pã'ahɛ ya la gɔɔm yetɔgum. Se'ere en sɔi la, yele ana zuo ti Yinɛ sunsunyiihum wan sige sɛba n ka nane la zuo.

Filipi 3:14

N tiregeri mɛ ti n di mi'a, la n to'e yɔɔrɛ la en de saazuo yi'a wa yɔɔrɛ, ti Yinɛ yi' mam doohe Kiresta Yezu puan la.

Kolɔsɩ 2:23

Ba tari la naanɛ en ani wuu yɛm duma la, ba ta' zɛkera la ba mɛhi en boti se'em, sigehe n mɛŋa, ta'na nameha ba ihe, gee ba ka tari nyuurɔ bo' nɛra, la han wa'am yaalegɔ yɛla puan na.

Kolɔsɩ 2:4

Mam yeti ŋwana la dela, nɛra da pa'ahɛ ya la nɔmaalum.

Kolɔsɩ 2:8

Bihɛ ya suŋa ti nɛra da dikɛ ya da'aba doohe gɔŋɔ wogerɔ la pã'aheyooro doohe asaala malema, la sɛse'ehi en sɔi timpaberɛ wa bihera la, gee dagi Kiresta en boti se'em la.

1 Timoti 1:7

bɔta ti ba dɛna ze'elego la pa'aleba, gee me ka bɔkera ba mɛhi en yeti sɛla la, bii sɛla ti ba tɔgera la yele la.

1 Timoti 4:1

Nananawa, Fa'a Sia la yele ti la niiɛ mɛ, ti ba'ahegɔ saŋa la, sɛba wan zagehɛ ba Kiresta kɔma sakerɛ la, doohe la ban kelehe pã'ahegɔ sɛɛhi, la kulekpa'bɛ'ɛhi pa'alegɔ,

2 Pita 2:14

Ba nini kɔ'ɔm biha la yaalegɔ yɛla ma'a, ka tigera be'em. Ba ta' pa'aha la sɛɛhi se'ehi en ka ze' suŋa la. Ba zamehi ba suya la nyika. Nɔpɔrɛ kɔma en de ba!

1 Zã 2:26

N gulehɛ yele ana wa bɔ'ɔra ya la sɛba en wan pã'ahɛ ya la zuo.

Lilegere 12:9

Ti ba lobe bunsɛla kãtɛ wa bahɛ timpaberɛ wa zuo na. Se'em en de diimen diimen zugɔ la ti ba yi'ira Sagena la Sitaani, se'em en pa'aheri tiŋa wa zuo za'a nɛreba la. Ba lobe en bahɛ la timpaberɛ wa zuo na, lagum lobe a suŋereba la, la en bahɛ na.

Lilegere 13:14

Ti doohe la kirehi wa ti ba bo' sore ti a ze'ele yia bunsilemasio la na'arɛ tum bo' en la, ti a nyaŋɛ pã'ahɛ timpaberɛ wa zuo nɛreba za'a, yɛta ba yeti, ba maalɛ yia bunsilemasio la ti su'a pɔgelum en gee ti a sina gee vɔna la naanɛ,

Lilegere 13:8

Ti nɛreba woo en boi timpaberɛ wa zuo wan na'aha en. Se'em woo yu'urɛ en ka gulehɛ iŋɛ vom gɔŋɔ la gee ti ba baŋɛ naam timpaberɛ wa la, gɔŋɔ wa dela pebila wa gɔŋɔ, pebila sɛka ti ba kɔregɛ la.

Lilegere 19:10

Ti mam nyaa lu a nama tiŋa ti n na'ahɛ en, gee a yele mam yeti, “Da iŋɛ bala! Mam dela fum tuntuna tadaana bɔna la hɔ, la fum tansugere la en gurɛ Yezu yelehum muulegɔ kankaŋi la. Na'ahɛ Yinɛ! Se'ere en sɔi la, Yezu yelehum la muulegɔ en de purega sia.”

Lilegere 3:11

N ye' la nananawa na. Gurɛ ya yan tari sɛla la kankaŋi, ti se'em da ta faaɛ ya muŋa la.