Kolɔsɩ 1:13 - ZE'ELEGO PAALEGA

¹³ Yinɛ faaɛ tu mɛ yehe lika paŋa puan bahɛ, gee tee dikɛ tu ki'ihɛ a Dayɔba'arɛ sɔ'ɔlum la puan,

Farefare Ninkaré

¹³ Nawẽnnɛ fãagɛ tɩ mɛ lika pãŋa pʋam, tarɩ tɩ sẽŋɛ a Bi-nõŋrɛ so'olʋm pʋam.

Kolɔsɩ 1:13 Iomraidhean Croise

Amatie 17:5

En boi bini tɔgera la, ti sagbanɛ en nyagere n bala wa'am na pi' ba. Ti kua ze'ele sagbanɛ la puan tɔgɛ bahɛ na yeti, “Mam dayua n ŋwana, se'em ti mam nɔŋɛ paaɛ paaɛ. Mam nini n tigɛ la se'em n bala, kɛleha ya en.”

Amatie 25:34

Ti naba la nyaa wan yele sɛba n boi a zuɔ nu'o bɔba la yeti, ‘Wa'am ya na, yamam sɛba ti mam Sɔ iŋɛ sum bo' ya wa, la ya sooe sɔ'ɔlum la ti ba maahum biŋe ya tiŋa wa pi'ileŋo puan ha sɔna.

Amatie 3:17

Ti kua ze'ele saazuo tɔgɛ bahɛ na yeti, “Mam mɛŋa Dayua n ŋwana, se'em ti n nɔŋɛ, se'em ti n nini tigɛ la en.”

Aluki 13:24

“Pɛregɛ ya la ya doohe zanɔrɛ mika la puan kɛ̃. Se'ere en sɔi la, n yele ya ti, nɛreba zo'e zo'e wan zigera ti ba kɛ̃, gee ba kan nyaŋɛ.

Aluki 22:53

Mam ni bɔna la ya daare woo pu'uhegɔ yire la puan, gee ya ka nyɔkɛ mam. Gee ya saŋa en ŋwana, lika puan paŋa saŋa en ŋwana.”

Azã 17:24

N Sɔ, mam le bɔta ti, nɛresɛba ti fum dikɛ bo' mam wa ta lagum bɔna la mam n bɔŋa zi'an la puan, la ba nyɛ na'ahegɔ seko ti fum mɛŋa dikɛ bo' mam, doohe la fum nɔŋɛ mam se'em gee ti timpaberɛ wa baŋɛ naam la zuo.

Azã 3:35

Sɔ la nɔŋɛ dayua la mɛ, gee dikɛ sɛla woo iŋɛ a nu'uhen.

Azã 5:24

N yeti ya la yelemɛŋerɛ yelemɛŋerɛ wa. Se'em woo n wum mam yelehum wa, gee nam se'em daana n tum mam na la, tari la vomkanba'ahɛ. Ena daana ka boi gakerɛ puan. A daana tee mɛ kum puan wa'am vom puan na.

Tõoma 26:18

ti fum pikɛ ba nini ti ba ta'am ŋmɛregɛ lika la puan lebe niihum la puan na, ba yehe Sagena la bobere la puan wa'am Yinɛ ze'a na, la ba to'e ba be'em sugeri, gee me lagum pa'ahɛ sɛba n pee ba mɛhi doohe ban tari sakerɛ bo' mam se'em la.’

Aromduma 14:17

Se'ere en sɔi la, Yinɛ sɔ'ɔlum la puan dagi la dia la nyua, gee tuuntɔɔ vom, suma'ahum la nyɛɛma Fa'a Sia la puan.

2 Korẽntɩ 11:14

La dagi pakerɛ, Sagena la mɛŋa iŋɛ a mɛŋa la bala ti eŋa dela yelemɛŋerɛ suŋera.

2 Korẽntɩ 4:4

Ba yele la dela, tiŋa wa zuo yinɛ la n pi' sɛba n ka nam Yezu la puti'ira, ti a gu ba ti ba da nyɛta faarɛ yelehum niihum la n de Kiresta suŋa la. Kiresta se'em n de Yinɛ mɛŋa naanɛ la.

Efɛɛzɩ 1:6

ti pɛka paaɛ a suŋa zu'uhegɔ la ti a ka'ɛ saarum tu zuo na yoo a dayɔba'arɛ la puan la.

Efɛɛzɩ 4:18

Lika n pi' ba bɔkerɛ, yehe ba mɛhi Yinɛ vom sum la puan, la ban ka mi' sɛsɛla, gee ti ba suya dagelum la zuo.

Efɛɛzɩ 5:5

Mini ya dina suŋa suŋa, ti se'em n tuni yaluntuuma, bii galeŋɔ daana, bii se'em n bɛ' (de vuurɛ dela bagekaambera), kan tara tɔtɛ kɛ̃' Kiresta la Yinɛ sɔ'ɔlum la puan.

Efɛɛzɩ 5:8

Se'ere en sɔi la, ya daa nan boi la lika puan, gee nananawa Daana la puan, ya dela la niihum. Bala Vɔni ya wuu kɔmsɛba n boi niihum puan la.

Efɛɛzɩ 6:12

Se'ere en sɔi la, tu ka zaberɛ mɛ la dima en tari ziim la kuba, gee tu zaberɛ mɛ la bumbɛ'ɛhi en sɔi zi'ihi biha, tu zaberɛ mɛ la pahi, la kpe'eŋo en boi sabeeo puan, buuri sankana wa en boi lika puan wa. Tu zaberɛ mɛ la sia puan pambɛ'ɛhi en boi zi'ihi se'ehi saazuo ha.

1 Tesaloniki 2:12

ka'ana, gee kpɛmeha ya, gee me bɛlena ya ti ya vɔna vom sebo taaba n nari bɔ'ɔra Yinɛ, se'em en yi' ya ki'ihɛ a mɛŋa sɔ'ɔlum, la a suŋa puan la.

Hiburuduma 2:14

Lan yi de ti, kɔma la za'a dela inganɛ la ziim la, eŋa Yezu mɛŋa me wa'am na ana mɛ wuu bamam la, ti a ta'am doohe kum puan sagum se'em en tari kum paŋa la. Sagena la en bala,

1 Pita 2:9

Gee yamam dela buuri se'ere ti Yinɛ looe, ya dela malemaduma nabiihi, dɛna tuulum timpaberɛ, Yinɛ mɛŋa nɛreba, ti ya muulɛ tuunkãra sɛ'a en de se'em daana en yi' ya lika puan yehe niihum kãtɛ puan na la dinɛ.

2 Pita 1:11

Bala, ya han ita ŋwana, ya kɛ̃'a tu Daana, la tu Faara Yezu Kiresta sɔ'ɔlum la en ka tari ba'ahegɔ la puan, wan yu'ɛ yɔlaam bo' ya.

1 Zã 2:8

Gee n kelum guleha la nɔze'elepaalega bɔ'ɔra ya, en de yelemɛŋerɛ a puan, la yamam me puan, beni zuo, lika la ye' tɔla mɛ, gee ti yelemɛŋerɛ niihum la pun niira na.

1 Zã 3:14

Tu mi' ti, tumam zɔɛ la kum paaɛ vom, beni zuo tu nɔŋɛ la taaba. Se'em woo en ka nɔŋɛ, ŋwɔni ti a ki mɛ n bala.

1 Zã 3:8

Se'em woo en tari tuure dela Sagena la bia, se'ere en sɔi la, Sagena la pun tuura mɛ la bala pi'ileŋen na. Yinɛ Dayua la niiɛ na la yele dina zuo, ti a lorege Sagena la tuuma za'a za'a.