Azã 2:11 - ZE'ELEGO PAALEGA

¹¹ Yezu en tum dina wa. A yia daalehum n ŋwana, Kana n boi Galilii sɔ'ɔlum puan la, niiɛ a suŋa, ti a zahereba la nam en.

Farefare Ninkaré

¹¹ Ẽna n de Azezi pɔspɔsɩ tõon-yãlma tɩ a ẽŋɛ. A ẽŋɛ ẽ na Kana Galile so'olʋm pʋam, pa'alɛ a na'am pãŋa, tɩ a karẽnbiisi la bɔ ẽ sɩra.

Azã 2:11 Iomraidhean Croise

Azã 1:14

Ti se'em ti ba yi'ira Yelehum wa, ta lebege asaala, bɔna la tɔ, ti tu nyɛ a suŋa, sunsɛka en pa'ali ti a dela Sɔ dayɔba'arɛ, pirɛ la zu'uhegɔ, la yelemɛŋerɛ.

Azã 1:17

La de asira ti Ze'elego la doohe la Moose puan na, gee zu'uhegɔ, la yelemɛŋerɛ ze'eti la Yezu Kiresta puan na.

Azã 1:43

Ti yiimbeere ti Yezu iŋɛ a puti'irɛ ti a kiŋɛ Galilii. Nyaa ta nyɛ Filipi yele en yeti, “Dɔla mam.”

Azã 1:50

Ti Yezu soke en yeti, “Fum nyaa nam mɛ la mam yele fum ti mam nyɛ hɔ kinkaŋa timpaberɛ la zuo? Fum wan nyɛ yelekãra en gani ŋwana.”

Azã 10:41

Ti nɛreba zo'e zo'e wa'an a zi'an na gee yɛta taaba yeti, “Yɔn yuum ka tuni daalehum, gee sɛla woo ti yele doohe buraa wa puan za'a dela asira.” ’

Azã 11:15

Gee yamam zuo, la ani mam suŋa la mam n ka boi bini ha wa. Ŋwana ti ya wan nam. Gee yeen bahɛ ya ti tu kiŋɛ a zi'an.”

Azã 11:47

Ti malema kiinduma la, la Farasii duma la yi' kiinduma lagehɛ ti ba sɔhɛ. Nyaa yele ba yeti, “Tu yeti tu iŋɛ la wani la buraa wa? Ka ba' tuna la daalehum zɔ'ɔra.

Azã 12:18

La me dela, nɛreba wum mɛ ti a tum la daalehum kana zuo, ti nɛrekuuŋɔ yehe bibigera tu'uha en.

Azã 12:37

La Yezu n tum daalehum kekeko nɛreba la ninin la, ba zo'e zo'e ka nam bo' en.

Azã 12:41

Azaaya n yele dina wa la dela a yuum nyɛ la na'ahegɔ seko n de Yezu dinɛ, bala ti a tɔgɛ a yele la.

Azã 14:13

N wan iŋɛ sɛla woo ti ya soke bɔta mam yu'urɛ puan, ti Sɔ la nyɛ pɛka dayua la puan.

Azã 16:27

se'ere en sɔi la, Sɔ la mɛŋa nɔŋɛ ya mɛ, la yamam n nɔŋɛ mam, gee nam ti mam ze'ele la Yinɛ zi'an na la.

Azã 16:30

Nananawa, tu mi' ti fum mi' sɛla woo, ka ɛɛra nɛra ti a soke fum se'ere. Ŋwana wa ti tumam nam ti fum ze'ele la Yinɛ zi'an na.”

Azã 2:1

Dabeha atã puan ti pɔgedire bɔna Kana en boi Galilii sɔ'ɔlum puan, ti Yezu ma kiŋɛ bini.

Azã 2:23

Yezu en daa ta bɔna Yerusalɛm azɔɛtole de'eŋo saŋa la, nɛreba zo'e zo'e en daa nam bo' a yu'urɛ la, doohe la daalehum sɛ'a ti a tuna la.

Azã 3:2

Ti a wa'am Yezu zi'an yu'uŋɔ kuyima na, soke en yeti, “Rabi, tu mi' ti fum dela pa'ala en ze'ele Yinɛ mɛŋa zi'an na. Se'ere n sɔi la, nɛra ka boi wan ta'am tum daalehum sɛ'a ti fum tuna wa han dagena Yinɛ n boi la a daana.”

Azã 4:3

ti a bahɛ Yudiya, gee yɛ'ɛha lɛbera Galilii.

Azã 4:46

Ti Yezu le kiŋɛ Kana n boi Galilii puan, zi'an ti a tabelɛ bahɛ ti ko'om lebege daam la. Kpɛ'ɛma ayima dayua n wa bɛ̃'ɛra, bɔna Kapɛnum.

Azã 4:54

Daalehum kana pa'ahɛ la daalehum buyi' ti Yezu tum, eŋa n ze'ele Yudiya wa'am Galilii na la.

Azã 5:23

ti bala ti nɛra woo wan na'aha dayua la wuu ban na'ahɛ Sɔ la se'em la. Fum se'em woo n ka na'ahɛ Dayua la, ka na'ahɛ sɔ se'em n tum en na la.

Azã 6:14

Nɛreba la n nyɛ daalehum kana wa ti Yezu tum la, ti ba pi'ilum yɛta yeti, “Ena n sirum de nɔtɔgeha se'em n wan wa'am timpaberɛ wa zuo na la.”

Azã 6:2

Ti nɛrekuuŋɔ bibigera dɔla en se'ere zuo, ba nyɛ daalehum sɛ'a ti a tuna bɔ'ɔra bã'duma la.

Azã 6:26

Ti Yezu lerege ba yeti, “N yeti ya la yelemɛŋerɛ yelemɛŋerɛ wa, yan eere mam wa dagi la daalehum la ti ya nyɛ la, gee yan zaam obe boroboro la tigɛ la zuo.

Azã 6:30

Ti ba soke en yeti, “Beni daalehum ti fum wan tum, ti tu nyɛ gee nam bo' fum. Beni tuunɛ ti fum wan tum?”

Azã 7:31

Gee la bala za'a, nɛreba zo'e zo'e nɛrekuuŋɔ la puan nam en mɛ, gee yɛta yeti, “Kiresta la han pun wan wa'am na, a wan tum la daalehum boni le gaŋɛ buraa kana wa n tum se'em wa?”

Azã 9:16

Ti Farasii duma la basɛba yeti, “Burasɛka n iŋɛ ŋwana wa ka ze'ele Yinɛ zi'an na, se'ere en sɔi la, a ka na'aheri vo'ohego dabeherɛ la.” Gee basɛba me yeti. “Ŋwani ti nɛra n de be'em daana wan ta'am tuna daalehum buna taaba?” Ti ba welehi taaba.

2 Korẽntɩ 3:18

Gee tumam za'a pilehe tu nɛhi bahɛ mɛ, gee biha Daana la suŋa la, wuu biheŋa puan la, ti la tee tu, ti tu tara Yezu naanɛ, zɛ'ɛta suŋa puan malum paara suŋa puan. Yele dina wa ze'eti la Daana la n de Fa'a Sia la zi'an.

2 Korẽntɩ 4:17

Se'ere en sɔi la, namehegɔ pika wa n kan yuue wa maaheni tu mɛ ti tu ta'am to'e vom kamba'ahɛ sunsɛka n tibegɛ ka tara makerɛ la,

2 Korẽntɩ 4:6

Se'ere en sɔi la, la dela Yinse'ere n daa yeti, “Bahɛ ti niihum ze'ele lika puan niiɛ na la,” Yinɛ dinɛ mɛa n niiɛ tumam suya puan, ti a bo' tu a mi'ilum niihum la, n de Yinɛ suŋa niira Yezu Kiresta nɛŋa puan la.

1 Zã 5:13

Mam gulehɛ yele ana wa bɔ'ɔra la yamam sɛba en nam Yinɛ Dayua la yu'urɛ la, ti ya mina ti ya tari Yinɛ vom sumɔ en kamba'ahɛ la.