Aromduma 8:2 - ZE'ELEGO PAALEGA

² Beni zuo, ze'elego seko en boi Fa'a Sia la en de vom Kiresta Yezu puan la, faaɛ ya bahɛ la fai, ze'elego seko en tari be'em la kum la nu'uhen.

Farefare Ninkaré

² Se'ere n soe la, Nawẽnnɛ Sɩa pãŋa n bɔ'ɔrɩ vɔm Azezi-krisi ĩyã la n fãagɛ tɔ tõon-be'ero, la kũm pãŋa pʋam.

Aromduma 8:2 Iomraidhean Croise

Azã 4:10

Ti Yezu lerege en yeti. “Fum han mi' ni Yinɛ bo'olum la n de sebo, la se'em n de' en yɛta hɔ ti, ‘Bu' mam ko'om ti n nyu wa,’ fum wan zuhɛ ni en, ti a bo' ni fum vomko'om.”

Azã 4:14

Gee sɛba woo n nyu ko'sebo ti mam wan bo' ba la, ko'nyuuro kan le malum tara bamam duma. Gee ko'sebo ti mam wan bo' ba la, wan lebege la bulega ba puan bula vom ko'om yɛ'ɛha vom en kamba'ahɛ puan.”

Azã 6:63

La dela Fa'a Sia la n bo'ori vom, gee inganɛ la ka bo'ori sɛla sɛla. Yelehum wa ti mam tɔgɛ bo' ya wa dela Sia, gee dɛna vom.

Azã 8:32

Ya wan mina yelemɛŋerɛ la, ti yelemɛŋerɛ la bahɛ ti ya bɔna fai.”

Azã 8:36

Bala zuo, dayua la han faaɛ fum bahɛ, fum yeti fum sirum bɔna la fai.

Aromduma 16:3

Pu'uhɛ ya Pirisika la Akuila, sɛba en tuni la mam Kiresta Yezu puan la,

Aromduma 3:27

Beni zuo ti tu nyaa ŋmɛ'ɛra tu nyu'ɔ la? Sɛla ka boi. Ze'elego seko bii? Bii tuunsɛ'a? Aayi. La dela sakerɛ, gee dagi itegɔ.

Aromduma 5:21

bala, be'em n pa'ali a paŋa kum puan se'em la, bala mɛa ti zu'uhegɔ wan pa'alɛ a paŋa doohe buurɔ, yu'ura sore bɔ'ɔra vom kamba'ahɛ sebo en boi Yezu Kiresta tu Daana puan la.

Aromduma 6:14

Se'ere en sɔi la, be'em kan le sɔna ya, yan ka boi ze'elego la puan, gee bɔna zu'uhegɔ puan la.

Aromduma 6:18

la yan nyɛ faarɛ be'em puan la, ya nyaa dela tuuntɔɔ vom da'aberɛ.

Aromduma 6:22

Gee nananawa ti ba nyaa faaɛ ya be'em puan bahɛ fai, gee ti ya dɛna Yinɛ da'aberɛ wa, sum sebo ti ya nyɛ dela sakerɛ. Ti de ba'ahegɔ dɛna la vom kamba'ahɛ.

Aromduma 7:21

Bala, mam biheri dɛ ti la nyaa dɛna la ze'elego en boi mam puan dɛna ti, n han bɔta ti n tum sum, tuunfi'iha la en ba' lɛm mam.

Aromduma 7:23

gee mam nyɛti la ze'elego kuyima n inganɛ wa puan en zaberɛ la ze'elego seko en boi mam puti'irɛ puan la, bahɛ ti mam dɛna da'aberɛ bo' be'em ze'elego la en boi mam iŋa wa puan la.

Aromduma 7:4

La dela bala mɛa n zɔduma wa, yamam ki mɛ keehe ze'elego la, Kiresta inganɛ la puan, ti ya dɛna ayima dinɛ, ya dɛna se'em daana ti ba ihege en kum puan, ti tu ta'am wam wala bo' Yinɛ la.

Aromduma 8:1

Bala zuo, nananawa, sageŋɔ ka boi sɛba en boi Kiresta Yezu puan la zuo.

1 Korẽntɩ 15:45

Bala ti la gulehɛ yeti, “Yia buraa, Adam la, lebege la asaala”, gee pooren Adam la lebege la sɛsɛka en bo'ori vom.

2 Korẽntɩ 3:17

Lan de se'em dela, Daana la n de Fa'a Sia la, ti zi'an ti Daana la Sia bɔna, fai n boi bini.

2 Korẽntɩ 3:6

Yinɛ en de se'em en iŋɛ tumam ti tu dɛna tuntuneba a nɔpu'ulepaalɛ la puan, dagi la pa'alegɔ yoo puan, gee Sia la puan. Se'ere en sɔi la, pa'alegɔ yoo la kuuri mɛ, gee Sia la bo'ori la vom.

Galatɩ 2:19

Se'ere en sɔi la, ze'elego la puan, mam ki mɛ bo' ze'elego la, ti n ta'am vɔna bo' Yinɛ. Ba kpa' mam mɛ la Kiresta,

Galatɩ 5:1

Han dɛna fai, Kiresta en faaɛ tu bahɛ fai. Ze' ya kankaŋi bala zuo la, gee da le dikɛ ya mɛhi bo' da'aberɛ yɔgehega la.

Galatɩ 6:2

Ziiri ya taaba zeero, ŋwana ti Kiresta ze'elego la wan wa'am asira na.

Yemesi 1:25

Gee sɛba en bihɛ nɔze'ele seko en ka tari gbelegere la, fai nɔze'elego la en ka tari gbelegere la, tara kɔ, dagena kɛleheba sɛba en tameni, gee sɛba en tari tuna, ba wan nyɛ sum ba itegɔ la puan.

Lilegere 11:11

Gee dabeha atã la girego la en tole la, vo'ohum n tari vom en ze'ele Yinɛ zi'an na kɛ̃ ba, ti ba ihege, ti sɛba woo en nyɛ ba la, dabeem kãtɛ en kɛ̃ ba.

Lilegere 22:1

Ti suŋera wa pa'alɛ mam kulaa sɛka en tari vom ko'om la, ti ka nyagera, ana yilaam, ze'ele Yinɛ, la Pebila la na'am kuka kãtɛ la puan zɔta na,