Aromduma 8:10 - ZE'ELEGO PAALEGA

¹⁰ Gee Kiresta han bɔna ya puan, la ya ingana la en pun ki be'em zuo la, gee Sia la en bo'ori vom doohe tuntɔɔnɛ se'ere ti Yinɛ bo' tu la zuo.

Farefare Ninkaré

¹⁰ La Krisi sãn bɔna la ya, Nawẽnnɛ Sɩa la bɔ'ɔrɩ ya la vɔm, Nawẽnnɛ n botɩ ya masɛ a zẽ'am na ĩyã. La ya ĩyã wʋn ki mɛ tõon-be'ero ĩyã.

Aromduma 8:10 Iomraidhean Croise

Azã 14:23

Ti Yezu lerege en yeti, “Sɛba en nɔŋɛ mam la, wan tara mam yelehum la, ti mam Sɔ wan nɔŋɛ ba, ti mam la n Sɔ la wan wa'am na iŋɛ tu bɔŋa zi'an ba puan.

Azã 15:5

Mam n de ta'aŋa la, ti yamam dɛna yila. Sɛba n naaɛ la mam, ti mam me naaɛ la ba la wani zɔ'ɔra mɛ, se'ere zuo, la han dagena la mam puan, ya kan ta'am iŋɛ sɛla.

Azã 17:23

Mam bɔna la ba, ti fum bɔna la mam, ti bamam me naaɛ taaba bi'ɛ kahegɛ dɛna buyina, ti timpaberɛ wa zuo nɛreba baŋɛ ti fum tum mam na, gee me nɔŋɛ ba wuu fum nɔŋɛ mam se'em la.

Azã 4:14

Gee sɛba woo n nyu ko'sebo ti mam wan bo' ba la, ko'nyuuro kan le malum tara bamam duma. Gee ko'sebo ti mam wan bo' ba la, wan lebege la bulega ba puan bula vom ko'om yɛ'ɛha vom en kamba'ahɛ puan.”

Azã 6:54

Se'em en obe mam inganɛ, gee nyu mam ziim la n wan tari vomkanba'ahɛ, ti n ihige en ba'ahegɔ daarɛ.

Azã 6:56

Se'em en obe mam iŋa wa, gee nyu mam ziim la boi la mam puan, ti mam me bɔna la en.

Aromduma 5:12

Bala zuo, wuu be'em en wa'am tiŋa wa zuo na, doohe buraa kayima puan na se'em, ti kum me doohe be'em na, ti kum taaɛ nɛra woo se'em la, beni zuo, nɛra woo tum la be'em.

Aromduma 5:21

bala, be'em n pa'ali a paŋa kum puan se'em la, bala mɛa ti zu'uhegɔ wan pa'alɛ a paŋa doohe buurɔ, yu'ura sore bɔ'ɔra vom kamba'ahɛ sebo en boi Yezu Kiresta tu Daana puan la.

Aromduma 8:11

Se'em daana Sia en vo'e Yezu kum puan la han kɛ̃'ɛ̃ra ya puan, Se'em daana en vo'e Kiresta kum puan mɛa wan bo' ya vom ya ingana wa n wan ki wa puan , doohe a Sia la en kɛ̃'ɛ̃ri la ya la.

1 Korẽntɩ 15:45

Bala ti la gulehɛ yeti, “Yia buraa, Adam la, lebege la asaala”, gee pooren Adam la lebege la sɛsɛka en bo'ori vom.

2 Korẽntɩ 13:5

Magehɛ ya mɛhi bihɛ nyaa ya vɔi sakerɛ la puan. Magehɛ ya mɛhi bihɛ, ya ka baŋɛ ti Kiresta boi ya puan? Han dagena ti ya sirum koŋe la ya magehɛ ya mɛhi bihɛ.

2 Korẽntɩ 4:11

Se'ere en sɔi la, tumam n vɔ wa, saŋa woo tumam ka gagɛ kum Yezu zuo, ti Yezu vom la wan ta'am niiɛ tu ihe wa puan.

2 Korẽntɩ 5:21

Se'ere en sɔi la, tumam zuo ti Yinɛ iŋɛ en ti a ana wuu a dela be'em daana la, eŋa se'em en ka tabelɛ mina be'em, ti doohe eŋa puan tu wan tara Yinɛ tuuntɔɔ vom la.

Galatɩ 2:20

La le dagena mam mɛŋa en vɔi, gee la dela Kiresta en vɔi mam puan. Ti vom sebo ti n vɔna inganɛ puan nananawa, n vɔi mɛ la sakerɛ Yinɛ Dayua la, se'em en nɔŋɛ mam gee dikɛ a mɛŋa kaabɛ bo' mam la puan.

Efɛɛzɩ 3:17

ti Kiresta bɔna ya suya puan, sakerɛ zuo, wuu yan ba' nyɛga gee tara nɔŋerɛ puan se'em la.

Filipi 1:23

La kpe'em bo' mam mɛ yele ana ayi' wa puan. Mam puti'irɛ puan, mam boti ni ti n bahɛ vom buna wa mɛ, gee kiŋɛ ta bɔna la Kiresta, bala kɔ'ɔm nyana mɛ.

Filipi 3:9

la n vɔna a puan, da tara n mɛŋa tuntɔɔnɛ en yehe ze'elego la naŋa puan na, gee tuntɔɔnɛ en yeheri n sakerɛ Kiresta puan na. Tuntɔɔnɛ se'ere en ze'ele Yinɛ zi'an dɔla sakerɛ puan.

Kolɔsɩ 1:27

Bama ti Yinɛ looe ti a doohe ba puan bahɛ ti ba baŋɛ Yinɛ suŋa en zo'e se'em yele se'ere en sugɛ wa puan bo' sɛba en dagi Yuuduma la, yele wa dela Kiresta n boi ya puan, en de ya beere puti'irɛ la suŋa.

1 Tesaloniki 4:16

Se'ere en sɔi la, Daana la mɛŋa wan sige na, doohe la nuurɛ ti ba bo' la kɔkɛ'ɛŋa, ti suŋereba nɛŋa daana la yi' na, ti Yinɛ tintanɛ la pɛɛbera, ti sɛba en ki' Kiresta puan la ihege yia,

Hiburuduma 12:23

ya wa'am la lageŋɔ seko en de kɔmdiina sɛba yu'ura en gulehɛ bɔna tinsuŋan puan la na, ya wa'am la Yinɛ se'ere en de sɛla woo gakera la zi'an na, Ya wa'am la tuuntɔɔ duma sɛɛhi la n bi'ɛ kahegɛ la zi'an na.

Hiburuduma 9:27

Wuu lan gã' se'em bo' saaleba ti ba wan ba'ahum ki mɛ buyina, gee kum la pooren, gakerɛ en boi la,

Lilegere 14:13

Ti mam wum kua tinsuŋan la, ti ka yeti, “Gulehɛ dina wa biŋe yeti, Yehe zina yɛ'a ha, Sum wan bɔna la sɛba woo en ki Daana la sore dɔlega puan.” Sia la yeti, “Ɛ̃ɛ, Ba wan vo'ohe ba namehegɔ la puan, se'ere en sɔi la, ba tuuma la wan dɔla ba.”