Aromduma 1:7 - ZE'ELEGO PAALEGA

⁷ Mam Pɔɔl n gulehɛ bɔ'ɔra la yamam sɛba woo ti Yinɛ nɔŋɛ ya, ti ya bɔna Arome tiŋa puan, ti Yinɛ yi' ya ti ya dɛna nɛresunduma la. Zu'uhegɔ dɛna ya dinɛ, ti suma'ahum en ze'eti Yinɛ en de tu Sɔ, la Daana Yezu Kiresta zi'an la dɛna ya dinɛ.

Farefare Ninkaré

⁷ Mam gʋlsɛ gõŋɔ wã bɔ'ɔra la yãma sɛba wuu n boe Rom, tɩ Nawẽnnɛ nõŋɛ ya, wi ya tɩ ya welge to'ore dɛna a nẽrba la. Tɩ Sɔ Nawẽnnɛ, la tɩ Zuudãana Azezi-krisi wʋn ẽŋɛ ya yel-sõnnɛ, dee bɔ ya sũ-mã'asʋm.

Aromduma 1:7 Iomraidhean Croise

Amatie 5:16

Bala mɛa, bahɛ ya ti ya niifum la niira nɛreba nɛŋan, ti ba nyɛ ya tuunsuma la, la ba dikɛ pɛka bo' ya Sɔ en boi saazuo ha la.

Azã 20:17

Ti Yezu yele en yeti, “Da nan gi' mam, se'ere n sɔi la n nan ka zom sɔ la zi'an. Gee kiŋɛ ta yele n suurɔ la yeti, ‘N yeti n kiŋɛ la n sɔ la n de ya sɔ la, la mam Yinɛ la n de ya Yinɛ la zi'an.’ ”

Tõoma 15:23

ba gulehɛ gɔŋɔ wa yeti, “Tu suurɔ wa, Yezu tuntuneba la, la Kiinduma la n gulehɛ bɔ'ɔra yamam sakereba sɛba n dagi Yuda buuri ya tuuhum puan na, bɔna Antiyoke, Siriya la Kilikiya tihi puan la, tu pu'uheri ya na.

Tõoma 9:13

Gee Ananiya lerege en yeti, Daana, “Mam wum nɛreba zo'e zo'e , be'em zo'e zo'e sebo taaba ti buraa kana tum fum nɛresunduma en boi Yerusalɛm,

Aromduma 1:6

Yamam mɛhi ti Yinɛ yi' ti ya dɛna Yezu Kiresta dinɛ wa pa'ahɛ bini mɛ.

Aromduma 5:1

Bala zuo, tumam en to'e buurɔ doohe sakerɛ puan la, tu tari suma'ahum mɛ la Yinɛ, suma'ahum buna wa ze'ele la tu Daana Yezu Kiresta puan na.

Aromduma 5:5

ti beere puti'irɛ wa me kan diihe tu vi, beni zuo, Yinɛ ka'ɛ la nɔŋerɛ bahɛ tu suya puan, doohe Fa'a Sia la ti a bo' tu la puan.

Aromduma 8:28

Tu mi ti sɛla woo tuni naara taaba tara la sum bɔ'ɔra la sɛba en nɔŋɛ Yinɛ, sɛba ti Yinɛ yi' doohe a puti'iren la.

Aromduma 8:39

bii sɛla en boi zuin zuin ha, bii sɛla en boi tiŋa tiŋa ha, bii sɛla bɔna timpaberɛ wa zuo za'a wan ta'am bɔkɛ tumam Yinɛ nɔŋerɛ wa n boi Kiresta Yezu tu Daana puan wa.

Aromduma 9:25

Wuu lan yele Hozeya gɔŋɔ la puan se'em yeti, “Sɛba en daa dagi mam nɛreba la, n wan yi' ba ‘n nɛreba.’ Eŋa se'em ti ba yuum ka nɔŋɛ la, n wan yi' en ti ‘n nɔŋerɛ bunɔ.’ ”

1 Korẽntɩ 1:24

Gee sɛba ti Yinɛ yi' la, Yuuduma, la Girikiduma za'a, Kiresta dela Yinɛ paŋa, la Yinɛ yɛm bo' ba.

1 Korẽntɩ 16:23

Daana Yezu zu'uhegɔ bɔna la ya.

2 Korẽntɩ 13:14

Tu Daana Yezu Kiresta zu'uhegɔ, Yinɛ nɔŋelum, Fa'a Sia suunuurɛ bɔna la ya za'a.

Galatɩ 6:18

Tu Daana Yezu Kiresta zu'uhegɔ bɔna la ya, ya sia puan, n suurɔ wa. Taari.

Efɛɛzɩ 1:2

Zu'uhegɔ la suma'ahum en ze'ele tu Sɔ Yinɛ, la tu Daana Yezu Kiresta zi'an bɔna la ya.

Efɛɛzɩ 6:23

Suma'ahum bɔna la lageŋɔ la nɛreba za'a, la nɔŋerɛ n dole la sakerɛ, ze'ele tu Sɔ Yinɛ, la tu Daana Yezu Kiresta zi'an bɔna la ya.

Filipi 1:2

Zu'uhegɔ bɔna la ya, ti suma'ahum en ze'ele Yinɛ en de tu Sɔ, la tu Daana Yezu Kiresta zi'an, bɔna la ya.

Filipi 4:13

Mam ta'am iŋɛ sɛla woo se'em daana en bo'ori mam paŋa la puan.

Filipi 4:20

Pɛka dɛna tu Yinɛ, la tu Sɔ la dinɛ wuuha wuuha. Taari.

Filipi 4:23

Tu Daana Yezu Kiresta zu'uhegɔ bɔna la ya Sia puan.

Kolɔsɩ 1:2

Tu gulehɛ bɔ'ɔra la nɛresunduma, la sakereba en de tu suurɔ Kiresta puan, bɔna Kolose tiŋa la. Zu'uhegɔ dɛna ya dinɛ, la Yinɛ en de tu sɔ la suma'ahum.

Kolɔsɩ 3:12

Wuu Yinɛ en looe ya la, ti ya dɛna tuulum nɛreba ti a nɔŋɛ la, bagɛ mɛhi la ya nɛreba giile, itesuŋɔ, sigehe mɛa, ma'ma', la sudi'ihego

Kolɔsɩ 3:15

Gee me bahɛ ti Kiresta suma'ahum pirɛ ya suya, yele se'ere zuo ti ba yi' ya na pa'ahɛ inganɛ deyina lageŋɔ la puan en bala. Gee la ya me bo'ori Yinɛ fara.

1 Tesaloniki 1:1

Mam Pɔɔl, Silevanuse, la Timoti en gulehɛ gɔŋɔ wa bɔ'ɔra sakereba Lageŋɔ la en boi Tɛsalonika la, Yinɛ en de Sɔ la, la Daana Yezu Kiresta. Zu'uhegɔ la suma'ahum bɔna la ya.

1 Tesaloniki 1:3

Tu tɛɛra tu Yinɛ en de tu Sɔ la nɛŋan ya sakerɛ tuuma, la ya nɔŋerɛ tuuma, la yan ze' se'em kankaŋi ya beere puti'irɛ la puan se'em tu Daana Yezu Kiresta puan la.

1 Tesaloniki 1:4

Tu mi', tu suurɔ wa en de Yinɛ sunɔŋerɛ nɛreba wa, ti eŋa en looe ya,

1 Tesaloniki 4:7

Yinɛ ka yi' tu na bahɛ dɛgerɔ tuuma puan, gee tu dɛna Yinɛ tuulum duma.

1 Tesaloniki 5:28

Daana Yezu Kiresta zu'uhegɔ wan bɔna la ya. (Taari.)

2 Tesaloniki 1:2

Zu'uhegɔ bɔna la ya, ti suma'ahum en ze'ele Yinɛ tu Sɔ, la tu Daana Yezu Kiresta zi'an na bɔna la ya.

2 Tesaloniki 3:16

Nananawa, suma'ahum Daana la mɛŋa wan bo' ya suma'ahum saŋa woo, sadɔɔ seko woo puan. Daana la bɔna la ya za'a.

2 Tesaloniki 3:18

Tu Daana Yezu Kiresta zu'uhegɔ bɔna la ya za'a.

1 Timoti 1:2

N gulehɛ gɔŋɔ wa bɔ'ɔra la Timoti, en de mam mɛŋa dayua sakerɛ la puan. Zu'uhegɔ, nimbɔ'zɔrɛ, la suma'ahum en ze'ele Yinɛ en de Sɔ la, la Kiresta Yezu en de tu Daana la zi'an na la dɛna fum dinɛ.

1 Timoti 6:2

Sɛba kpɛ'ɛnduma en de sakereba la, ba da zɛɛna ba, se'ere zuo, ba dela lageŋɔ la puan nɛreba. Gee ba tugum tuna suŋa suŋa bɔ'ɔra ba, se'ere en sɔi la, sɛba en diti ba tuuma la nyuurɔ dela sakereba, en de ba suurɔ ti ba nɔŋɛ. Pa'ala gee ka'ana ba yele ana wa la ninmu'urɛ.

2 Timoti 1:2

N gulehɛ bɔ'ɔra la Timoti en de mam sunɔŋerɛ dayua. Zu'uhegɔ, nimbɔ'zɔrɛ, la suma'ahum en ze'ele Yinɛ en de tu Sɔ la, la Kiresta Yezu tu Daana la zi'an na, bɔna la hɔ.

2 Timoti 4:22

Daana la bɔna la hɔ sia, zu'uhegɔ bɔna la hɔ.

Taitusi 1:4

Mam en guleheri bɔ'ɔra fum Taitusi en de mam sunɔŋerɛ dayua, sakerɛ se'ere ti tu lagum dɔla la puan. Zu'uhegɔ la suma'ahum en ze'ele Yinɛ en de Sɔ la, la Kiresta Yezu en de tu Faara la bɔna la ya.

Afilmõ 1:25

Daana Yezu Kiresta zu'uhegɔ bɔna la fum sia.

Afilmõ 1:3

Zu'uhegɔ bɔna la ya, la suma'ahum en ze'ele Yinɛ tu Sɔ, la tu Daana Yezu Kiresta zi'an na.

Yemesi 1:1

Yemesi en de yameŋa bo' Yinɛ la Daana Yezu Kiresta la, en gulehɛ gɔŋɔ wa bɔ'ɔra yizuto pia la tuyi' la en nɔgɛ bɔna zi'an woo la. Mam pu'uheri ya na.

1 Pita 1:15

Gee wuu se'em en yi' ya la, en de fa'a se'em la, deni ya Yinɛ tuulum nɛreba ya mɛhi, ya itegɔ woo puan.

1 Zã 3:1

Bihɛ ya nɔŋerɛ kãtɛ se'ere en boi de tɔka ti Sɔ la dikɛ bo' tu, ti ba yi'ira tumam Yinɛ kɔma. Ɛ̃ɛ tumam en sirum de sɛba n bala. Se'ere en sɔi ti tiŋa wa ka mina tu la dela, tiŋa wa yuum ka ka mi' en.

2 Zã 1:3

Zu'uhegɔ, nimbɔ'zɔrɛ la suma'ahum en ze'ele Yinɛ en de Sɔ la, la Yezu Kiresta en de Sɔ la dayua la zi'an na wan bɔna la tɔ, yelemɛŋerɛ la nɔŋerɛ puan.

Lilegere 2:1

“Suŋera se'em en boi Ɛfisu lageŋɔ la puan la ti n guleha bɔ'ɔra. Yetɔgebuna dela se'em daana en zãli ŋmarebibehi siyopɔi a zuɔ nu'o puan la, se'em en eere salema butolehi siyopɔi ze'elehi la tiŋasuka la yetɔgum.

Lilegere 2:12

“Suŋera se'em en boi Pɛgamum tiŋa lageŋɔ la puan la, ti n guleha bɔ'ɔra. Yetɔgebuna dela se'em daana n tari sɔ'ditega en tari nɔya ayi'.

Lilegere 2:18

“Suŋera se'em en boi Taitira lageŋɔ la puan la ti n guleha bɔ'ɔra. Yetɔgebuna dela Yinɛ Dayua la, se'em nini en ani wuu bugum peelum la, la se'em nama en nyagere wuu nyɔgum la dinɛ.

Lilegere 2:29

Bahɛ ti se'em woo en tari tuberɛ, a kɛleha sɛla ti Fa'a Sia la tɔgera bɔ'ɔra lageŋɔ la za'a la.

Lilegere 2:8

“N gulehɛ bɔ'ɔra la Suŋera se'em en boi Semirina tiŋa lageŋɔ la puan la. Yetɔgebuna dela se'em en de Pɔhega gee dɛna Ba'ahegɔ, se'em en daa ki gee le vɔna la yelehum.

Lilegere 22:21

Daana Yezu zu'uhegɔ, bɔna la nɛresunduma la woo.

Lilegere 3:14

“Suŋera se'em en boi Laodisiya tiŋa lageŋɔ la puan la ti n guleha bɔ'ɔra. Yetɔgebuna ze'ele la se'em en de “Amɛn” la zi'an na. Sakerɛ la yelemɛŋerɛ aze'nyɛ Daana la, se'em en de Yinɛ naaŋɔ la za'a pi'ileŋo daana la zi'an na.

Lilegere 3:22

Bahɛ ti se'em woo en tari tuba, a kɛleha Fa'a Sia la en yeti sɛla bɔ'ɔra lageŋɔ la za'a la.”

Lilegere 3:7

“Suŋera se'em en boi Filadelefiya tiŋa lageŋɔ la puan la ti n guleha bɔ'ɔra. Yetɔgebuna ze'ele la Fa'a daana la, se'em en de yelemɛŋerɛ daana la, zi'an na. Se'em en tari Deviti yire kparehega la, Se'em en yu'ɛ ti se'em ka bɔna yu'ura la, Se'em en yu' ti se'em ka bɔna wan yu'ɛ la.