Aromduma 1:4 - ZE'ELEGO PAALEGA

⁴ Doohe tuuntɔɔ sia puan, ba looe en mɛ ti a dɛna Yinɛ dayua, la paŋa, doohe en ihege a kum puan la, Ena daana dela Yezu Kiresta, tu Daana la.

Farefare Ninkaré

⁴ La Nawẽnnɛ Sɩa la boe a zẽ'am mɛ la pãŋa, pa'alɛ tɩ a de la Nawẽnnɛ Dayʋa, ẽŋa n ki dee vo'oge la.

Aromduma 1:4 Iomraidhean Croise

Amatie 4:3

Ti pumpã'afum daana la wa'am a zi'an na yele en yeti, “Fum han dɛna la Yinɛ bia, bo' kuga wa nuurɛ ti ba lebege boroboro.”

Tõoma 17:31

Se'ere n sɔi la, a looe la dabeherɛ biŋe, ti daan dinɛ daarɛ ti a wan gakɛ nɛrawoo n boi timpaberɛ wa zuo tuuntɔɔ. A wan doohe la buraa kayima ti a mɛŋa looe la, doohe eŋa puan ti putɛ'kɔ'ɔrɛ bɔna, eŋa n ihege en kum puan la.”

Tõoma 2:24

Gee Yinɛ n vo'e en, gee yehe en kum puan bahɛ, se'ere n sɔi la, kum paŋa kan ta'am bobe en sɔna.

Tõoma 2:32

Yezu kana wa, Yinɛ n vo'e en, yelese'ere ti tu za'a dɛna aze' nyɛ duma ti de sirum iŋɛ mɛ.

Tõoma 3:15

ya tugum ku la vom daana la se'em ti Yinɛ vo'e en kum puan la. Yele dina wa ti tumam dɛna aze' nyɛ duma.

Aromduma 1:3

Faarɛ yelehum sebo en de Yinɛ dayua, se'em tuuhum en ze'ele Naba Deviti puan na la, wuu en de asaala la.

2 Korẽntɩ 13:4

Ba daa kpa' en mɛ a tɔregɔ puan, gee a vo'e mɛ Yinɛ paŋa la puan. Tumam dela tɔregɔ a puan, gee tumam han tuna la yamam, tu vɔi mɛ la en, Yinɛ paŋa la puan.

Hiburuduma 9:14

Ŋwani ti Kiresta ziim la kan tum gaŋɛ bala zo'e zo'e se'em en doohe Sia sɛka en ka tari ba'ahegɔ la puan, kaabɛ a mɛŋa fa'a kaabegɔ bo' Yinɛ la. Ziim buna wan sirum pee tu puti'ira yehe kum tuuma puan, tari tu lebe ti tu na'aha Yinɛ Vɔa wa!

1 Pita 1:11

viihera ɛɛra nɛresɛka, la sansɛka ti Kiresta Sia la en boi ba puan la ta pa'alɛ ba, doohe la Sia la en te'ele yele ba namehegɔ seko taaba en maahum gura Kiresta, la na'ahegɔ seko en dole ku poore.

2 Pita 1:21

beni zuo, purega ka tabelɛ ze'ele asaala sumboolum puan na, gee saaleba, buraahi la pɔgehi en ze' zulaam, ti Fa'a Sia la tɔgɛ Yinɛ zi'an doohe ba puan.

Lilegere 1:18

Mam de se'em en vɔi la. Mam yuum ki mɛ, gee bihɛ, n vɔi mɛ wuuha wuuha. Mam en tari kum, la ki'intiŋa kparehega la.

Lilegere 19:10

Ti mam nyaa lu a nama tiŋa ti n na'ahɛ en, gee a yele mam yeti, “Da iŋɛ bala! Mam dela fum tuntuna tadaana bɔna la hɔ, la fum tansugere la en gurɛ Yezu yelehum muulegɔ kankaŋi la. Na'ahɛ Yinɛ! Se'ere en sɔi la, Yezu yelehum la muulegɔ en de purega sia.”