Aromduma 1:16 - ZE'ELEGO PAALEGA

¹⁶ Vi ka tari mam la faarɛ yelehum wa. Beni zuo, bu dela Yinɛ faarɛ paŋa, bo' se'em woo en tari sakerɛ, Yuuduma yia, gee nyaa bɔ'ɔra Girikiduma.

Farefare Ninkaré

¹⁶ Yãnnɛ ka tarɩ mam la kõ-yẽlga la mõolgɔ. A de la Nawẽnnɛ pãŋa n botɩ nẽr-sɛba wuu n bɔ ẽ sɩra la yẽta fãarɛ, pɔspɔsɩ de la Zifdõma, pa'asɛ la sɛba n dagɩ Zifdõma.

Aromduma 1:16 Iomraidhean Croise

Amarkɩ 8:38

Sɛba en zoti valum la mam la n yelehum wa, yaalegɔ la be'em buuri saŋa wa puan, mam Asaala Dayua wa wan ta tara valum la ba, n han ta lɛbera na la n Sɔ suŋa la ti n Sɔ fa'a suŋereba la dɔla mam la.

Aluki 9:26

Se'em en tari vi la mam, la n yelehum wa la, eŋa ti Asaala Dayua wa wan ta tara vi la en, n han ta lɛbera na la n suŋa la puan la, Sɔ suŋa puan la, la Fa'a suŋereba suŋa la.

Azã 7:35

Ti Yuuduma la sɔkera taaba yeti, “Bɛha ti buraa wa maaheni ti ka kiŋɛ, ti tumam kan nyɛ en? A maaheni ti a kiŋɛ la tu nɛreba sɛba n kɛ'eri Giriki tihi puan ha la zi'an ta pa'ala ba bii?

Tõoma 3:26

Yinɛ n wa looe a yameŋa wa la, a pɔhɛ tum en la yamam zi'an ti ya nyɛ sum, doohe la en wan bahɛ ti yamam ayima ayima tee ya suya gee yehe ya be'em tuuma la puan la.”

Aromduma 10:17

Bala zuo, sakerɛ ze'eti la wuŋa puan na, ti sɛla ti ba wum la me ze'eti la Kiresta yelehum la puan na.

Aromduma 15:19

doohe paŋa kirehi, la nyalema, en tum doohe Yinɛ Sia paŋa la puan, pɔhɛ Yerusalɛm ta paaɛ Ilirikum, mam tɔgɛ Kiresta faarɛ yelehum la za'a za'a.

Aromduma 15:29

N me mi' ti n han ta yɛ'a na, n ye' mɛ na, pirɛ la Kiresta maalegɔ la puan.

Aromduma 2:9

Yelemɛŋerɛ, wuŋerɛ en ka tari makerɛ la susageŋɔ wan bɔna bo' se'em woo n tuni be'em, pɔhera Yuuduma, gee nyaa paara Girikiduma.

Aromduma 4:11

Aberaham daa to'e ŋmaa daalehum la mɛ ti la dɛna sɛla n pa'alɛ a tuntɔɔnɛ la ti a to'e la sakerɛ la, ti a nan ka ŋma. Iti kuna wa dela, la iŋɛ ti a dɛna yaaba bo' sɛba woo en nam gee ka ŋma la, n yeti la sɛba ti Yinɛ bihɛ nyɛ ba ti ba dɛna tuuntɔɔ duma la.

1 Korẽntɩ 15:2

yelehum sebo puan ti ya nyɛ faarɛ, doohe ya han gurɛ yelehum la ti n muulɛ bo' ya la kankaŋi, han dagena ti ya yeen sakɛ la yoo.

1 Korẽntɩ 2:2

Beni zuo, mam daa iŋɛ n puti'irɛ ti n ka boti n baŋɛ se'ere ya puan, han dagena Yezu Kiresta, la ban en kpa' en la ma'a.

1 Korẽntɩ 2:4

Mam tugum, la n muulegɔ la daa dagi pã'ahegɔ yetɔgum, gee Sia la tuuma, la paŋa,

1 Korẽntɩ 9:12

Basɛba han tara sore ti ba to'e sɛla ya zi'an, tumam ka nari gaŋɛ bala? Gee aayi, tumam ka makɛ dikɛ yɔ'ɔ kuna wa tum, gee tumam ŋmiberi mɛ sɛla woo puan, nyana tu dikɛ sɛla beŋe Kiresta faarɛ yelehum wa puan.

1 Korẽntɩ 9:18

Beni en nyaa de mam yɔɔrɛ la? La dela n muulegɔ la, n bahɛ ti faarɛ yelehum wa paaɛ nɛreba zaŋa la, ti n da ta'am dikɛ mam tari yɔ'ɔ seko faarɛ yelehum wa puan la tum.

2 Korẽntɩ 2:12

Mam n paaɛ Torowase tiŋa ti n muulɛ Kiresta faarɛ yelehum la, kuleŋa n yu'ɛ bo' mam Daana la puan,

2 Korẽntɩ 4:4

Ba yele la dela, tiŋa wa zuo yinɛ la n pi' sɛba n ka nam Yezu la puti'ira, ti a gu ba ti ba da nyɛta faarɛ yelehum niihum la n de Kiresta suŋa la. Kiresta se'em n de Yinɛ mɛŋa naanɛ la.

2 Korẽntɩ 9:13

Doohe la tumam en makɛ ya bihɛ la tuun-dina wa taaba la, ya bo' Yinɛ yu'urɛ pɛka mɛ la yan nam gee sakɛ bo' Yezu faarɛ yelehum la se'em la, la ya pupeelum tɔrega la ti ya tɔrɛ la ba, la basɛba me se'em la.

Galatɩ 1:7

dagi ti faarɛ yelehum bu sebo en boi ha, gee basɛba en boi, tulena ya puti'ira, bɔta ti ba tee Kiresta faarɛ yelehum la.

1 Tesaloniki 2:13

Tu me kelum bɔ'ɔra Yinɛ fara mɛ saŋa woo yele dina wa zuo. Ti yan to'e Yinɛ yelehum la ti ya wum tu zi'an la, ya nam bu mɛ, ti bu dagi asaala yelehum, gee bu sirum dela Yinɛ yelehum sebo en tuni la yamam sɛba en nam la suŋa suŋa.

1 Timoti 1:11

en dole faarɛ yelehum la suŋa en de sum Yinɛ wa dinɛ, ti a dikɛ bo' mam la.

2 Timoti 1:12

dina wa zuo ti mam nameha wuu mam en namehɛ se'em wa. Gee vi ka tari mam, se'ere en sɔi la, mam mi' se'em ti mam delum en la mɛ, N me mi' suŋa suŋa ti a wan ta'am gura mam ta paaɛ de daarɛ, la sɛla ti a dikɛ iŋɛ mam puan la.

2 Timoti 1:16

Daana la wan zɔ Onesiforuse yire duma za'a nimbu'ɔ, beni zuo, a dela se'em en baheri ti mam puti'irɛ gã'a tiŋa, ti vi ka tara en la mam bãhi wa.

2 Timoti 1:8

Bala zuo da tara valum la tu Daana yɛla la muulegɔ, bii mam se'em en boi paka deen a zuo la, gee naaɛ la mam, namehɛ faarɛ yelehum wa zuo, dɛla Yinɛ paŋa la,

Hiburuduma 4:12

Yelemɛŋerɛ, Yinɛ yelehum la vɔi mɛ gee tuna, dita gana su'a en tari nɔya ayi' la, ni ŋmaaɛ vo'ohum la ta paaɛ sia la, la inganɛ zi'an woo, ta ta' la kɔba, la a tomehego zi'ihi woo la sɛla en boi kuba la puan ha za'a. Yelehum la mi' suure puan ti'ihegɔ woo mɛ la de maaheŋɔ woo.

1 Pita 4:16

Gee la bala za'a, ya se'em han nyɛ namehegɔ yan de Kiresta kɔma la zuo, da bihɛ ya ti la dɛna vi' bɔ'ɔra ya, gee pɛgeri ya Yinɛ, la yan tari yu'urɛ dina wa la zuo.