Aromduma 1:11 - ZE'ELEGO PAALEGA

¹¹ N ba' boti ni n nyɛ ni ya mɛ, la n tɔrɛ zu'uhegɔ puan bo'olum la ya, ti la kpemehe ya Sia puan.

Farefare Ninkaré

¹¹ Se'ere n soe la, mam boorɩ la m sũure wuu tɩ m yẽ ya, tɩ m wʋn to'oge Nawẽnnɛ Sɩa bɔ'a bɔ ya tɩ ya yẽ pãŋa.

Aromduma 1:11 Iomraidhean Croise

Tõoma 16:5

Ba doohe se'em kpemehe lageŋɔ la nɛreba ba sakerɛ puan n bala, ti nɛreba me malum kɛ̃ lageŋɔ la pa'ahɛ daarɛ woo.

Tõoma 19:21

Yele ana wa woo n iŋɛ ba'ahɛ la, Pɔɔl maahum mɛ Sia la puan ti a doohe Masedoniya la Akaiya tihi puan gee nyaa tole Yerusalɛm. A yele bo' a mɛŋa yeti, “N han paaɛ bilam, n wan ba'ahɛ paaɛ Arome.”

Tõoma 19:6

Ti Pɔɔl n dikɛ a nu'uhi pagelɛ ba zuto la, ti Fa'a Sia la sige ba zuo, ti ba tɔgɛ zɛlempaala, gee purɛ.

Aromduma 1:12

Bii tu lagum bugelɛ taaba la tu sakerɛ. Yamam sakerɛ, la mam sakerɛ.

Aromduma 15:23

Gee nananawa, mam n ka le tara zi'an tinsina wa woo puan ti n kiŋɛ la, n suure nyaa kɔ'ɔm bɔta mɛ wuu yuuma zo'e zo'e ti en bɔta se'em la, ti n wa'am ya zi'an na,

Aromduma 15:29

N me mi' ti n han ta yɛ'a na, n ye' mɛ na, pirɛ la Kiresta maalegɔ la puan.

Aromduma 15:32

Bala ti Yinɛ sumboolum la puan, n wan wa'am ya zi'an la nyɛɛma, gee tu za'a lagum me tara pupeelum la taaba.

Aromduma 16:25

Nananawa wa, pɛka dɛna Yinɛ se'em en wan ta'am kpemehe ya la yelehum la ti n bo' ya la, la mam n muulɛ Yezu Kiresta bo' ya se'em, yele se'ere en sugɛ gã'a diimen diimen ha se'em,

2 Korẽntɩ 1:15

Mam mi' dina wa la zuo, n boti ni ti n wa'am la yamam zi'an yia na, ti ya ta'am nyɛ zu'uhegɔ sugum nuuren buyi'.

2 Korẽntɩ 1:21

Gee la dela Yinɛ n sɛ' tumam la yamam Kiresta puan, gee bi'ihɛ tu,

2 Korẽntɩ 11:4

Se'ere en sɔi la, se'em han wa'am na muulɛ Kiresta kayima n dagi sɛka ti tumam muulɛ bo' ya la, bii ya to'e la sia kayima n dagi sɛka ti ya pun to'e la, bii faarɛ yelehum sebo en dagi sebo ti ya pun to'e la, ya me ni sirum to'e a mɛ la ninmu'urɛ.

2 Korẽntɩ 9:14

Ba nɔŋɛ ya, gee pu'uha bɔ'ɔra ya la Yinɛ zu'uhegɔ seko en ka tari makerɛ ti Yinɛ ka'ɛ bahɛ ya la zuo.

Filipi 1:8

Yinɛ en de mam aze'nyɛ daana, mam n mu'ɛ nini ba' bɔta ti n nyɛ ya za'a se'em, la Kiresta Yezu nimbɔ'zɔrɛ la.

Filipi 2:26

A ba' bɔta ti a nyɛ ya za'a mɛ, gee a suure sagum mɛ la yan wum ti a bɛ̃'ɛri mɛ la.

Filipi 4:1

Dinɛ zuo, n suŋɛ duma ti n nɔŋɛ, gee bɔta ti n nyɛ ya paaɛ paaɛ wa, mam nyɛɛma la mam na'am muŋa wa. Ze' ya kankaŋi Daana la puan, sadɔɔ kuna puan, n sunɔŋerɛ wa.

1 Tesaloniki 3:13

A wan kpemehe ya suya la Yinɛ tuulum vom puan, ti ya ka tara tuure tu Yinɛ, la tu Sɔ la nɛŋan, tu Daana Yezu, la a nɛresunduma la kinɛ puan na.

1 Tesaloniki 3:2

gee tum Timoti tu suuɔ, la tu tuntuna tadaana Yinɛ puan, se'em en muuli Kiresta faarɛ yelehum la, ti a wa'am na bo' ya paŋa, gee kpemehe ya ya sakerɛ la zuo,

2 Tesaloniki 2:17

bugelɛ ya suya, gee kpemehe ya suya tunsuma woo la yetɔge sumɔ woo puan.

2 Tesaloniki 3:3

Gee Daana la dela yelemɛŋerɛ daana. A wan sɛ ya ze'ele, gee gu' ya nɛrebɛ'a la zi'an.

Hiburuduma 13:9

Da bahɛ ya ti pa'ali yooro yima yima ziira ya kaara zi'an woo, se'ere en sɔi la, la ani suŋa ti zu'uhegɔ kpemehe suure la, nyana dia kihega yɛla, yele sɛ'a en ka suŋɛ sɛba en dole a la.

1 Pita 5:10

Ti ya han namehɛ yuue fii wa, Yinɛ en de zu'uhegɔ za'a daana la, se'em en yi' ya ti ya wa'am na bɔna sunsɛka en ka tari ba'ahegɔ Kiresta puan la, a mɛŋa wan lebehe ze'ele ya, te'ele ya, kpemehe ya, gee sɛ ya ze'ele kankaŋi.

1 Pita 5:12

Doohe Silevanuse, se'em ti mam nyɛ ti a dela suuɔ en de sakerɛ daana, ti mam gulehɛ gɔŋɔ girega wa, ti n kpemehe ya, gee pa'alɛ ti Yinɛ zu'uhegɔ yelemɛŋerɛ en ŋwana. Sɛ ya ze'ele kankaŋi de puan.

2 Pita 1:12

Ŋwana zuo, mam ku n puti'irɛ mɛ ti n tiihera ya yele ana wa, la yan pun mina a, gee sɛ zɛ'a yelemɛŋerɛ se'ere en wa'am ya zi'an na la.