Amarkɩ 13:9 - ZE'ELEGO PAALEGA

⁹ “Gee han dɛna yamam mɛhi, mini ya suŋa suŋa gee ba wan ta nyɔgɛ ya kiŋɛ yele gakereba la zi'an, ba wan ŋmɛ' ya zamehegɔ yiya la puan, ya wan ta ze'ele tihi na'kãreba la na'duma nɛŋan mam zuo, ti la dɛna sɛla en iŋɛ gã'a.

Farefare Ninkaré

⁹ Guuse ya mẽŋa, tɩ nẽrba wʋn tarɩ ya mɛ sẽŋɛ ka sãm ba sarɩyadia zẽ'esʋm, tɩ ba wẽ ya ba wẽndeto pʋam. La ba wʋn tarɩ ya sẽŋɛ gɔmnadõma, la na'adõma nẽŋam mam ĩyã. La ya wʋn tɔgɛ mam yɛla pa'alɛ ba.

Amarkɩ 13:9 Iomraidhean Croise

Amatie 5:22

Gee mam yeti ya yeti, fum se'em en iŋɛ suure la a suuɔ wan nyɛ gakerɛ. Fum se'em en tu fum suuɔ wan paaɛ kiinduma zi'an. Fum se'em en yele nɛra ti, ‘Gerego wa,’ ye' la bugum tiŋa.

Amarkɩ 1:44

Yezu yele en yeti, “Bihɛ suŋa, da yele nɛra nɛra. Gee tari fum mɛŋa ta pa'alɛ Malema daana la, gee bo' ban'an bahega bo'olum sebo ti Moose bo' nuurɛ ti ya bɔ'ɔra la, ti la dɛna yelese'ere n iŋɛ gã'a bo' ba.”

Amarkɩ 13:5

Ti Yezu pɔhɛ yɛta ba yeti, “Bihɛ ya mɛhi suŋa ti se'em da pa'ahɛ ya.

Amarkɩ 13:8

Se'ere en sɔi la, timpaberɛ kayima nɛreba wan ihege tɛ' pɛɛma la timpaberɛ kayima nɛreba, ti Na'duma zabera la taaba, tinmiiŋo wan sige tihi zo'e zo'e zuo, ti kom pɛɛlega sige, gee ŋwana wa woo nan dela too la saŋa dɔgum pɔhega en nan bala.

Amarkɩ 6:11

Tinsɛka duma han ka to'e ya, gee zagehɛ ti ba kan kelehe ya, yan baheri tinkaŋa puan la, kpa'ahɛ ya ya nama pu'uhegɔ bahɛ ka puan ti la dɛna yele iŋɛ gã'a.”

Aluki 9:5

Ze'sɛka woo ti ba ka to'e ya, ya han bahera tinkaŋa, kpa'ahɛ ya nama puuhego bahɛ ka puan ti la dɛna yele gã'a.”

Azã 15:20

Tɛri ya yelehum la ti mam tɔgɛ bo' ya yeti, ‘Yameŋa ka gana ka daana la.’ Ba han mɛlehɛ mam, ba wan mɛlehɛ yamam me. Ba han gurɛ mam yelehum la kankaŋi, ba wan gurɛ yamam yelehum la me kankaŋi.

Azã 16:2

Kelehe ya, Ba wan dige ya zamehegɔ yiya la puan bahɛ. Saŋa kini na, ti sɛba n ku ya, wan ti'ihɛ ti ban iŋɛ bala la, ba tuni bɔ'ɔra la Yinɛ.

Tõoma 21:11

Wa'am tumam zi'an na, paaɛ na dikɛ Pɔɔl sɛganɛ lu' a mɛŋa nama la a nu'uhi, gee yeti, Fa'a Sia la yeti, “Ŋwana ti Yuuduma la n boi Yerusalɛm la wan ta lu' burasɛka n sɔi sɛganɛ wa, dikɛ en bu sɛba n dagi Yuda buuri la.”

Tõoma 7:54

Nɛreba la n wum yele ana wa la, ba suure n nyiie, ti ba ɔbera nyɛna Siteven nɛŋan.

Tõoma 9:16

Mam mɛŋa wan pa'alɛ en, en de a namehɛ namehɛ kãra sɛ'a mam yu'urɛ wa muulegɔ zuo.”

Filipi 1:29

Yinɛ ka doohe a zu'uhegɔ la puan bo' tu la yɔ'ɔ ti tu nam la Kiresta ma'a, gee tu nameheri a zuo me,

2 Tesaloniki 1:5

Ŋwana en de daalehum bo' Yinɛ tuuntɔɔ gakerɛ la, a maahum ti a bahɛ ti ya nara mɛ la Yinɛ sɔ'ɔlum la, ti ya me namehera bu zuo la.

2 Zã 1:8

Biheri ya mɛhi suŋa, la ya da bɔregɛ sɛla ti tumam tum bo' ya ti ya tara la, gee ya wan to'e yɔɔrɛ la za'a.

Lilegere 1:9

Mam Yɔn, ya suuɔ, se'em la yamam en lagum bɔna Yezu puan, lagum nyɛ namehegɔ, a sɔ'ɔlum la, la a sugeri ŋmibega la, n wa bɔna la tiŋa en boi ko'om tiŋasuka ti ba yi'ira ka Patimose, mam muuli Yinɛ yelehum la, la mam en de Yezu aze'nyɛ daana la zuo.

Lilegere 2:10

Da zoti ya dabeem la yan boi bini ti ya namehɛ namehegɔ seko wa. Mini ya suŋa ti bumbe'o la maahum mɛ ti a bahɛ ti ba pagɛ ya sɛba paka deto puan, ti la dɛna makerɛ bo' ya, dabeha pia ti ba wan dikɛ pɔgelum ya. Gee tari ya sakerɛ ta paaɛ kum, gee ti n bo' ya vom muŋa la.

Lilegere 2:13

“N mi' ya bɔŋa zi'an, la dela zi'an ti Sagena la na'am kuka la bɔna. Gee la bala za'a ya kɔ'ɔm gurɛ mam yu'urɛ la mɛ kankaŋi, gee ka zagehɛ ya sakerɛ la mam, pun ta paaɛ zahera Antipas se'em en daa de mam aze'nyɛ daana, tara sakerɛ la mam, ti ba daa ku en ya tiŋasuka, Sagena la bɔŋa zi'an la.