Aluki 11:2 - ZE'ELEGO PAALEGA

² Ti Yezu yele ba yeti, “Ya han ni pu'uha, ni yele ya yeti, “Sɔ, fum yu'urɛ wa sɔna na'ahegɔ. Fum sɔ'ɔlum wa'am na.

Farefare Ninkaré

² Tɩ a yele ba yetɩ: «Ya sãn pʋ'ʋsra, ya yetɩ: ‹Tõma Sɔ, botɩ fʋ yʋ'ʋrɛ yẽta pẽka, wa'am wa di na'am nẽrba tẽŋasʋka,

Aluki 11:2 Iomraidhean Croise

Amatie 10:32

“Se'em woo en ze'ele nɛreba tiŋasuka purɛ mam yu'urɛ suŋa suŋa, mam me wan ta ze'ele en Sɔ en boi saazuo ha la nɛŋan me purɛ a yu'urɛ suŋa suŋa.

Amatie 3:2

“Tee ya, gee Saazuo sɔ'ɔlum la pɔri na.”

Amatie 5:16

Bala mɛa, bahɛ ya ti ya niifum la niira nɛreba nɛŋan, ti ba nyɛ ya tuunsuma la, la ba dikɛ pɛka bo' ya Sɔ en boi saazuo ha la.

Aluki 11:1

Yezu ta bɔna la zi'an kayima pu'uha, ti en ba'ahɛ la, ti a zahereba la ayima yele en yeti, “Daana, pa'alɛ tɔ ti tu pu'uha wuu Yɔn en pa'alɛ a zahereba la se'em la.”

Aromduma 1:7

Mam Pɔɔl n gulehɛ bɔ'ɔra la yamam sɛba woo ti Yinɛ nɔŋɛ ya, ti ya bɔna Arome tiŋa puan, ti Yinɛ yi' ya ti ya dɛna nɛresunduma la. Zu'uhegɔ dɛna ya dinɛ, ti suma'ahum en ze'eti Yinɛ en de tu Sɔ, la Daana Yezu Kiresta zi'an la dɛna ya dinɛ.

Aromduma 8:15

Ŋwana zuo la Ya ka to'e la Sia sɛka en bahɛ ti ya dɛna da'aba, le lu dabeem puan, gee ya to'e la Sia sɛka en bahɛ ti ya dɛna sɛba ti ba to'e ya bihera. Bala n bahɛ ti tu ni kaahɛ yeti “Aba” “Tu Sɔ suŋɔ.”

1 Korẽntɩ 1:3

Zu'uhegɔ dɛna ya dinɛ, la suma'ahum en ze'ele Yinɛ en de tu Sɔ la, la tu Daana Yezu Kiresta zi'an na, bɔna la ya.

2 Korẽntɩ 1:2

Zu'uhegɔ bɔna la ya, la suma'ahum n ze'ele Yinɛ n de Sɔ, la tu Daana Yezu Kiresta zi'an bɔna la ya.

Galatɩ 1:4

eŋa se'em en dikɛ a mɛŋa bo' tumam be'em zuo, ti a faaɛ tɔ be'em buuri sankana wa puan bahɛ, doohe tu Yinɛ n de tu Sɔ la sumboolum en de se'em la,

Efɛɛzɩ 1:2

Zu'uhegɔ la suma'ahum en ze'ele tu Sɔ Yinɛ, la tu Daana Yezu Kiresta zi'an bɔna la ya.

Filipi 1:2

Zu'uhegɔ bɔna la ya, ti suma'ahum en ze'ele Yinɛ en de tu Sɔ, la tu Daana Yezu Kiresta zi'an, bɔna la ya.

Filipi 4:20

Pɛka dɛna tu Yinɛ, la tu Sɔ la dinɛ wuuha wuuha. Taari.

Kolɔsɩ 1:2

Tu gulehɛ bɔ'ɔra la nɛresunduma, la sakereba en de tu suurɔ Kiresta puan, bɔna Kolose tiŋa la. Zu'uhegɔ dɛna ya dinɛ, la Yinɛ en de tu sɔ la suma'ahum.

1 Tesaloniki 1:1

Mam Pɔɔl, Silevanuse, la Timoti en gulehɛ gɔŋɔ wa bɔ'ɔra sakereba Lageŋɔ la en boi Tɛsalonika la, Yinɛ en de Sɔ la, la Daana Yezu Kiresta. Zu'uhegɔ la suma'ahum bɔna la ya.

1 Tesaloniki 1:3

Tu tɛɛra tu Yinɛ en de tu Sɔ la nɛŋan ya sakerɛ tuuma, la ya nɔŋerɛ tuuma, la yan ze' se'em kankaŋi ya beere puti'irɛ la puan se'em tu Daana Yezu Kiresta puan la.

2 Tesaloniki 2:16

Nananawa, tu Daana Yezu Kiresta mɛŋa, la Yinɛ en de tu Sɔ se'em en nɔŋɛ tɔ gee doohe a zu'uhegɔ puan, bo' tu sumbugehum la beere putɛ'sunɛ en ka tari ba'ahegɔ la,

Lilegere 11:15

Ti suŋera buyopɔi daana la peebe a tintanɛ la, ti kuuhi kekeko ze'ele saazuo ha vɔɔla baha na yeti, “Tiŋa zuo sɔ'ɔlum la nyaa dela tumam Daana la dinɛ la a Kiresta la dinɛ, eŋa en wan dɛna ka naba, wuuha wuuha.”

Lilegere 15:4

Daana, ani en kan zɔta fum, gee na'aha fum yu'urɛ wa? Se'ere en sɔi la, fum ma'a en de Fa'a. Tihi za'a wan wa'am fum nɛŋan na, na'aha hɔ, se'ere en sɔi la, fum tuuntɔɔ tuuma la za'a niiɛ mɛ na.”

Lilegere 19:6

Ti mam wum ti sɛla ana wuu nɛrekuuŋɔ kuuhi la, damena wuu ko'kiŋɔ en sũni la, damena wuu saa en dameni la, kaaha baha na yeti, “Haleluya! Tu Daana Yinɛ la, Gani za'a Daana la eŋa en de naba.

Lilegere 20:4

Ti mam nyɛ na'am kugehi, ti sɛba en zi' si zuto la, ba bo' ba la paŋa ti ba gakera. Mam me nyɛ sɛɛhi en de sɛba ti ba fige ba zuto, ban nam Yezu, gee muula Yinɛ yelehum la zuo. Bama ka lagum pu'uhɛ bunsilemasio la bii a naanɛ la, bii ba to'e a daalehum la ba gbɛ'ɛran bii ba nu'uhen. Ba vo'e me na, dɛna kiinduma, la Kiresta yuuma tuhere la puan.